Wednesday, January 16, 2008

3.1 မောင့်ကို ချစ်တဲ့ ခင်ထွေးရီ

အဲဒီလိုနဲ့ ကျုပ်ဆယ်တန်းရောက်လာခဲ့တယ်။ လူကောင်ကြီးလဲ ထွားလာတယ်။ အသံကလဲ သန်းထွန်းလေး အသံကနေ ဇော်ဝင်းထွဋ်အသံဖြစ်လာတယ်။

အိမွန်ကြောင့်ဖြစ်လာတဲ့ အချစ်အညှောင့်ကလေးကလဲ ဆရာကြီးကြိမ်လုံးနဲ့ ဆရာဦးဆွေမြင့် အရှက်ခွဲမှုကြောင့် ကြားနှစ်တွေမှာ နလံမထူတော့ဘူးပေါ့။ အိမွန်လဲ မေရွက်ဝါနာမည်နဲ့ အတန်းထဲမှာ ပေါနေတယ်။ အတန်းကတော့တူဆဲပဲ။ မေရွက်ဝါဆိုတာ မေရွာဝက်လို့ စပြောင်တဲ့အနေနဲ့ခေါ်တာ။ အဲဒီအချိန် အဲဒီမိန်းမ သိပ်ဝသွားပြီ။

ဒါပေသည့် ကျုပ်နှလုံးသားက အားကောင်းမောင်းသန် နှလုံးသားမျိုး။ ဆယ်တန်းနှစ်မှာ ကျုပ်ရင်ထဲကိုမိန်းကလေးတစ်ယောက် နောက်ဖေးပေါက်က ခွင့်မတောင်းဘဲ ၀င်လာခဲ့တယ်။ ဒီတစ်ခါရောဂါက ပိုပြင်းတယ်။ ကောင်မလေးက ကျွန်တော့်ကို ချစ်တယ်လို့ အဖြေပေးတယ်။ သူနဲ့ကျွန်တော် ချစ်သူတွေ ဖြစ်သွားကြသည်ပေါ့ဗျာ။

သူ့နာမည်ကခင်ထွေးရီ။ မုန့်ဟင်းခါးဆိုင်နာမည် မဟုတ်ဘူးနော်။ ကျုပ်အဖေကသူ့ကို မေသဉ္ဇာဦးနဲ့ တူတယ်လို့ မှတ်ချက်ချတယ်။ တကယ်က သူကအများကြီးပိုလှတယ်။ ကိုယ်လုံးကိုယ်ပေါက်က ဇိနက်အမန်းနဲ့ တူတယ်။ (ဇီးနဲ့အမ မဟုတ်ပါ)။ အသားအရေက နန္ဒာလှိုင်ထက် နှစ်ဆပြင်းပြင်းလောက် ပိုလှတယ်။ မျက်လုံးမျက်ခုံးက ခင်သန်းနုစတိုင်မျိုး။

သူမကကျုပ်ကိုချစ်တယ်တဲ့။


ခင်ထွေးရီက ကျွန်တော့်ကို ကက်ဆက်ခွေတစ်ခွေ ချစ်သက်လက်ဆောင် ပေးတယ်။ ဘာသီချင်းလဲ မေးတော့ ဖွင့်ကြည့်ပေါ့လို့ မပွင့်တပွင့်ပြောပြီး ရှက်ကိုးရှက်ကန်း လှည့်ထွက်သွားတယ်။

အိမ်မှာက ကက်ဆက်မရှိဘူး။ ကက်ဆက်ရှိတဲ့ မျိုးမြင့်တို့အိမ် သွားဖွင့်ကြည့်ရတယ်။ မေဆွိရဲ့မောင်သီချင်းကို တစ်ခွေလုံး အသံသွင်းထားတာပဲ။ သူမက ကျုပ်ကို မောင်လို့ခေါ်တယ်။

" မောင် အများပြောတဲ့သွေးခွဲစကားတွေကို အသဲထဲက စွဲမြဲပြီးယုံရင် ... မောင် တဖြည်းဖြည်းနဲ့ ဝေးကြရမယ်နော်...... မောင် ..... အတူတူနေကြရအောင်နော်.. သိပ်ချစ်တယ်မောင်"

ဆိုပြီး သီချင်းကလေးကဆုံးသွားတယ်။

ကျုပ်နားလည်လိုက်တယ်။ ကျုပ်ရဲ့ချစ်သူဘာကြောင့် ဒီသီချင်းကို ပေးရလဲဆိုတာကို။ ကျုပ်ပြောခဲ့သလို သူကအတော်လှတယ်။ အဲဒါကြောင့် ၀ိုင်းဝိုင်းလည်နေတယ်။ ရွာအလျောက် ဟိုကောင်ကကြိုက် ဒီကောင်ကကြိုက်ပေါ့။ ပွင့်ပွင့်လင်းလင်းပြောရရင် ကျုပ်က နံပါတ်လေးငါးလောက်မှာရှိတယ်။ အဲဒါကြောင့်သူက ဒီသီချင်းကို သေချာရွေးပေးတာ။

ပြောရဦးမယ်။ ကျုပ်က သူတောင်းစားထဲမှာတော့ မြတ်ကျော်အတော်ဆုံး ဆိုတာမျိုးပဲ။ ရွာကျောင်းမှာတော့ အမြဲတမ်းပထမရတယ်။ အကြော်သည်သားငမွဲ ဒါပေမယ့်ပညာမှာတော့ တစ်ရွာလုံးမှာ နံပါတ်တစ်ပဲ။ ဒုတိယရတဲ့လူက ကျုပ်ထက် အနည်းဆုံး ဆယ်ရာခိုင်နှုန်း အမှတ်နည်းလေ့ရှိတယ်။

ရုပ်ရည်ကတော့ဘရက်ပစ်နဲ့တူတယ်လို့ မပြောတော့ပါဘူး။ :P

ခင်ထွေးရီကပြောရှာတယ်။ ကျုပ်က ဆယ်တန်းအောင်ရင် အမှတ်တွေကောင်းမှာ။ ဆရာဝန်ကြီးဖြစ်မှာ။ အဲဒီအခါကျ သူ့ကိုမေ့သွားမှာတဲ့။ မုန့်ဆီကြော်ကဘယ်မှန်းမသိ နှုတ်ခမ်းနာနဲ့တည့်ပါ့မလား ဆိုတာမျိုး ထက်တောင် ပိုနေသေးတယ်။ မိန်းမ မရသေးဘူး မယားငယ်ကြိုယူထားမယ် ဆိုတာမျိုးပဲ။

ကျုပ်လဲ မင်းကလွဲဖွဲနဲ့ဆန်ကွဲ ဆရာဝန်မပြောနဲ့ Male nurse တောင်ဖြစ်မှာ မဟုတ်ပါဘူး။ ဆရာဝန်ဖြစ်တော့လဲ ဆရာဝန်ကတော်ကြီး လုပ်ပေါ့။ ဘာညာသာတကာ နှစ်သိမ့်ရတာပေါ့။

အခုတော့ ဆရာဝန်ကတော်ကြီး တကယ်ဖြစ်နေပါပြီ။ ကလေးသုံးယောက်မိခင် ပျော်ရွှင်သော ဘ၀နဲ့ဒေါ်ခင်ထွေးရီပေါ့။

ဒါပေမယ့်ကျုပ်နဲ့ညားတာတော့မဟုတ်ဘူး။

ဖြစ်ပုံကဒီလို ......
အများပြောတဲ့သွေးခွဲစကားတွေကို အသဲထဲကစွဲမြဲပြီးယုံရင် တဖြည်းဖြည်းနဲ့ ဝေးကြရမယ်နော် ..
ဆိုတဲ့မိန်းကလေးက ဆယ်တန်းအောင်ပြီး ဆရာဝန်ကြီးဖြစ်မယ့်ကျုပ်က ဆယ်တန်းကျကရော။ ဆယ်တန်းလဲအောင်ရော ခင်ထွေးရီတို့မိသားစု မန္တလေးရွှေမြို့တော်ကြီး ပြောင်းသွားတယ်။ ကျုပ်ခမျာတော့ မိဘနှစ်ပါးကို ရှိခိုးဦးခိုက် မျက်ရည်ဝေဖြာ တောင်းပန်တိုးလျှိုး ကတိဝန်ခံအထပ်ထပ်နဲ့ ကျောင်းမထုတ်ဖို့ အတန်တန်ပြောရင်း မထင်မရှား ရွာငယ်ဇနပုဒ်မှာ ကျန်ခဲ့ရတယ်။

