Sunday, September 14, 2008

27.3 စန်းအောင်မှာ ပေါင်သေး ကြောင်း နဲ့

ဟင်းဗလာ နဲ့ ထမင်းချိုင့် နေ့တိုင်း ယူလာရလောက်အောင် ဆိုးဝါးနေတဲ့ စန်းအောင်ရဲ့ အခြေအနေကို နောက်ရက်များမှာ ကျွန်တော် တစွန်းတစ စပ်စုကြည့်မိတယ်..။

မိဘမောင်နှမ ၀န်ထုတ်ဝန်ပိုးတွေ ပိလွန်းနေလို့လား..။ နေထိုင်မကောင်း ဖျားနာ.. အိပ်ရာထဲ လဲနေတဲ့ မိသားစုဝင် တစ်ယောက်ယောက်ကြောင့်များလား..။

စတဲ့ လားပေါင်းများစွာ တွေးတောရင်း ဟိုဟိုသည်သည် နီးစပ်ရာ ကျွန်တော် မေးကြည့်တော့မှ.. ကျွန်တော်ထင်တာတွေ တစ်ခုမှ မဟုတ်ဘဲ နှစ်လုံး သုံးလုံး နှိပ်စက်လို့ အဲသလို ဖြစ်နေတယ် ဆိုတာ သိခဲ့ရတယ်..။

ဝမ်းနည်းရမှာလား ၀မ်းသာရမှာလား မိသိန်းကြည် ဆိုတာမျိုးလို စန်းအောင်ကို သနားရမှာလား ကရုဏာ သက်ရမှာလား ဒေါသထွက်ရမှာလား ကျွန်တော် မဝေခွဲနိုင် ဖြစ်ရပါတယ်..။

ရတဲ့ လခ ပူအောင်တောင် မကိုင်နိုင်ဘဲ အိမ်ရှေ့မှာ တန်းစီစောင့်နေတဲ့ နှစ်လုံးသုံးလုံး ဆရာများကို ၀ကွက် အပ် အပ်နေတဲ့ စန်းအောင်..။

ချဲထွက်မယ့် မနက်.. ဒိုင်စာရင်းမပိတ်မှီ.. အပိုင်ကွက်ကို အပီအောဖို့.. ထမင်းကို စောစောထချက်.. ၊ ထမင်းကျက်တော့ အိုးကို ချွတ်တိုက်ဆေးကြောပြီး အပေါင်ဆိုင် အပြေးပို့ လုပ်နေတဲ့ စန်းအောင်..။

ယောဂ ကျင့်တာလိုလို.. သမထ လိုက်စားတာလိုလို .. ဘိုးတော်လိုင်း အားထုတ်တာလိုလို နဲ့ ထွက်ချင်ရာထွက်တဲ့ ချဲဂဏန်းကို အာရုံထင်လာအောင် ကြိုးကုတ် နေတဲ့ စန်းအောင်..။

စတဲ့ အကြောင်းတွေ ကျွန်တော်သိရပြီးနောက်မှာ.. ဒီလောက် မိုက်တဲ့ကောင် သူ့အပြစ်နဲ့ သူ နေပစေ လို့ ဥပက္ခာ စိတ်ထားဖို့ ကျွန်တော်တွေးမိပေမယ့် လက်တွေ့မှာတော့ ရသလောက် ပြုပြင်ကြည့်ဖို့ပဲ ကျွန်တော်ကြိုးစား ခဲ့တယ်..။

အသလိုလို နဲ့ အတော်လည်တဲ့ စန်းအောင်

တကူးတက သီးသန့်ကြီး ခေါ်တွေ့ပြီး သူ့လုပ်ရပ်တွေမှားနေကြောင်း ပြောတာထက်.. အလာပ္ပသလာပ္ပ ပြောရင်း ချဲနှစ်လုံး မကောင်းကြောင်း ပြောတာက ပိုကောင်းမယ်လို့ ကျွန်တော်တွေးမိတယ်..။

ဟိုရောက်ဒီရောက် လူငယ်တွေ စကားဝိုင်းမှာ တရားထိုင် သမထကျင့်ပြီး ချဲ ဂဏန်း သိအောင်လုပ်တာ ဟာ ခပ်ချာချာ အတွေးအခေါ် ဆိုတာမျိုး ကျွန်တော်ပြောဖို့ ကြိုးစားရတယ်..။

ဒါပေမယ့် ချဲကြောင်း စကားစလိုက်တာနဲ့ စန်းအောင်က သူ့ကို ဦးတည်နေမှန်း သိနေပြီ..။ တင်းတင်းရင်းရင်း သူ့ကို ဆုံးမတဲ့ အထိ အရောက်မခံဘဲ ခေါင်းညိမ့်လျာလွှဲ သူလုပ်တတ်တယ်..။
တခါတလေလဲ လိုရင်းမရောက်ဘဲ.. ခုတ်ရာတခြား ရှရာတခြား ဖြစ်ရပြန်တယ်..။

သမထ ကျင့်တဲ့ အကြောင်း နည်းနည်း ပြောမယ် စိတ်ကူးနဲ့ ထမင်းဝိုင်းမှာ
'' သမထ ဆိုတာ သိလား '' လို့ ကျွန်တော် စကားစတယ်..။

စန်းအောင်က သိသားပဲ လို့ ပြန်ဖြေတယ်..။ ကိုယ်ဦးတည်ချင်တဲ့သူက လိုလိုချင်ချင် ပြန်ဖြေတော့ ကျွန်တော်လည်း အားတက်သွားပြီး ''ကဲ လုပ်စမ်းပါအုံး.. သမထ ဆိုတာ ဘာလဲ '' လို့ မေးတာပေါ့..။
'' သမထ ဆိုတာ သမ ပြီး ထသွားတာကို ခေါ် တာ ဆရာ '' တဲ့..။ သူပြန်ဖြေတယ်..။

No comments: