အမေက ကျွန်တော့်ကို နှမျောတဲ့စိတ်နဲ့ ဘယ်သူနဲ့ယူယူ သဘောမတူနိုင်ဖြစ် နေခဲ့ တယ်..။ အဖေကတော့ တခွန်းပဲ ပြောတယ်..။ '' ငါ့ ငွေလုပ်တဲ့စက်ကလေး သူများ သိမ်းသွားပြီ '' တဲ့..။
အိမ်ထောင်ရက်သား ကျသွားရင် အဖေအမေကို မထောက်ပံ့နိုင်၊ မထောက်ပံ့တော့မှာ ကို ရည်ညွှန်းပြီး ပြောတာပဲ..။
မိဘများကိုလဲ ပြည့်စုံတဲ့အထိ ထောက်ပံ့၊ ကိုယ်လည်း အထိုက်အလျောက် အဆင်ပြေမှ အိမ်ထောင်ပြုမယ်လို့ တွေးနေသူတွေ မနည်း ရှိပါတယ်..။
ကျွန်တော်ကတော့ နောင်ခါလာနောင်ခါဈေး လို့ ပဲ သဘောထားလိုက်ပြီး မဒမ်နဲ့ အခါတော်ပေး နတ်ရေးငယ်ရွှေစာ.. မင်္ဂလာနေ့ရက်ရွေး ဖို့ လုပ်တယ်..။
မင်္ဂလာရက် ရွေးတယ်ဆိုလို့ ဘယ် ဗေဒင်ဆရာဆီများ သွား အကြံတောင်းလဲ လို့ ထင်မနေကြနဲ့အုံး..။
ရန်ကုန်မြို့ပေါ်က ဘုန်းကြီးကျောင်းတကာ လှည့်ပြီး ဘယ်ရက်အားသလဲ.. ။ အားတဲ့ရက်က တို့ မင်္ဂလာရက်ပဲ လို့ သတ်မှတ်လိုက်ကြတယ်..။
အင်းလျားလမ်းထိပ်နား ဓမ္မစေတီလမ်းပေါ်က မိုးညှင်းဝိပဿနာ ကျောင်းမှာ အားတဲ့ရက်မေးတော့ နောက်သုံးလအတွင်း လုံးဝမရှိဘူး.. ။
သို့သော် လာမယ့် တနင်္ဂနွေနေ့ကိုတော့ ကြိုပြောထားတဲ့ မင်္ဂလာမောင်နှံက ရက်မကြိုက်လို့ ပြန်အပ်ထားတယ်..။ အဲဒီရက် ကြိုက်ရင်တော့ အားတယ်လို့ သိရတယ်..။
ကိုယ်မေးတဲ့ ရက်ကပဲ ဗုဒ္ဓဟူးဖြစ်နေပြီ..။ တနင်္ဂနွေဆိုတော့ ကြား သုံးရက် ပဲ ရှိတော့တယ်..။
သို့သော် ကိစ္စမရှိ .. ဘုန်းကြီးကျောင်းက အားတဲ့ရက်က ကိုယ်တို့အတွက် မင်္ဂလာရက်ဟေ့လို့ ကြွေးကြော်ရင်း အဲဒီနေ့ကိုပဲ မင်္ဂလာရက် ရွေးလိုက်ကြတယ်..။
'' တရက်နဲ့အပြီးရိုက်တဲ့ ဖိတ်စာ ''
ကြားမှာ သုံးရက်ပဲ အချိန်ရသမို့ဖိတ်စာကို ဘယ်ပုံနှိပ်စက်မှ မအပ်တော့ဘဲ အလုပ်ထဲမှာ မောင်နှမလို ခင်မင်ရတဲ့ သူဌေးသမီးက တာဝန်ယူပြီး တစ်ရက်နဲ့ အပြီးလုပ်ပေးရှာတယ်..။
ရယ်ဒီမိတ် ဖိတ်စာအဖုံးကို ၀ယ်ပြီး အတွင်းစာသားကို ရုံးကွန်ပြူတာမှာ စာစီပြီး ကော်နဲ့ကပ်လိုက်ကြတယ်..။
'' မိဘများ သဘောမတူသော်ငြား ကျွန်တော်ကျွန်မတို့ ယူချင်လို့ ယူတဲ့ မင်္ဂလာပွဲကို လူမိုက်အားပေး လူကြီးမင်းတို့ ကြွရောက်ပါရန် လေးစားစွာ ဖိတ်ကြားအပ်ပါသည် '' လို့ ရေးလေ့ရေးထ မရှိသမို့ ထုံးစံအတိုင်း '' မိဘတို့ ၀တ္တရားရှိသည်နှင့်အညီ လက်ထပ်ထိမ်းမြားပြီး ဖြစ်ပါသဖြင့် .. .. မင်္ဂလာဦးဆွမ်းကျွေး ကိုကြွရောက်ချီးမြှင့်ပါရန် '' လို့ ပဲ စာပြင်လိုက်တော့တယ်..။
အနှီဖိတ်စာ လေးတွေကို ကိုင်ပြီး မဒမ်နဲ့ကျွန်တော် စက်ရုံကကားနဲ့ ခင်ရာမင်ရာ လိုက်ဖိတ်ကြတယ်..။
သူ့ဖက်ကိုယ့်ဖက် ပေါင်းမှ လူနှစ်ရာလောက်ပဲ ဖိတ်နိုင်တော့တယ်..။ အလုပ်ထဲကပဲ တစ်ရာကျော်ကျော်ရှိ တယ်..။