ကျောင်းအုပ်ဆရာမကြီး အပါအ၀င်တစ်ရွာလုံးက ကျုပ်စာမေးပွဲကျတာကို "အနောက်က နေ၀န်းထွက်သည့်ပမာ" (စာအုပ်နာမည်မဟုတ်ပါ) ဖြစ်ပျက်နေကြတယ်။

တကယ်က ကျုပ်အဲဒီလောက်မညံ့ပါဘူး။ ဓါတုဗေဒဖြေတဲ့နေ့မှာ ကျုပ်မဖြေနိုင်ဘူး။ အောင်ရုံတော့ရပါတယ်။ ဒါပေမယ့် ခင်ထွေးရီပြောသလို ကျုပ်ကဆရာဝန်ရူး ရူးနေလေတော့ နောက်တစ်နေ့ရူပဗေဒလဲဖြေရော မဖြေတော့ဘူး။ ဒါပေမယ့် ကျုပ်ဖြေနိုင်ပါတယ်ဆိုပြီး အားလုံးကို ညာထားလိုက်တယ်။

စိတ်ထဲမှာလဲ ခင်ထွေးရီလဲ အောင်မှာမဟုတ်ပါဘူးလို့ ထင်နေတယ်။ အဲဒီမိန်းမကလဲ နှစ်တိုင်း ယက်ကန်ယက်ကန်နဲ့။ ဆယ်တန်းကျမှ One stroke နဲ့အောင်သွားတယ်။

မိုးနတ်မင်းကြီးမတရားတာ။ ကျုပ်တို့ချစ်ခြင်းကို စာညံ့တဲ့ မိန်းမအအောင်ပေးပြီး ခွဲပစ်လိုက်တယ်။

Tuesday, January 15, 2008

3.2 ဆယ်တန်းအောင်ပြီ

အတန်းထဲမှာ အ၀သရဖူဆောင်းနေတဲ့ မေရွက်ဝါအိမွန်ကတော့ ကျုပ်နဲ့အတူတူ နောက်တစ်နှစ် ဆက်တယ်ရတယ်။ ကျုပ်အောင်ပြီး နောက်သုံးလေးနှစ်လောက်မှာ အပြင်ဖြေနဲ့သူအောင်တယ်။

နောက်နှစ်မှာတော့ ကျုပ်အမှတ်တွေ တော်တော်ကောင်းကောင်းနဲ့ အောင်တယ်။ ဒါပေသည့် ကျုပ်ရူးနေတဲ့ ဆရာဝန်တော့မဖြစ်ရှာဘူး။ တစ်ခုခုတော့ဖြစ်သွားခဲ့တယ်။ တစ်ခုခုလို့သာ မှတ်ထားပေးကြပါ။ အဖေကတော့ မင်းကြိုက်တာ မင်းလုပ်လို့ ပြောတယ်။ အမေကတော့ ကျုပ်တက်တဲ့ကျောင်းကိုတောင် ဘာကျောင်းလို့ ခေါ်မှန်းမသိရှာပါဘူး။ သူ့သား တက္ကသိုလ် တက်နေတယ်ဆိုတာလောက်ပဲ သိတယ်။
...................
................... (Post တစ်ခု ပျောက်နေတယ်)

အိမ်ပြန်ရောက်တော့ ပါလာတဲ့ဆန်တစ်ခွဲကို ကြွေးပူတွေ ဆပ်ဖို့ပြန်ရောင်းလိုက်တယ်။ ဆီငါးဆယ်သားကိုလဲ ထိုနည်းလည်းကောင်းပေါ့။ ညမှာကျုပ်တို့ညီအကိုနှစ်ယောက်ကို မိသားစုက ဂုဏ်ပြုညစာနဲ့တည်ခင်းတယ်။ ကြက်ဥတစ်လုံးကို ခရမ်းချဉ်သီးဆယ်လုံး ကြက်သွန်ငါးလုံးလောက်နဲ့ မွှေကြော်ကတစ်ပွဲ။ ထုံးစံမပျက် ခရမ်းချဉ်သီး ရေပေါလောက တစ်ပွဲ။ ဟိုစည်းရိုးဒီစည်းရိုးမှာ ပေါက်နေတဲ့ တောကြိုင်ဟင်းခါးသီး အမေခူးပြီး ချက်ထားတာက တစ်ပွဲ။ ရိုးရာမပျက် ဖင်ချဲ့တဲ့ ပြောင်းဆံနဲ့ပေါ့ဗျာ။

ဒူးတစ်ဖက်ဟာ တွန်းကာဖယ်စရာမလိုပေမယ့် ထမင်းအတော်မြိန်ခဲ့တဲ့ ညတစ်ညပေါ့။ အားလုံး စားသောက်ပြီးတဲ့အခါ မွေးသဖခင်က မင်းတို့ညီအကို မနက်ဖန် ဘယ်နတ်မင်းနဲ့သွားတွေ့လိုက် ဆိုတဲ့ အမိန့်ထုတ်ပြန်တယ်။

နတ်မင်းတွေအကြောင်း ဆက်ရေးရင် ဇာတ်ကလည်မှာမဟုတ်ဘူး။ ဦးနှောက်ချောက်ကုန်ပါလိမ့်မယ်။

ကဲ ဒီတော့လဲ အချစ်အကြောင်းဆက်သေးတာပေါ့။

Monday, January 14, 2008

3.3 မတော်လိုက်ရတဲ့ ယောက်ခမ

ကျုပ်ဘ၀ရဲ့အချစ်ဆုံးမိန်းကလေးတွေထဲမှာခင်ထွေးရီကထိပ်ဆုံးကပဲ။

အခု Typing ရိုက်တာတောင် လက်ကတုန်နေတယ်။ သူမအကြောင်းတွေးမိတိုင်း အဲဒီလိုဖြစ်နေကျပဲ။ တကယ်ပြောတာ ဘုရားစူးမိုးကြိုးပွတ် (စာလုံးပေါင်းမမှားဘူး သကြားမင်း မအားလို့ သူ့မိန်းမလွှတ်လိုက်တာ)

ဒါပေသည့် ခင်ထွေးရီအမေကိုတော့ ကျုပ်မကျေနပ်ဘူး။ ကျုပ်နဲ့သူ့သမီးနဲ့ ရည်းစားဖြစ်တယ်ကြားတော့ အခုလို မှတ်ချက်ပေးတယ်။

"ရုပ်ရည်လေးနဲ့ စာရိတ္တလေးကတော့ မဆိုးပါဘူး။ မွဲတာလေးတစ်ခုပဲ တဲ့။"

အဲဒီမိန်းမကြီးက သူ့ရပ်ကွက်ထဲမှာလဲ ဂွစာကြီးလို့နာမည်တွင်တယ်။ ခင်ထွေးရီတို့မိသားစု ထမင်းစားနေချိန် ဧည့်သည်တစ်ယောက် တိုက်တိုက်ဆိုင်ဆိုင် ရောက်လာခဲ့ရင် အဲဒီမိန်းမကြီးက စားပြီးပြီလားလို့မေးတယ်။ ဧည့်သည်က မစားရသေးဘူးလို့ပြန်ဖြေရင် " မစားရသေး ကိုယ့်အိမ်ကို ပြန်စားလေ " လို့ပြောတော့တာပဲ။

ခင်ထွေးရီအဖေကို ကျုပ်တို့သူငယ်ချင်းတစ်သိုက်က U.B.S လို့ကွယ်ရာမှာခေါ်တယ်။ ထွေထွေထူးထူး အဓိပ္ပယ်ရှိလို့ မဟုတ်ပါဘူး။ သူ့နာမည်ရင်းက ဦးဘစိန် ဆိုတော့ ယူဘီအက်စ်ပေါ့။

အဲဒီအဘိုးကြီးက နိုင်ငံတကာသတင်းတွေကို အတော်စိတ်ဝင်တစားရှိတယ်။ ကျုပ်ကလဲ စာတိုပေစ အနည်းငယ် ဖတ်လေတော့ သူနဲ့ကတော့ အဆင်ပြေတယ်။ သူသိပ်ကြိုက်တဲ့မဂ္ဂဇင်းနာမည်က " မိုး " ။ အခု ဆက်ထွက်နေသေးလားတော့ မသိ။

သူက အငြိမ်းစားရဲအရာရှိ တစ်ယောက်ပေါ့။ ကျုပ်နဲ့သူနဲ့ဈေးထဲက လက်ဖက်ရည်ဆိုင်မှာမကြာခဏဆုံတယ်။ တစ်ခါတစ်လေ အမေ့အကြော်ဆိုင် လူပါးရင် ညီတော်မောင်ကို ချော့မော့ထားခဲ့ပြီး လက်ဖက်ရည်ဆိုင် ကျုပ်လစ်တာပဲ။

နိုင်ငံတကာသတင်းအတိုအစတွေအကြောင်း အာဘောင်အာရင်းသန်သန်နဲ့ သူပြောနေရင် လူတွေဝိုင်းနေတာပဲ။ တစ်ခါတုံးက ယူဂန္ဓာနိုင်ငံအကြောင်းပြောနေတုံး ...

" အာဖရိကက ဟိုလူမဆန်တဲ့ဗိုလ်ချုပ်ကြီးကွာ နာမည်က.... " ဆိုပြီး သူမေ့နေတယ်။ ကျုပ်က " အီဒီအာမင် လား " လို့ဝင်ထောက်လိုက်တော့.. " ဟာ..ဟုတ်တယ် .. မင်းအတော့်ကို တော်တဲ့ကောင်ပဲကွ.. လူငယ်ထဲမှာ မင်းလိုလူမျိုးရှားတယ်.. သဘောကျသကွာ.. အတော်တော်တဲ့ကောင် " ဆိုပြီးချီးမွမ်းခန်းဖွင့်တော့တာပဲ။

ခင်ဗျားသမီးနဲ့ ညားလောက်အောင်တော့ ကျုပ်ကမတော်ပါဘူးဗျာ... လို့ ကျုပ်ရင်ထဲကတော့ ရေရွတ်နေခဲ့တယ်။

မှတ်မှတ်ရရအဲဒီတုံးက ပါတီကောင်စီခေတ်။

ကောင်စီဥက္ကဌက ဦးကျော်အောင်။ ကျွန်တော်တို့ရပ်ကွက်သား။

ရပ်ကွက်အစည်းအဝေးမှာ ဥက္ကဌဆိုတော့ ဆုံးမသြ၀ါဒပေးတာပေါ့။ ရပ်ကွက်ထဲက လူငယ်လူရွယ်တွေ ညနေဆို အရက်ကလေးတမြမြနဲ့ ဖြစ်နေကြကြောင်း ပညာရှာရမယ့်အရွယ်မှာ အရက်သမားကလေးတွေ ဖြစ်နေတာကို မြင်တွေ့နေရတော့ ၀မ်းနည်းကြောင်း ရပ်မိရပ်ဖများအနေနဲ့ လူငယ်လူရွယ်တွေ လမ်းမှားမရောက်အောင် ၀ိုင်းဝန်းထိမ်းသိမ်း တည့်မတ်ပေးသင့်ကြောင်း တွေပြောတော့တာပဲ။

ဥက္ကဌကြီးရဲ့ ဆုံးမသြ၀ါဒလဲပြီးရော ကျွန်တော့်သူငယ်ချင်းသံလုံး ဆိုတဲ့ကောင်က
" ဥက္ကဌကြီးက ရပ်ကွက်ထဲကလူငယ်တွေ အရက်သမားဖြစ်သွားမှာကိုသာ စိုးရိမ်တယ်ပြောနေ တစ်ရွာလုံးမှာ ရှိတဲ့ အရက်ပုန်းဆိုင် ကိုးဆယ်ရာခိုင်နှုန်းက ကျုပ်တို့ရပ်ကွက်ထဲမှာ ရှိတာကျတော့ မျက်စိမှိတ်ထားတယ် "

" ညနေညနေဆို ရောင်းအကောင်းဆုံးဆိုင်က ဥက္ကဌကြီးသမက်ရဲ့ဆိုင် အရက်မူးပြီး အရမ်းကားဆုံးလူငယ်က ဥက္ကကြီးသားပဲ " ဆိုပြီး ထပြောတာနဲ့ ရပ်ကွက်အစည်းအဝေးလဲ ပျက်ကရော။

Sunday, January 13, 2008

3,4 အောင့်ရဲ့အောင်

ကဲဗျာ ...သည်းဦးသစ္စာ ခင်ထွေးရီအကြောင်းပဲ ဆက်ပြောတာပေါ့။

ခင်ထွေးရီကို ကျွန်တော်က အောင် လို့ခေါ်တယ်။ သူမရဲ့ နာမည်ရင်းက လွင်လွင်အောင်။

ကျွန်တော်တို့ရွာမှာ သူတောင်းစားတစ်ယောက်ရှိတယ်။ သူတောင်းတဲ့ပုံစံကတမျိုး။ "အောင် အကိုကြီး အောင်အမကြီးတို့ရယ် အောင်ညီလေးကို အောင်ထမင်းဖိုးလေး အောင်တစ်ဆယ် ဆယ့်ငါးကျပ်လောက် အောင်ပေးသနားပါ " ဆိုပြီးစကားလုံးတိုင်း အောင်ထည့်တောင်းတာပဲ။

ခင်ထွေးရီကို ကျွန်တော်မကြာခနနောက်တယ်။ " အောင်အချစ်ရယ် အောင် မောင်မောင့်ကို အောင်အချစ်ကလေး အောင်တို့ကနိဆိတ်ကနန်း အောင်ချစ်ခွင့်ပေးပါ အောင်ရယ် " ဆိုပြီးတော့ပေါ့။

" အောင်အမြင် အောင်သိပ်ကတ်တာပဲ အောင်လူဆိုး စာမေးပွဲကျမအောင်ဘူး " လို့ ခင်ထွေးရီက ပြန်ပြောလေ့ရှိတယ်။ အဲဒီကနေစပြီး အောင့်ရဲ့အောင် ဖြစ်ကုန်တော့တာပဲ။ ကျွန်တော်တို့ကို အောင်သွယ်ပေးတဲ့ မခင်လှလဲ အောင်ခင်လှ ဖြစ်သွားတယ်။ ရည်းစားစာတွေထဲမှာလဲ အောင်တွေမိုးလုံးပြည့်ပဲ။

မန္တလေးကနေ ခင်ထွေးရီစာလှမ်းရေးတယ်။ ဘယ်လောက်လွမ်းကြောင်း တိတ်တိတ်ကြိတ်ငိုနေရကြောင်း အရမ်းတွေ့ချင်ကြောင်း သိပ်ချစ်ကြောင်း ရှင်ကွဲကွဲတဲ့အဖြစ်ကို မခံစားနိုင်တော့ကြောင်း တွေပါတယ်။ စာရဲ့အဆုံးမှာ အောင့်အတွက်ဆိုပြီး အနမ်းတစ်ပွင့်အမြဲပါတယ်။ နှုတ်ခမ်းနီပန်းရောင်ဆိုးပြီး စာရွက်ကို နမ်းလိုက်တော့ တံဆိပ်ရိုက်ထားသလိုမျိုး အနမ်းတစ်ပွင့်တော့ဗျာ။

တခါတလေကျတော့ စာသားတွေက မင်ပြားပြီးကောင်းကောင်းဖတ်မရဘူး။ စာရေးရင်ငို။ မျက်ရည်တွေယို။ မင်တွေစို။ ခံစားရတယ်ပေါ့ဗျာ။ အချစ်အကြောင်းစားမြုံပြန်ရင်း အလွမ်းဆိုတာ ထူးဆန်းတယ်လို့ ခံစားမိတယ်။ အရင်ကလောက် ထိထိရှရှမဟုတ်ပေမယ့် ရင်ထဲမှာတော့ တမျိုးဖြစ်တုံးပဲ။

အောင်နဲ့ကျွန်တော်အပြန်အလှန် ရေးခဲ့တဲ့ ချစ်သ၀ဏ်လွှာတွေကို ပြန်ဖတ်နေမိတယ်။ လွှမ်းမိုးသီချင်း တစ်ပုဒ်ထဲက " သက္ကရာဇ်နောက်ပြန် အတိတ်သွားရထားလေးတစ်စီး " ဆိုတဲ့စာသားက ခေါင်းထဲ ရောက်လာတယ်။ " တမလွန်ရွာသူ ခင်ထွေးရီ " တော့ မဟုတ်ဘူးပေါ့ဗျာ။

ကဲကြုံတုံးရှုလော့။

တမ်းတရခြင်းများစွာဖြင့်...

မောင် စိတ်မဆိုးရဘူးနော် အောင်က မချော့တတ်ဘူး။ စိတ်ကောက်တဲ့ ပညာပဲတတ်တယ်။ အလကားပြောတာ မောင်စိတ်ဆိုးရင် အောင်ချော့မှာပေါ့ကွာ။ "one kiss" လား "two kiss" အဟဲ အဲဒါပေးရင် ကျေနပ်ကွာနော်.. ဒါလဲ အကြွေးမှတ်ထားလိုက်သိလား။

မောင်ရေ အရမ်းကို လွမ်းပါတယ်ကွာ ခုလိုလသာတဲ့ညမျိုးမှာ မောင့်ကိုပိုပြီးကို သတိရတယ်ကွာ..။

လရောင်အောက်မှာ မောင့်ပခုံးလေးကို မှီပြီး မောင့်စကားလေးတွေ သီချင်းသံလေးတွေကို ဆိတ်ငြိမ်စွာ နားထောင်ချင်လိုက်တာကွာ..။ အဲလိုဘ၀မျိုးလေး အောင်တို့ ဘယ်အချိန်မှ ပိုင်ဆိုင်ရမလဲ မသိဘူးနော်..။

မောင့်ကို ပြောရအုံးမယ်.. ၁၀ ရက်နေ့ညနေက ဗွီအိုအေက မောင့်အတွက် ကောင်မလေးတစ်ယောက် သီချင်းတောင်းသွားတယ်... " ဂိုးသွင်းကောင်းတဲ့ကိုကို " တဲ့ သိလား.. ဟင်းနော် သတိထား ရှုပ်ရှုပ်ရှက်ရှက်နဲ့ အရိုက်ခံရမယ်..။

အော် ဒါနဲ့ ဒီစာကို အောင်အမှတ်နဲ့ မောင်မနမ်းနဲ့နော်..။ လူကြီးတွေမလစ်လို့ အိမ်သာထဲမှာ ခိုးရေးထားတာမို့လို့ပါ..။

ချစ်တဲ့အောင်..

Sunday, January 6, 2008

2.1 အိမွန်အတွက် ချစ်သ၀ဏ်

ကဲဗျာ ဆင်းရဲတာတွေ ပြောနေလို့ကတော့ ပြီးတော့မှာမဟုတ်ပါဘူး။ အချစ်အကြောင်းပြောဦးမယ်။ ကျုပ်ပြောချင်သော ငါ့အချစ်များအကြောင်း ဆိုပါတော့။

ငါးတန်းနှစ် ကျုပ်အသက်ဆယ်နှစ်လောက်မှာ အတန်းထဲက အိမွန်လို့ခေါ်တဲ့ ကောင်မလေးကိုကြိုက်နေပြီ။ ကျုပ်ကကြိုက်တာပါ။ ကျုပ်နဲ့ပေါင်းတဲ့မော်ကြီးက ကျုပ်ထက် အသက်ကြီးတယ်။ သူ့မှာက ရီရီတင်လို့ခေါ်တဲ့ ရည်းစားတောင်ရှိနေပြီ။ မော်ကြီးက ကျုပ်ဆရာ။

ကျုပ်တို့ခေတ်ကတော့ မျက်လုံးချင်းဆုံရင်ခုန် ဖင်တုန်ရုံနဲ့ ရည်းစားမဖြစ်ဘူး။ ရည်းစားစာပေးပြီး အဖြေရမှ တရားဝင်တာ။ ရည်းစားတောင် တရားဝင်တယ်မ၀င်ဘူးရှိတယ်။ အဲဒီတော့ ရည်းစားစာရေးဖို့ အရင်လုပ်ရတယ်။ ရည်းစားစာတစ်ခါမှ မရေးဖူးတော့ မော်ကြီးကို ဆရာတင်ရတယ်။ မော်ကြီးနဲ့စာတစ်စောင်ရေနှစ်ထမ်းနှုန်း ဈေးတည့်တယ်။ သူကကျုပ်အတွက် ရည်းစားစာတစ်စောင် ရေးပေးရင်ကျုပ်က သူ့ကိုယ်စားရေနှစ်ထမ်းထမ်း ပေးရတယ်။ အခုအချိန်ပြန်တွေးတော့ မော်ကြီးရေးပေးတဲ့စာတွေက အရမ်းရယ်ရတာပဲ။

စာရဲ့အစမှာ

"သြော်...အမွန်ရယ်" ဆိုတာနဲ့စတယ်။ ကျုပ်တို့ခေတ်စတိုင်အတိုင်း " သစ်ပင်မှာ အမြစ်ရှိသလို လူမှာအချစ်ရှိပါတယ်" တို့ "မေတ္တာမှာ အလျားအနံမရှိပေမယ့် အသွားအပြန်တော့ ရှိသင့်ပါတယ်" တို့တွေလဲ ပါရဲ့။

"မြင့်မိုရ်တောင်ကြီးကို ဖောင်တိန်ကြီးလို သဘောထား ပင်လယ်သမုဒ္ဒရာထဲကရေတွေကို မင်လုပ်ပြီး အမွန်ကို ဘယ်လောက်ချစ်ကြောင်း မိုးကောင်းကင်ကို စာရွက်လိုသဘောထားပြီး ရေးဖွဲ့ရင်တောင် မကုန်နိုင်ဘူး " ဆိုတာမျိုးတွေလဲ ပါတယ်။

စာရဲ့အဆုံးမှာတော့ "စံပယ်နှစ်ပွင့်ထရံကာ တကယ်ချစ်ရင်စာပြန်ပါ" လို့ ရေးလိုက်တယ်။ ပြီးမှ အနူလက်နဲ့ရွှေခွက်နှိုက်ချင်သူ ဆိုပြီးအဆုံးသတ်လိုက်တယ်။ ရွာမှာအိမွန်တို့ကချမ်းသားတာကိုး။

မော်ကြီးရေးပေးတဲ့စာကို ညမှာ စာကျက်ချင်ယောင်ဆောင်ပြီး ကျုပ်လက်ရေးနဲ့ပြန်ကူးရတယ်။ ဖျက်ရာပြင်ရာလက်ရာ လုံးဝမထင်မရှိစေရ။ မကြိုက်ပြန်ပြင် ပြန်ဖတ်နဲ့ အဲဒီညကရေနံဆီကုန်မှ တခန်းရပ်တယ်။ ကျုပ်တို့ဆီမှာ လျှပ်စစ်မီးမရှိဘက်ထရီအိုး မရှိဆိုတော့ ရေနံဆီမီးခွက်နဲ့ ညအမှောင်ကို အန်တုရတယ်။ ရေနံဆီမီးခွက်မီးစာက ဂုန်လျှော်ကြိုးနဲ့လုပ်တာဆိုတော့ မှိုင်းအတော်ထွက်တယ်။ ထွက်လာတဲ့မှိုင်းက ချစ်သ၀ဏ္ဍာလွှာပေါ်ကျရင် တစ်စောင်ပစ်လိုက်ရရော။ မကြိုက်တဲ့စာတွေကို မဆုတ်ဖြဲရဲဘူး။ စက္ကူဆုတ်ဖြဲတဲ့အသံ အဖေကြားပြီး ရည်းစားစာရေးနေတာ မိသွားလို့ကတော့ ကျောကော့ပြီပဲ။ အဲဒါနဲ့မကြိုက်တဲ့စာ မီးရှို့ပစ်လိုက်တယ်။ ထွက်လာတဲ့ပြာတွေ စုပြီးမီဖိုထဲထည့်လိုက်တယ်။

နောက်ဆုံးတော့ အိမွန်ကိုပေးဖို့ ရည်းစားစာတစ်စောင်လက်ထဲရှိနေပြီပေါ့။ ဒါပေသည့်ကိုယ်တိုင်မပေးရဲဘူး။ အောင်သွယ်တော် စဉ်းစားရတယ်။ အိမွန်နဲ့တွဲတဲ့ နွယ်တာလွန်းဆိုတဲ့ ကောင်မလေးတော့ရှိတယ်။ ခက်တာက နွယ်တာလွန်းက ကျုပ်ကိုအမြင်ကတ်နေတယ်။ ကတ်ရတဲ့အကြောင်းကလဲရှိတယ်။ သုံးတန်းနှစ်မှာ ကျုပ်နဲ့နွယ်တာလွန်းနဲ့ ကျောင်းအဆင်း အိမ်အပြန်လမ်းမှာ စကားများဖူးတယ်။ အဲဒီတုံးက ကန်တော့ပါရဲ့ ကျုပ်က ပုဆိုးချွတ်ပြဖူးတယ်။ (ခုအချိန်ထိရွာမှာ နွယ်တာလွန်းက အပျိုကြီးဘ၀နဲ့ပဲ ရှိနေသေးတယ်။ လွန်ခဲ့တဲ့ နှစ်နှစ်လောက်က ကျုပ်ရွာပြန်တော့ တောင်ငယ်ငယ်တုံးက ကျုပ်ပုဆိုးချွတ်ပြတဲ့အကြောင်း ပြန်ပြောရင်း ရယ်ဖြစ်ကြတယ်။)

