Thursday, July 22, 2010

47.1 မြေတိုင်းစာရေးကြီး ဦးဘိုးလှိုင်

အဖေ့အကြောင်း ရေးတော့ ဘွားတင်ရဲ့အဖေ ဦးဘိုးလှိုင် အကြောင်းပါ ထည့်ရေးမှ ပြည့်စုံမယ်လို့ တွေးမိတယ်..။ ဘာဖြစ်လို့လည်း ဆိုတော့ အဖေက ဦးဘိုးလှိုင်ရဲ့ အချစ်ဆုံးမြေး..။ ဦးဘိုးလှိုင်က ကိုလိုနီခေတ် အစိုးရ၀န်ထမ်း၊ တစ်လကို လစာ သုံးကျပ်ခွဲရတဲ့ မြေတိုင်းစာရေးကြီး..။ မြေတိုင်းစာရေးဆိုတာ ကိုလိုနီခေတ် တောင်သူလယ်သမားတွေရဲ့ ကောက်ပဲသီးနှံစိုက်ပျိုးဖြစ်ထွန်းမှုကို လယ်ခင်းယာခင်းအရောက် ကိုယ်တိုင် သုံးသပ်လေ့လာပြီး အစိုးရကိုယ်စား မြေခွန်တော် စည်းကြပ်ကောက်ခံရသူပဲ..။

သီးနှံအထွက်နှုန်းကောင်းတဲ့ လယ် ကို အခွန်လျော့ပေါ့ ကောက်ခံတာတို့၊ ပုံမှန်လောက်သာထွက်တဲ့ လယ်ကို အခွန်စည်းကြပ်မှု လျှော်ပစ်တာတို့ ဆိုတာ ဦးဘိုးလှိုင်ရဲ့လက်ဖျား ငွေသီးစေတဲ့ လုပ်ပိုင်ခွင့်တွေပေါ့...။ ရာသီအလိုက် သီးနှံရိတ်သိမ်းချိန် ရောက်တိုင်း ဦးဘိုးလှိုင်က.. ဆူးဖြူးကုန်း နယ်တကျောက လယ်ယာမြေ တွေကို စနည်းနာ ထွက်လေ့ရှိတယ်..။

အဲသလို စနည်းနာ မထွက်ခင် ညမှာ “ မနက်ဖန်.. မနက်၊ ရုံးရင်းတောအပိုင်း အကွက်အမှတ် (----- မှ ------ အထိ) မြေတိုင်းစာရေးကြီး ဦးဘိုးလှိုင်မှ ကွင်းဆင်း စစ်ဆေးမည်ဖြစ်ပါသဖြင့် သက်ဆိုင်ရာ အခင်းရှင်များအနေဖြင့် မိမိတို့ ယာကွက်မှ အသင့်စောင့်ဆိုင်းနေကြပါရန် အသိပေးနှိုးဆော်အပ်ပါတယ် .. ဗျို့ ” ဆိုပြီး ဗျို့ဟစ်မောင်းထုလေ့ ရှိပါတယ်..။

မောင်းသံ ကြားတာနဲ့ တချို့အခင်းရှင်တွေက ဦးဘိုးလှိုင်အိမ် လာပြီး.. သူတို့အကွက် အခွန်တော် လျော့ပေါ့စေရန် အလို့ငှာ အသပြာ ငွေတစ်မတ်ကို ဦးဘိုးလှိုင်ရှေ့ချထားတဲ့ ကွမ်းအစ်ထဲ ထည့်ပါတယ်..။ တစ်ယောက် တစ်မတ်ဆိုပေမယ့် တောင်သူတစ်ရာ မတ်တစ်ရာ..။ မတ်တစ်ရာ ငွေနှစ်ဆယ့်ငါးကျပ် ဆိုတော့ တစ်လတစ်လ လစာ သုံးကျပ်ခွဲရတဲ့ မြေတိုင်းစာရေးကြီးရဲ့ ၀င်ငွေကို တွက်သာကြည့်ပေတော့..။

ဒီကြားထဲ ဦးဘိုးလှိုင်က ရလာသမျှ ၀င်ငွေအားလုံးကို ရင်းနှီးမြုပ်နှံမှုအဖြစ် လယ်ယာမြေတွေပဲ ပြန်ဝယ်တော့ ဧက ထောင်ချီပိုင်တဲ့ မြေပိုင်ရှင်ကြီး ဖြစ်လာ ခဲ့တယ်..။ ဒါတင်မက ပိုင်ဆိုင်သမျှ လယ်မြေအားလုံးကို မြေစုမြေငှားချလိုက်ပြန်တော့ ဦးဘိုးလှိုင်ရဲ့ စီးပွားရေးက ဒီလှိုင်းတွေလိုဆပွားတိုးလာခဲ့တော့တယ်။

မြေစုမြေငှားချတယ်ဆိုတာ.. ကိုယ့်မြေကို တကယ်လယ်လုပ်မယ့်သူဆီ အငှားချပြီး ထွက်ရှိလာတဲ့ ကောက်ပဲသီးနှံကို မြေရှင်နဲ့ မြေငှား အချိုးကျ ခွဲဝေ ယူကြတာပါပဲ..။

မြေရှင်က သီးနှံစတင်စိုက်ပျိုးချိန်မှာ မျိုးစေ့ စိုက်ထုတ်မပေးရရင် ထွက်လာတဲ့ သီးနှံရဲ့ သုံးဆယ်ရာခိုင်နှုန်း ဝေစုရပြီး၊ မျိုးစေ့ စိုက်ထုတ်ပေးရရင်တော့ ငါးဆယ်ရာခိုင်းနှုန်း မြေစုပြန်ရပါတယ်...။

ဘွားတင်က ဦးဘိုးလှိုင်ရဲ့ တစ်ဦးတည်းသော သမီးဖြစ်တာမို့ ဦးဘိုးလှိုင် ရှာသမျှ စည်းစိမ်တွေဟာ အဖေတို့ ညီအကိုမောင်နှမ ဆယ့်သုံးယောက်အတွက် ပိုလျှံတာထက်ကို ပြည့်စုံစေခဲ့ပါတယ်..။

47.2 အုံးဖေ (သို့) ကုန်းဖေ

အဖေ့ကို ကျန်တဲ့ညီအကိုမောင်နှမတွေက နာမည်ရင်း အုံးဖေ အစား ကုန်းဖေ လို့ ခေါ်ကြပါတယ်..။ အဖေက အတိုင်အတော အလွန်ထူတဲ့အပြင် ကုန်းချော ကုန်းတိုက်ကလည်း မောင်နှမတွေကြား အလွန်လုပ်လို့ ကုန်းဖေ နာမည်တွင်ခဲ့ဟန် ရှိပါတယ်..။ အဘိုးဖြစ်သူ ဦးဘိုးလှိုင်အလိုလိုက်တာကြောင့်လဲ အဖေ စိတ်ကြိုက်ဆိုးခွင့်ရခဲ့ဟန် ရှိပါတယ်..။

ဦးဘိုးလှိုင်ကလည်း အဖေ့ကို သည်းသည်းလှုပ်မျှ ချစ်ပါတယ်..။ ညတိုင်း အဖေက သူမအိပ်မချင်း ဦးဘိုးလှိုင်ကို “ အဘ ” “ အဘ ” နဲ့ ခေါ်ပါတယ်..။ ဦးဘိုးလှိုင်ကလဲ “ ဗျ ” “ဗျ” နဲ့ ခေါ်သမျှ တခွန်းမကျန် ပြန်ထူးလေ့ရှိပါတယ်..။ တခါတရံ အဖေ အိပ်ပျော်သွားပြီး ခေါင်းရင်းခြံက ဆိတ်တွေ “ပဲ” “ပဲ” နဲ့ အော်နေတာကိုတောင် ဦးဘိုးလှိုင်က သူ့မြေး ခေါ်သံထင်ပြီး “ဗျ” “ဗျ” နဲ့ ပြန်ထူးနေတတ်ပါသေးတယ်..။

နောက်ဆုံး ဘွားတင်က “ အဖေ့မြေးက အိပ်သွားတာ ကြာပေါ့ ” “ ခေါင်းရင်းခြံက ဆိတ်အော်သံကို မြေးခေါ်သံ ထင်မနေနဲ့ အိပ်တော့ ” ဆိုမှ ဦးဘိုးလှိုင် က စိတ်ချလက်ချ အိပ်တယ်လို့ ဆိုပါတယ်..။ တကယ်တော့ အဖေတို့ ညီအကိုမောင်နှမတတွေဟာ အဘိုးဖြစ်သူ ဦးဘိုးလှိုင်ရဲ့ စောင့်ရှောက်မှုနဲ့ ကြီးပြင်း လာခဲ့ကြရတယ်ဆိုရင် မမှားပါဘူး..။

ဦးဘိုးလှိုင်က သတ္တိဗျတ္တိနဲ့လည်း ပြည့်စုံတယ်လို့ ဆိုပါတယ်..။ အဖေ့ရဲ့ စိတ်ဓါတ်တော်တော်များများဟာ ဦးဘိုးလှိုင်ဆီက အမွေရခဲ့ဟန် တူပါတယ်..။

အဖေတို့ လူလားမြောက်တဲ့အချိန်က မြန်မာ့ပြည်တွင်းရေး အရှုပ်ထွေးဆုံး အချိန်ဆိုတော့ မြို့ မြို့အလျောက်၊ တော..တောအလျောက် သိပ်ကြီးငြိမ်းချမ်းလှတယ်လို့ မဟုတ်ပါဘူး..။ ဂျပန်က အပြေး၊ အင်္ဂလ်ိပ်က တကျော့ပြန်အ၀င်.. ဂျပန်တွေ ကျန်ခဲ့တဲ့ သေနတ်တွေဆိုတာကလဲ ရွာတိုင်း အိမ်တိုင်းနီးနီးလောက်မှာ ဖောချင်းသောချင်း ရှိကြတာဆိုတော့ ဓါးပြတိုက်တယ် လူသတ်တယ်ဆိုတာ အတော့်ကို လွယ်လွယ်နဲ့ လုပ်နေကြတဲ့ အချိန်ပေါ့..။

အဖေတို့အိမ်မှာကို သေနတ် သုံးလက်ရှိတယ်လို့ ဆိုပါတယ်..။ ဦးဘိုးလှိုင်က တစ်လက်၊ အဖေ့ရဲ့အကိုအကြီးဆုံး ဦးခင်မောင်ကိုင်တာက တစ်လက်နဲ့ အဖေ့အထက်ကပ်လျက် ဦးဟန်စိန်က တစ်လက်.. ပေါင်းသုံးလက်ပေါ့..။ အဖေကတော့ အဲဒီအချိန်က ဆယ့်နှစ်နှစ်၊ဆယ့်သုံးနှစ်လောက်ပဲ ရှိသေးတာမို့ သေနတ်ကိုင်ခွင့် မရသေးပါဘူး..။

သေနတ်ကိုင်ချင်ရင် သူ့အကိုအကြီးဆုံး ဦးခင်မောင်ရဲ့ သေနတ်ကို ခိုးခိုးကိုင်ရလေ့ရှိပါတယ်..။ ဒါပေမယ့် ဦးခင်မောင်က အိမ်သိပ်မကပ်တော့ အဖေ့အနေနဲ့ တရားဝင် သာ သေနတ်ကိုင်ခွင့်မရတာ သေနတ်ကိုတော့ ကောင်းကောင်း ပစ်တတ်နေခဲ့ပါပြီ..။ အဲသလို သေနတ်ခိုးကိုင်တဲ့ အကျိုးကျေးဇူးက အဖေ့ဘ၀ လောကဓံခရီးမှာ အဓိက အခန်းကဏ္ဍက ပါဝင်ခဲ့ပါတယ်..။