ကြက်သားဟင်း၊ ချည်ရည်ဟင်း၊ ပဲကြီးနှပ်၊ ဆိတ်သား နဲ့ ထောပတ်ထမင်း၊ ရေခဲမုန့် အပါကို လူတစ်ယောက်သုံးရာနှုန်းနဲ့ ( သုံးရာလို့ထင်တာပဲ )ဘုန်းကြီးကျောင်းက အပြီးအစီး စီစဉ်ပေးတယ်..။
အလုပ်ထဲမှာ ညီအကိုတမျ ခင်ရတဲ့ ကျွန်တော့်အထက်လူကြီးက တိုက်ပုံငှားတယ်..။
တိုက်ပုံဆိုတာ ရှိကောင်းတဲ့ အရာလို့ကို မထင်လို့ကျွန်တော့်မှာ မရှိဘူး..။ ရှိကောင်းတဲ့အရာလို့ ကို မထင်တော့ မင်္ဂလာဆောင် သည့်တိုင် မ၀ယ်ဘဲ ကျွန်တော် ငှားဝတ်လိုက်တယ်..။
မဒမ့်ကိုတော့ အဲဒီအကိုကြီးရဲ့ အမျိုးသမီး ကကိုယ်တိုင်ကိုယ်ကျ ဒီဇိုင်းထုတ်အင်္ကျီချုပ်ပေးတယ်..။ သူက အင်္ကျီချုပ် တော်တော်ကောင်းတယ်..။
စင်ကာပူကနေ ဒီဇိုင်းဒီပလိုမာ ရထားပြီး အဲဒီအလုပ်က ပင်ပမ်းမယ့် အလုပ်ဆိုပြီး လုပ်တော့မစားဘူး..။ ချမ်းသာလို့ လည်း ဖြစ်မှာပေါ့..။
မှတ်မှတ်ရရ မဒမ်က မိတ်ကပ်ကိုယ်တိုင်လိမ်းတယ်..။ အကြိုင်တို့ ခင်စန်းဝင်းတို့ တော့ သနားတယ် ဆိုတာမျိုးပေါ့..။ အတော် လှသဗျို့ ..။ (ခုနဲ့တော့တခြားစီပဲ)
မဒမ်ဖီးလိမ်းပြင်ဆင်ပြီး တာနဲ့ စက်ရုံကနေ ကျွန်တော်တို့ ဘုန်းကြီးကျောင်းကို ချီတက်ခဲ့ကြတယ်..။ ဒီတစ်ခါတော့ စက်ရုံက ဒိုင်နာနဲ့မဟုတ်တော့ဘူး..။
တိုက်ပုံငှားတဲ့ အကိုကြီးက ငှားလက်စနဲ့ သူ့အိမ်က ကားအကောင်းစားကို ငှားပေးတယ်..။
ကားခေါင်းပေါ်မှာ ပန်းတွေ ဖဲကြိုးတွေတော့ မပါဘူးပေါ့..။
နာရီဝက်လောက်မောင်းတော့ မိုးညှင်းဝိပဿနာကျောင်းတိုက်ကို ရောက်တယ်..။
ကျောင်းဝင်းထဲက မင်္ဂလာ အခန်းအနားလုပ်မယ့် အဆောက်အဦရှေ့မှာ ဘလက်ဘုတ် တစ်ချပ်ထောင်ထားပြီး မဒမ်နဲ့ကျွန်တော်ရဲ့ မင်္ဂလာဦးဆွမ်းကျွေး ဆိုတာကို ရောင်စုံမြေဖြူနဲ့ ရေးထားတာတွေ့ တယ်..။
ဖတ်ကြည့်ပြီး ရွာက ဗွီဒီယိုရုံရှေ့ ကြော်ငြာဘလက်ဘုတ် ကိုသတိရမိသေးတယ်..။ ( ကိုရွှေအောင်ရဲ့ ပြဲဘရော့ဆုပ် ဆန်ဆန်ပါပဲ )
လက်ဖွဲ့လက်ခံတာကို ကျွန်တော့်ရုံးက စာရေးမနှစ်ယောက် တာဝန်ယူတယ်..။ ဖိတ်ထားတာမှ လူနှစ်ရာ လောက် ရှိတာမို့ ကားတစ်စီးတိုက် လက်ဖွဲ့ ရချင်ရင် ဘီခြောက်ရာ ငှားတိုက်ရမယ့် ကိန်းပေါ့..။
ဒါတောင် လက်ဘက်ရည်ပန်းကန် (တီးဆက်)တွေက မနည်းလို့ ကားနောက်ခန်းကို အတော်ထိုးကြိတ်တင်ရတယ်..။
အရေးထဲမှာ စက်ရုံကဒါရိုက်တာတစ်ယောက် လက်ဖွဲ့တဲ့ လက်ဖွဲ့ငွေကို ဘယ်ကမှန်းမသိတဲ့ လူတစ်ယောက်က မှားပေးမိလို့ ဒါနဲ့ ပြန်လဲပေးပါ ဆိုပြီး သူ့လက်ထဲက စာအိပ်နဲ့ လဲယူလစ်ထွက်သွားလို့ မင်္ဂလာဆောင်မှာ ရုတ်ရုတ်သဲသဲ ဖြစ်သွားသေးတယ်..။
ဒါရိုက်တာ လက်ဖွဲ့တာက နှစ်သောင်း..။ သူလဲပြီး ထားသွားတာက ငါးရာ..။
2 comments:
ငွေလုပ်တဲ့ စက်ကလေး သူများသိမ်းသွားပြီတဲ့။
အမေဆိုတော့ တစ်အိမ်လုံးစာ ပူရ ပင်ရကိုး။
အိမ်ထောင်ကျတာ ကျတာပဲ။ မိဘကိုတော့ တတ်နိုင်သလောက် ထောက်ပံ့မယ်။ ကြည့်မယ်လို့  ပြောပေါ့။
မဒမ်ကချစ်စရာကောင်းလိုက်တာ..။
Post a Comment