နောက်ဆုံးတော့ ကျုပ်ဆရာမော်ကြီးရည်းစား ရီရီတင်ကတစ်ဆင့် ပေးခိုင်းလိုက်တယ်။ နောက်ထပ် ရေနှစ်ထမ်းထမ်းပေးလိုက်ရတယ်။ ရေထမ်းမပေးရင် မော်ကြီးက သူ့ရည်းစားကို ပြောမပေးဘူးဆိုပြီး အကျပ်ကိုင်တာကိုး။

အဲဒီနေ့ညက အိပ်မပျော်ဘူး။ အခုချိန်ဆို အိမွန်စာဖတ်နေလောက်ပြီ။ ငါ့ကိုစိတ်များစိုးနေလား။ မုန်းတယ်လို့ စာပြန်လာခဲ့ရင် ငါတော့အသဲကွဲပြီ။ စတဲ့အတွေးတွေနဲ့ လုံးချာလည်လိုက်နေတယ်။

နောက်နေ့မနက် ကျောင်းကို ကျွန်တော်အစောကြီး ရောက်နေတယ်။ ရှစ်နာရီခွဲကျောင်းတက်ချိန်အထိ အိမွန်ကိုမတွေ့မိဘူး။ ကျုပ်စိတ်ထဲထူပူနေပြီ။ ကိုးနာရီလောက်ကျ ကျောင်းအုပ်ကြီးအခန်းကို လာခဲ့ပါဆိုတဲ့ အမိန့်ရောက်လာတယ်။ ကျုပ်ကျောင်းအုပ်ကြီးအခန်းရောက်တော့ အိမွန်အမေကိုတွေ့လိုက်ရတယ်။ ဆရာကြီး စားပွဲပေါ်မှာကတော့ အနူလက်နဲ့ရွှေခွက်နှိုက်သူ ဆိုတဲ့စာက ရောက်နေပြီ။ အခြေအနေကတော့ သိတော်မူကြတဲ့အတိုင်း မကောင်းတော့။

ဒီစာမင်းရေးတာလားလို့ ဆရာကြီးကမေးတော့ ဟုတ်တယ်လို့ ဖြေလိုက်ရတယ်။ တခြားလဲဖြေစရာမှမရှိတာပဲ။ ဆရာကြီး ကျမသမီးကိုအတန်းပြောင်းပေးပါ ဒီကလေးနဲ့ ကျမသမီးအတူထားရင် မဖြစ်ဘူးဆိုပြီး ဒေါ်တင်ဝင်း(အိမွန်အမေ)က ၀င်ပြောတယ်။ အဲဒါအတွက်မပူနဲ့ ဒါမျိုးနောက်ထပ် မဖြစ်စေရဘူးဆိုပြီး ကျုပ်ကို ဆရာကြီးကကြိမ်စာကျွေးတယ်။ အနူလက်နဲ့ ရွှေခွက်နှိုက်ချင်တဲ့ကောင် ဟိုဖက်လှည့်ဆိုပြီး ဆော်တော့တာပဲ။

ရင်ထဲကထက်ဖင်ကပိုနာပါတယ်။

Saturday, January 5, 2008

2.2 ဆရာဦးမြင့်ဆွေ

အဲဒီနောက်ဆရာကြီးက ဆရာတစ်ယောက်ကိုခေါ်ပြီး ဒီစာကို အတန်းထဲမှာ ဖတ်ပြလိုက်လို့ပြောတယ်။ မင်းသွားတော့ ဆိုတာနဲ့ ကျွန်တော်လဲ ကွတကွတနဲ့ အတန်းပြန်လာရတယ်။ အတန်းထဲကမျက်လုံးတွေက စပ်စုတဲ့အကြည့်တွေနဲ့ ကျုပ်ကိုကြိုဆိုကြတယ်။မော်ကြီးက ဘာဖြစ်လို့လဲ မေးတာကိုမကြာခင်သိလိမ့်မယ်လို့ပဲ ပြန်ဖြေလိုက်တယ်။

ခဏနေတော့ ဆရာတစ်ယောက်ဝင်လာပြီး နိဒါန်းချီတယ်။ ဒီအရွယ် ပညာသင်ရမယ့်အရွယ်။ ထွေလီကာလီ စိတ်တွေထားတာ အံ့သြကြောင်း။ ငါးတန်းကျောင်းသားတစ်ယောက်က ငါးတန်းကျောင်းသူတစ်ယောက်ကို ရည်းစားစာ ပေးတယ်ဆိုတာ အတော့်ကို မဖြစ်သင့်ကြောင်း။ ကာယကံရှင် ကျုပ်ကိုလဲ ဆရာကြီးက ထိုက်သင့်တဲ့ အပြစ်ပေးပြီးပြီဖြစ်ကြောင်း။ ဒါပေသည့် ကျန်တဲ့လူတွေလဲ နမူနာယူနိုင်ရန်အလို့ငှာ ဆိုပြီး သင်္ကြန်မိုးရုပ်ရှင်အစမှာ နောက်ခံစကားပြောတဲ့ ဒေါ်တင်တင်မြအထာနဲ့ ကျုပ်ရဲ့ချစ်သ၀ဏ်လွှာကို ဖတ်ပြတယ်။ မော်ကြီးနဲ့ရီရီတင်တို့ မျက်နှာကတော့ ဆီးစေ့လောက်ပဲရှိတော့တယ်။ ဆရာကြီးက မင်းတို့ကိုလဲခေါ်တွေ့မယ်လို့ ပြောနေတယ်လို့ ကျုပ်က အဆင်းဘီးတပ်လိုက်တယ်။ မင်းကဘာဖြစ်လို့ သွားပြောတာလဲလို့ ကျုပ်ကိုဒေါသတကြီးမေးတော့ စတာပါကွာလို့ပြောမှ မော်ကြီး သက်ပြင်း ချနိုင်တယ်။

"စံပယ်နှစ်ပွင့်ထရံကာ တကယ်ချစ်ရင် စာပြန်ပါ" ဆိုတဲ့ စာသားအရောက်မှာ တတန်းလုံးဝိုင်းရယ်ကြတယ်။ "အနူလက်နဲ့ရွှေခွက်နိုက်သူ" ဆိုတဲ့စကားကိုအကြားမှာ တတန်းလုံး ပြိုင်တူအသံတိတ်သွားကြတယ်။ နွယ်တာလွန်းက မျက်လုံးလေးအပြူးသားနဲ့ ကျုပ်ကိုလှမ်းကြည့်တယ်။ ကျုပ်လဲ ကပျာကယာ ခေါင်းငုံ့လိုက်မိတယ်။

စာလဲဆုံးသွားရော ဆရာကပညာရှာချိန်ပညာရှာပြီး ကြင်ယာရှာချိန် ကြင်ယာရှာရမှာဖြစ်ကြောင်း အချိန်တန်လျှင် သူ့သာသူဖြစ်လာမှာ ဖြစ်ကြောင်းဆုံးမတော့ ကျုပ်မနေနိုင်ဘူး ခွိကနဲရယ်မိတယ်။ ကျုပ်ရယ်တာဆရာကြားပြီး ကျုပ်ကိုလှမ်းကြည့်တော့ ကျုပ်လဲ မျက်နှာပိုးသပ်လိုက်ရတယ်။ အဲဒီဆရာနာမည်က ဦးဆွေမြင့်။ အသက်က လေးဆယ်လောက်ရှိပြီ။ လူပျိုကြီး။

ကျောင်းမှာရှိတဲ့ ဆရာမအပျိုမှန်သမျှ သူမကြိုက်ဖူးတာမရှိဘူး။ ရပ်ကွက်ထဲမှာလဲ ထိုနည်းလည်းကောင်းပဲ။ ကျုပ်ကိုသာ ပြောနေတာ ကြင်ယာရှာနေတာ သူနှစ်ပေါင်းမနည်းဘူး။ အခုအချိန်ထိ လူပျိုကြီးပဲ။ အဲဒါကြောင့်ကျုပ်ရယ်တာ။