တစ်ရက် အဖေတို့အိမ် ဓါးပြ အတိုက်ခံရပါတယ်..။ ဓါးပြတွေက ညဆယ့်နှစ်နာရီလောက် အိမ်ကိုဝင်စီးပြီး ဓါးစာခံအဖြစ် အဖေ့မိဘနှစ်ပါးနဲ့ ညီအကိုမောင်နှမ တချို့ကို ဖမ်းလိုက်ကြပါတယ်..။ အဖေက အဲဒီညက ဦးဘိုးလှိုင်နဲ့ အိမ်ပေါ်မှာ အိပ်တာမို့ အဖမ်းမခံရဘူး..။ အဖေ့အကို ဦးခင်မောင်က အဲဒီအချိန် တခြားရွာ ခရီးလွန်နေလို့ အိမ်မှာမရှိဘူး..။

အဲဒါနဲ့ အဖေက ဦးခင်မောင် သေနတ်ယူပြီး အဘိုးဖြစ်သူ ဦးဘိုးလှိုင်နဲ့ အိမ်အပေါ်ကနေ ဓါးပြတွေကို ခံ ပစ်ကြတယ်..။ အဖေ့အထက်က ဦးဟန်စိန် ကလည်း ၀ိုင်းထဲက ပဲမှော်တိုက်အောက်ကနေ ဓါးပြတွေကို ပစ်တယ်..။ ဓါးပြတွေက အဲသလို အပစ်ခံရတော့ ဘွားတင်ကို အကျပ်ကိုင်ပြီး အော်ခိုင်းတယ်။ “ အမေတို့ကို မိထားပြီ.. အုံးဖေတို့ ဟန်စိန်တို့ မပစ်ကြပါနဲ့ ” ပေါ့..။

ဒါပေမယ့် အဖေတို့က နားမထောင်ဘူး..။ အော်လေ တွန်းပစ်လေ ပဲ..။ နောက်ဆုံး ဓါးပြ လေးယောက်သေပြီး ဓါးပြတွေ ထွက်ပြေးကြတော့တယ်..။

နောက်နှစ်ရက်အကြာ.. အဲဒီသတင်းကြားတဲ့ မြို့က အာဏာပိုင်တွေ ရောက်လာပြီး ဓါးပြတွေကို ခံချတဲ့ အဖေတို့ ညီအကိုနှစ်ယောက်ကို ဂုဏ်ပြုတဲ့အနေနဲ့ မြင်းစီးရိုင်ဖယ် နှစ်လက် ဆုချတယ်..။

အဲဒီကစပြီး ပစ်ချင်ခတ်ချင်၊ တိုက်ချင်ခိုက်ချင်တဲ့စိတ်က အဖေ့ဆီမှာ သန္ဓေတည်သွားခဲ့ပါတော့တယ်..။

47.3 အုံးဖေ တောခိုပြီ

မြန်မာပြည်က ဂျပန်ပြေးတော့ အဖေ နွားထိုးကြီးမြို့ပေါ်တက်ပြီး ကျောင်းနေတယ်..။ ကျောင်းက အင်ဂလိုဗနီကူလာ ဆိုတဲ့ အင်္ဂလိပ်စာသင်ကျောင်း ပဲ..။ အဖေကျောင်းနေစဉ်မှာ ဖဆပလအစိုးရနဲ့ ကွန်မြူနစ်၊ရဲဘော်ဖြူ ကွဲပြဲပြီး သူတလူ ငါတမင်း ကိုယ်ပိုင်ရာပိုင်ရာ နယ်မြေတွေ အုပ်ချုပ်ပြီး ဗိုလ်လုပ်ကြ တော့တယ်..။