စကားစပ်လို့အဲဒီဆရာအကြောင်းပြောရဦးမယ်။

ကျုပ်တို့ကျောင်းကို ရန်ကုန်က ဆရာမအသစ်တစ်ယောက် ရောက်လာတယ်။ ဒေါ်သိင်္ဂီကြွယ်လို့ ခေါ်တယ်။ ဖြူဖြူချောချောပေါ့။ အဲဒီဆရာမ ရောက်တဲ့နေ့ကစပြီး ဆရာဦးဆွေမြင့်ရဲ့ နေပုံထိုင်ပုံ အကုန်ပြောင်းသွားတယ်။ ကျောင်းလာရင် မီးပူတိုက်ခေါက်ရိုးကျိုးနေတဲ့ အင်္ကျီနဲ့ သန့်ပြန့်နေတယ်။ ဒါပေမယ့် အဲဒါကြာကြာမခံလိုက်ဘူး။ နှစ်လလောက်ကြာတော့ အဲဒီဆရာ့အိမ်မီးလောင်တယ်။ အိမ်မကြီးတော့မဟုတ်ပါဘူး။ ပဲမှော်တိုက်ကို လောင်တာ။ ရွာမှာနွားစာဖြစ်တဲ့ ကောက်ရိုးတို့ပဲပင်အရိုးတို့ကို လှောင်ထားတဲ့ အဆောက်အဦကို ပဲမှော်တိုက်လို့ခေါ်တယ်။

ဆရာက အင်္ကျီကို မီးပူအမြဲတိုက်တယ်။ လျှပ်စစ်မီးမရှိတော့ မီးသွေးမီးပူနဲ့ တိုက်တာပေါ့။ မီးတက်အောင်လို့ဆိုပြီး မီးပူကို လေရတဲ့ ပဲမှော်တိုက်နားမှာ မှောက်ထားတုံး မီးပွားလွင့်ပြီး ပဲမှော်တိုက်လောင်တာပဲ။

တစ်ခါကလဲ ဘေးအိမ်ကမွေးထားတဲ့ကြက်ကို ခိုးချက်စားလို့ဆိုပြီး ပြဿနာတက်တယ် ကြားသေးတယ်။ နေ့လယ်ထမင်းစားချိန်ဆို ကျောင်းက ဆရာဆရာမတွေက ထမင်းစုစားကြတယ်။ ဆရာမလေးတွေနဲ့ အတူစားတဲ့ ထမင်းဝိုင်းမှာ ဆရာဦးဆွေမြင့်က နေ့တိုင်းကြက်သားဟင်းတော့လို့ အထင်ခံရအောင် ကြက်သား မ၀ယ်နိုင်အတူတူ ဘေးအိမ်ကကြက်ကို ရိုက်ချက်လာဟန်တူပါတယ်။

Friday, January 4, 2008

2.3 အကြော်ရောင်းတဲ့ ကျွန်တော်

နောက်တစ်နေ့ကစနေနေ့။ ကျောင်းပိတ်တယ်။ ကျောင်းပိတ်ရင်အမေ့ဆိုင်မှာ ကူလုပ်ရတယ်။ အမေက အကြော်ကြော်ရောင်းတယ်။ ရွာမှာ နေ့တိုင်းဈေးရှိတယ်။ မနက်ခုနှစ်နာရီလောက်က စဖွင်ြ့ပီး နေ့လည် ဆယ့်တစ်နာရီလောက်ဆို ဈေးခေါင်းကွဲတာပဲ။

ပြောရဦးမယ်။ အိမွန်တို့အမေက အထည်ရောင်းတယ်။ ဆိုင်ကြီးကနားနဲ့ပေါ့။ ကျောင်းပိတ်ရင်အိမွန်လဲ ကျုပ်လိုပဲ အထည်ဆိုင်မှာ သူ့အမတွေနဲ့အတူရှိတယ်။ ဖြစ်ချင်တော့ ကျုပ်တို့အကြော်ဆိုင်နဲ့ သူတို့အထည်ဆိုင်က မျက်စောင်းထိုး။ မြင်နေရတယ်။

အိမွန်ကကျုပ်ကို မမြင်ချင်ယောင်ဆောင်နေတယ်။ ကျုပ်ကတော့ သူ့ကိုမကြာခဏ လှမ်းငေး နေမိတယ်။ သူကတော့ ဆိုင်ပေါ်မှာ ကြော့ကြော့လေးပေါ့။ ကျုပ်ကတော့အမေ့အကြော်ဖိုကို မီးဝိုင်းမှုတ် နေရတယ်။ ထင်းတွေကလဲ အဲဒီနေ့မှာ တိုက်တိုက်ဆိုင်ဆိုင် စိုနေလေတော့ မကြာခဏ ဖင်ဖူးထောင်းထောင်ပြီး မီးပြောင်းနဲ့ မှုတ်နေရတယ်။ ကျုပ်မျက်နှာမှာ အိုးမဲတွေနဲ့ပေါ့ဗျာ။ မျက်ဝန်းမှာက မျက်ရည်တွေနဲ့။ လုပ်ရက်လေခြင်း အိမွန်ဆိုပြီး ရင်နာလို့ကျတဲ့ မျက်ရည်တော့ မဟုတ်ပါဘူး။ မီးခိုးမွှန်မျက်လုံးစပ်ပြီး ကျတဲ့မျက်ရည်ပဲ။

ဆယ့်တစ်နာရီလောက် ဈေးခေါင်းကွဲချိန် မရောင်းရတော့တဲ့ လက်ကျန်အကြော်ဗန်းကို ခေါင်းဖုနဲ့ရွက်ပြီး ကျုပ်ပြန်ဖို့လုပ်တယ်။ အိမွန်တို့ကတော့ အထည်တွေကို ထင်းရှုးသေတ္တာအကြီးကြီးတွေထဲ ထည့်နေတယ်။ ခဏကြာတော့ သူ့ဆိုင်ကအလုပ်သမားတွေ ရောက်လာပြီးအဲဒီသေတ္တာကြီးတွေ လာမသွားတယ်။ ကျုပ်တို့ရွာဈေးမှာက ဆိုင်ရှိပစ္စည်းအကုန် ဈေးသိမ်းရင် အိမ်ပြန်သယ်ရတယ်။ အိမွန်ကတော့ သူ့အမေလက်ဆွဲပြီး ပါသွားတယ်။ ကျုပ်ကတော့ အကြော်ဗန်းကြီး ရွက်လို့ပေါ့။

Thursday, January 3, 2008

1.2 Welcome to Navana Blog

ဟိုးအရင်တုန်းက Bagannet forum မှာ ရေးသားခဲ့ပြီး နောက်ပိုင်းမှာ Nativemyanmar.net မှာရေးသားခဲ့တဲ့ ကျွန်တော့်ရဲ့Myself ဆိုတဲ့ ခေါင်းစဉ်အောက်က စာအတိုအစလေးတွေကို Blogတစ်ခုလုပ်ထားဖို့ မိတ်ဆွေများက တိုက်တွန်းရင်း ဒီဘလော့လေး ဖြစ်လာပါတယ်။

2.4 အိမ်က ထမင်းဝိုင်း

နောက်တော့ အိမွန်နဲ့ကျုပ် ပိုနေမြဲကျားနေမြဲဖြစ်သွားခဲ့တယ်။

စပျစ်သီးချဉ်တာတော့ မဟုတ်ဘူး။ အိမွန်က အသက်ကြီးလေရုပ်ဆိုးလေပဲ။ သူတို့မိသားစုကို ရွာကလူတွေက ခွေးမျိုးတွေလို့ ကွယ်ရာမှာခေါ်တယ်။ ခွေးလေးတွေဟာ ငယ်စဉ်မှာ အရမ်းချစ်ဖို့ကောင်းတယ်။ ဒါပေသည့် ကြီးလေအမြင်ကတ်ဖို့ ကောင်းလေ ရုပ်ဆိုးလေပဲ။ အိမ်မှာ ခြေမွေးမီးမလောင် လက်မွေးမီးမလောင် နေရတော့ ငယ်ငယ်တုံးကတော့ ဖြူဖြူပျော့ပျော့ ကနွဲ့ကယျလေးပေါ့။ ရှစ်တန်းလောက်ရောက်တော့ အိမွန်က အတော်ပုံပျက်နေပြီ။

ဆရာကြီးနဲ့သူ့အမေကိုတောင် ကျေးဇူးတင်မိတယ်။ ငါးတန်းနှစ်တုံးက ရွှေခွက်ကြီးကသုံးနှစ်ပဲခံတယ်။ ရှစ်တန်းနှစ်မှာ ကြေးခွက်ကြီးဖြစ်သွားတယ်။ ဒါပေသည့်ကျုပ်လက်ကတော့ အနူလက်ဖြစ်မြဲပဲ။ မိသားစုစီးပွားရေးက ပိုလို့တောင် ဆိုးလာခဲ့တယ်။

ကျုပ်ပြောခဲ့ဖူးတဲ့ ရွှေနီပြောင်းဆံကို ချက်စားရတဲ့အထိပဲ။ ပြောင်းထမင်းဆိုတာ အရမ်းကြမ်းတယ်။ အ၀င်ဆိုးတယ်။ အထွက်မှာ အသက်အောင့်ထားရတယ်။ မိသားစုထမင်းဝိုင်းမှာ ကျုပ်အဖေဆိုတဲ့ကဗျာတစ်ပုဒ်ရှိတယ်။ ရှုလော့။

လေယူရာယိမ်းကာနွဲ့
တိမ်းပါတဲ့ထိုပြောင်း
မောင်းဆုံမှာထောင်းရုံမျှနဲ့
ကောင်းပုံမမြင်

ရိုးတံကနီ
ဆီမပါမျောကာချ
သြကာလရွတ်ရင်း
အခင်းကြီးစွန့်မယ်ကြံ
စိုးထိတ်ရပြန်
အားတင်းကာ ကိုယ်ဟန်စောင်း
ဖင်ချဲ့တဲ့ပြောင်း။

ကျုပ်တို့မိသားစုထမင်းစားချိန် ဧည့်သည်လာမှာ အရမ်းစိုးတယ်။ စားပါဦးလို့ လောကွတ်ချော်ရအောင်ကလဲ မဖြစ်။ စားနေတာကပြောင်းဆံ။ ဟင်းကခရမ်းချဉ်သီးငပိချက်။ ဆားဗူးနဲ့ရေအိုးက အနားမှာ။ မနက်က ရောင်းကျန် အကြော်ရှုံ့တွတွလေး ငါးခုနဲ့ပေါ့။

တစ်ခါတုံးက အဖေ့မိတ်ဆွေမိသားစု ရွာကိုလာလည်တယ်။ တည်းတော့သူ့အမျိုးတွေ အိမ်မှာတည်းတယ်။ ဒါပေသည့် အဖေတို့အမေတို့နဲ့ သူတို့ကအရမ်းခင်တော့ တစ်ရက်အိမ်မှာ ညနေစာဖိတ်ကျွေးမယ် စီစဉ်တယ်။ ဧည့်သည်ကျွေးမှာဆိုတော့ ဆန်ကောင်းကောင်းတခွက် သွားဝယ်ရတယ်။ တခွက်ဆိုတာ ဆန်နို့ဆီဗူးလေးဗူးကိုပြောတာ။ ဟင်းကတော့ ထုံးစံအတိုင်း ဆရာဦးဆွေမြင့်လမ်းစဉ်လိုက်ရတာပဲ။ ဒါပေသည့် ဆရာလိုတော့ သူများကြက်မဟုတ်ဘူး။ အိမ်က ကြက်ဖရိုက်ချက်တာပဲ။

ညနေငါးနာရီလောက်မှာ သူတို့မိသားစုအိမ်ရောက်လာတယ်။ သမီးနှစ်ယောက် သားတစ်ယောက် စုစုပေါင်းငါးယောက်ပေါ့။ အကြီးမက ချောတယ်။ သူ့နာမည်က အေးအေးအောင်။ ထမင်းဝိုင်းပြင် လက်ဆေးဇလုံပြင် အဆင်သင့်ဖြစ်တော့ သူတို့ထမင်းစစားတယ်။

အဖေနဲ့အမေကတော့ ဘေးနားထိုင်ယပ်ခတ်ရင်း သာကြောင်းမာကြောင်းတွေ ပြောနေတာပေါ့။ ကျုပ်ကတော့ အေးအေးအောင်ကို ကွက်ကြည့်ကွက်ကြည့် လုပ်နေမိတယ်။ ကျုပ်ကြည့်နေတုံး အေးအေးအောင်က ကြက်သားဟင်းခွက်နှိုက်တယ်။ ဇွန်းပြန်အဆယ်မှာ ကြက်ခေါင်းကြီးပါလာတယ်။ တိုက်တိုက်ဆိုင် ဆိုင်အိမ်ခေါင်ပေါ်က ကြက်မက လန့်ပြီးထမင်းဝိုင်းပေါ် ကျလာရော။ သူ့လင်ကြက်ဖရဲ့ မျက်နှာကို မှတ်မိလို့ ထမင်းဝိုင်းထဲဝင်လာတာတော့ မဟုတ်လောက်ပါဘူး။ အဲဒီမှာ ရုတ်ရုတ်ရုတ်ရုတ်ဖြစ်သွားပြီး ထမင်းဝိုင်းပြီးသွားတယ်။

1.2 ကျွန်တော့်ဘ၀ နိဒါန်း

ငယ်ငယ်တုံးက ကျုပ်တွေ့မြင်ရတဲ့ တောင်တစ်လုံးကို ကြည့်ပြီး အဖေ့ကို ဒီလောက်များတဲ့ မြေကြီးတွေ ဘယ်သူတွေက ဘာလို့ လာပုံထားတာလဲလို့ မေးဖူးတယ်။ တစ်ခါကလဲ အဖေနဲ့အတူ ဦးပိန်တံတားပေါ် လျှောက်နေရင်း ဦးပိန်တံတား ဆောက်တုံးက သံဘယ်နှချောင်း ကုန်ခဲ့သလဲလို့မေးလို့ အငေါက်ခံရဘူးတယ်။

ကျောင်းက ဆရာ ဆရာမတွေကတော့ ကျောင်းစာနဲ့ မဆိုင်တာတွေကို မမေးရဘူးလို့ ကျုပ်ကိုပြောထားတယ်။ အလိုက်ကန်းဆိုး မသိတဲ့ကလေးလို့ ဆရာတွေက ကျုပ်ကိုချီးမွမ်းတယ်။ စာသင်ခန်းထဲမှာ ဆရာမဆိုးနေတဲ့ လက်သည်းနီပုလင်း ဘယ်လောက်ပေးရလဲ မေးလို့ အဲဒီလိုအငေါက်ခံရတာပဲ။

ကျုပ်သူငယ်တန်းမှာ ဆရာကန်တော့ပွဲကြေး ကောက်တော့ ဆရာတွေကို ဘာလို့ ကန်တော့ရတာလဲ ပြန်မေးတာကြောင့် ဒီကလေး သိပ်ရိုင်းတယ်လို့ သူတို့ကပြောတယ်။

ဒါပေမယ့် ဆရာမတွေကြားထဲမှာ ဒေါ်မူမူလို့ခေါ်တဲ့ဆရာမကိုတော့ ကျွန်တော်ချစ်တယ် သူက ကျန်တဲ့ဆရာမတွေလို့ ကျွန်တော့်ကို အိမ်ကလက်ဖက်သုတ်ပြီးယူခဲ့ ဆိုတာမျိုးဘယ်တော့မှ မပြောဘူး။ နေ့လည် ထမင်းစားချိန်ဆို ကျွန်တော့်ကို ထမင်းခွံ့ကျွေးရင်းလဲ ကျွန်တော့်ဟင်းတွေကို နှိုက်မစားဘူး။ အဲဒါကြောင့်ချစ်တာ အိမ်က ထည့်ပေးလိုက်တာကလဲ မလောက်မငှရယ်။

ပြောရဦးမယ် ကျုပ်ကအညာသား အညာဆောင်းက သိပ်အေးတယ်။ အညာနွေကတော့ သိကြတဲ့အတိုင်း သိပ်ပူတယ်။ နွေဆိုပျော်တယ် ကျောင်းရက်ရှည်ပိတ်တယ် ကျောင်းမတက်ရဘူး ဆောင်းတွင်းကို ကျုပ်မုန်းတယ်။ ကျုပ်မှာအနွေးထည်မရှိဘူး။ ဆောင်းတွင်းဆို ကျုပ်ကျောင်းမတက်ဖြစ်တာ များတယ်။ နေမကောင်းလဲ ခဏခဏဖြစ်တယ် တစ်ခါတစ်လေ ကျောင်းကို စောင်ခြုံပြီးတက်တယ်။ အတန်းဖော်တွေနဲ့ ဆရာမတွေကလဲ ရိုးနေတော့ သိပ်ထွေထွေထူးထူး မပြောတော့ပါဘူး။ စောင်မပါရင်မခံနိုင်ဘူး မယုံမရှိကြနဲ့။

ကျောင်းကတောကျောင်းပါ။ ဒါပေမယ့် အထက်တန်းကျောင်းပဲ။ တနင်္လာသောကြာ နှစ်ရက် ကျောင်းစိမ်း ၀တ်ရတယ်။ကျုပ်အမက ကျုပ်ထက်နှစ်နှစ်ကြီးတယ်။ အမရဲ့ကျောင်းစိမ်းထမိန်မှာ အထက်ဆင်မတပ်ဘူး။ တနင်္လာသူဝတ်ရင် သောကြာမှာ အဲဒီထမိန်ခေါ်မလားပုဆိုးခေါ်မလား ကျုပ်ဝတ်တယ်။ တစ်ပတ်တစ်ရက် ကျောင်းစိမ်းမ၀တ်လို့ အပြစ်ပေးခံမတ်တပ်ရပ်ရတယ်။

ကျုပ်တက်တဲ့ကျောင်းက ဦးနုလက်ထက်က ပြည်တော်သာစီမံကိန်း နဲ့ဆောက်ထားတဲ့ကျောင်း။ ကျောင်းက နှစ်ထပ် ။ အင်္ဂလိပ်အက္ခရာ E ကိုေ ကျာချင်းကပ်ထားသလို မျိုးပုံရှိတယ် ။ မနက်ရှစ်နာရီခွဲက နေဆယ့်တစ်နာရီခွဲအထိတစ်ချိန် နေ့လည်ဆယ့်နှစ်နာရီခွဲကနေ ညနေသုံးနာရီခွဲအထိ တစ်ချိန် တစ်နေ့နှစ်ချိန် တက်ရတယ်။

အတန်းငယ်တုံးကတော့ မနက်ခင်းမှာ အတန်းပိုင်ဆရာက တစ်မနက်ခင်းလုံး သူယူတယ်။ ညနေပိုင်းမှာ တခြားအတန်းက ဆရာမတစ်ယောက်ကသင်တယ်။

တနလာင်္နဲ့သောကြာမှာ ကျောင်းမတက်မှီ ကျောင်းရှိလူကုန် Assembly လုပ်ကြတယ် ။ ကျောင်းအုပ်ကြီးက မိန့်ခွန်းပြောတယ်။ ဆူတယ်ငေါက်တယ် အခန့်သင့်ရင်အပြစ်ပေးတယ်။ မှတ်မှတ်ရရ ကျောင်းနောက်ဖေးမှာ ပြောင်းခင်းရှိတယ်။ ကျောင်းကမြေငှားပြီး တောင်သူတစ်ယောက်ကို ပေးစိုက်ထားတာပဲ။ နှံစားပြောင်းခင်းပေါ့။ ပြောင်းမျိုးက ရွှေနီပြောင်းလို့ခေါ်တယ်။ ရိုးတံကအနီရောင်ရှိလို့ အဲလိုခေါ်တာပဲ။ ကျုပ်တို့ဆီက တောင်သူတွေကတော့ အနှံကိုယူပြီး ပြောင်းရိုးကို နွားစာကျွေးတာပဲ။ ဒါပေမယ့်အဲဒီပြောင်းရိုးက ချိုတယ်။ ကြံလောက်မချိုပေမယ့် ရင့်ရင်ကြံလောက်နီးနီး ချိုတယ်။ ကျုပ်သူငယ်ချင်း မော်ကြီးက ကျောင်းပိတ်ရက် နွားကျောင်းတယ်။ သူကအဲဒီပြောင်းရိုးက ချိုတယ်လို့ ကျုပ်ကိုပြောတယ်။ ကျုပ်တို့နှစ်ယောက် နေ့လည်ကျောင်းဆင်းချိန် အဲဒီပြောင်းခင်းထဲဝင်ပြီး ပြောင်းစုပ်တယ် (ကြံစုပ်တာမျိုးပေါ့) အခင်းရှင်နဲ့မိတော့ ကျောင်းအုပ်ကြီး တက်တိုင်တယ်။ အဲဒီတော့ ပြောင်းစုပ်မှုနဲ့ကျုပ်တို့နှစ်ယောက် Assembly မှာ အရိုက်ခံရတယ်။

ကျောင်းအုပ်ကြီးက မင်းတို့နှစ်ယောက်က နွားတွေပဲဆိုပြီး တစ်ယောက်သုံးချက် ကြိမ်စာကျွေးတယ်။ ဆရာကြီးမယုံရင်စားကြည့် အဲဒီပြောင်းကချိုတယ်။ ဆရာကြီးကြိုက်သွားမယ်ပြောလို့ ၀ိုင်းရယ်ကြတယ်။

ငယ်ဘ၀ကို အခုလိုပြန်ပြောရတော့ ကျုပ်ရင်ထဲမှာတမျိုးပဲ ၀မ်းနည်းတဲ့ခံစားချက်တော့ မဟုတ်ပါဘူး ။ လွမ်းသလိုလိုပေါ။့ ငယ်ငယ်တုံးက ဆင်းရဲခဲ့တာ ကျုပ်ကတော့ကျေနပ်တယ်။ အနည်းဆုံးတော့ ဆင်းရဲတယ်ဆိုတာချိုနဲ့လားလို့ မမေးရတော့ဘူး အခုလဲချမ်းသာသလားဆိုတော့ ထူးမခြားနားပါပဲ ။ ဒါပေမယ့် ကျုပ်စုပ်ချင်ရင် ကြံတစ်ချောင်းတော့ ၀ယ်စုပ်နိုင်နေပါပြီ အနွေးထည်လေး သုံးလေးထည်လဲရှိနေပါပြီ အမနဲ့လဲ ထမိန်မဟုတ် ပုဆိုးမဟုတ်လုဝတ်စရာ တော့မလိုတော့ဘူးပေါ့။

ငယ်ငယ်ကဆင်းရဲချက်ကတော့ သူခိုးတောင်အားနာရတယ် အိမ်ဝင်ခိုးတဲ့သူခိုးကို မျက်နှာပူလို့ သူခိုးအိမ်ထဲ ၀င်လာတာ သိသိချည်းနဲ့ အိပ်ချင်ယောင် အတင်းဆောင်နေရတာမျိုးရယ်။

ပြောရဦးမယ်။ ကျုပ်မိဘတွေက အထည်ကြီးပျက်တွေ ကျုပ်မမွေးခင်က ရွာမှာအတော်ချမ်းသာသတဲ့ ။ ဒါပေသည့် ကျုပ်မွေးကတည်းကတော့ အခုနပြောသလို ဆင်းရဲချက်ကတော့ ကမ်းကုန်ရော တစ်ခါတစ်လေ မနက်ထမင်းရည်သောက် ညနေမှထမင်းစားရတာမျိုး။ အဲဒါကိုနပ်မမှန်ဘူး လို့ပြောမရလောက်ဘူး။ နပ်ကတော့ တစ်နေ့နှစ်နပ်မှန်နေတာပဲ။ ထမင်းရည်တစ်နပ် ထမင်းတစ်နပ်ပေါ့။

ဘယ်လိုပဲဆိုဆို ကျုပ်မိဘတွေရဲ့ တုနှိုင်းမရတဲ့ ကျေးဇူးက ကျုပ်ကိုကျောင်းမထုတ်ခဲ့တာပဲ။ ရွာမှာကျုပ်တို့လောက် ဆင်းရဲရင် ဘယ်မိဘမှသူ့သားသမီးကို ကျောင်းမထားတော့ဘူး။ အဲဒီကျေးဇူးက လဲအခုလိုအရွယ်ရောက်လာမှ ပိုပြီးပေါ်လွင်လာတာပါ။ ငယ်ငယ်တုံးကတော့ ကျောင်းမထားလဲ သိပ်ပြီးကြေကွဲ နေမှာမဟုတ်ပါဘူး။ မထားတော့လဲ မနေရုံပေါ့လို့နေမှာပါပဲ။