နွားထိုးကြီးမြို့ကို အဲဒီတုံးက ဖဆပလ အစိုးရက အုပ်ချုပ်နေတယ်..။ အုပ်ချုပ်တယ်သာ ဆိုတယ်.. မြို့ပေါ်ကွက်ကွက်ကလေးလောက်သာ.. ဖဆပလ အာဏာစက်ရှိတယ်..။ နယ်ထဲက ရွာတွေကတော့ ကွန်မြူနစ်ရွာ ဖြစ်တဲ့ရွာကဖြစ်၊ ရဲဘော်ဖြူ ရွာဖြစ်တဲ့ရွာကဖြစ်နဲ့ ဖြစ်ချင်သလို ဖြစ်နေခဲ့တယ်..။ တဖွဲ့နဲ့ တဖွဲ့ အယောင်ဆောင် အပြစ်ဖို့ လုယက် ဓါးပြတိုက်တာတွေကလဲ မိုးလုံးပြည့်ပေါ့..။

ဖဆပလ အစိုးရ ဘက်တော်သားတွေ ကိုယ်နှိုက်က လစ်ရင်လစ်သလို ဓါးပြတိုက် လူသတ်လုပ်တယ်..။ လုပ်ပြီး ရဲဘော်ဖြူ လွှဲချတယ်..။ အဲဒါကို မခံနိုင်တဲ့ ရဲဘော်ဖြူရဲမေ မတင်က အဖေ့ကို မြှောက်ပေးတယ်..။ “ ရဲဘော် ဓါးပြလော၊ ဘမောင် ဓါးပြလော ” ဆိုတဲ့ စာရွက်တွေ နွားထိုးကြီး တမြို့လုံးမတင်မြှောက် ပေးတာနဲ့ အဖေလိုက်ကပ်တယ်..။

ဘမောင် ဆိုတာက ဖဆပလ လူကြီး..။

အကျိုးဆက်အနေနဲ့ ဖဆပလက အဖေနဲ့ မတင်ကို လိုက်ဖမ်းတော့တယ်..။ မတင်ကလည်း အုံးဖေ နင်.. ဒီအတိုင်းနေလို့ မရတော့ဘူး..။ ရဲဘော်ထဲ ၀င်ရင် ၀င် မ၀င်ရင် နင့်ကို ကာကွယ်နိုင်မှာ မဟုတ်တော့ဘူးနဲ့ ဆွယ်တယ်..။ တချိန်တည်းမှာ ဦးဘိုးလှိုင်တို့ ဘွားတင်တို့ ပိုင်ဆိုင်တဲ့ မြေတွေယာတွေ အိမ်တွေကို ရဲဘော်ဖြူက သိမ်းရုံမက အသက်ကိုပါ ရန်ရှာချင်နေပြီ..။

အဲဒီမှာ အဖေစဉ်းစားတယ်..။ သူ ရဲဘော်ဖြူထဲဝင်လိုက်ချင်းအားဖြင့် သူ့မိသားစုကို ကာကွယ်နိုင်မယ်..။ ဖဆပလကလည်း သူ့ကို လိုက်ဖမ်းနေပြီ..။ ဒီကြားထဲ သေနတ်ကိုင်ပြီး ပစ်ချင်ခတ်ချင် စိတ်ကလည်း ထိမ်းမနိုင်သိမ်းမရ ကြွထနေတယ်..။ အဲဒါနဲ့ပဲ ရဲဘော်ဖြူထဲ ၀င်ဖို့ ဆုံးဖြတ်လိုက်တော့တယ်..။

အဲသလိုနဲ့ အသက်ဆယ့်ခြောက်နှစ်သား မောင်အုံးဖေတစ်ယောက် သူပုန်ဖြစ်သွားခဲ့ရပါတော့တယ်..။

47.4 ကွန်မြူနစ် အဖမ်းခံရခြင်း

မိဘ ညီအကိုမောင်နှမတွေ တားနေတဲ့ကြားက စစ်သင်တန်းတက်ဖို့ ရဲဘော်ဖြူ ဌာနချုပ်ရှိရာ ပုပ္ပားကို အဖေ စွတ်ရွတ်ထွက်လာခဲ့တယ်..။ ဒါပေမယ့် ပုပ္ပါး မရောက်ခင် တောင်သာနယ်ထဲက သနပ်ပင်ရွာမှာ အဖေတို့ရှစ်ယောက်အဖွဲ့ ထမင်းစားနေတုံး ကွန်မြူနစ်က ပစ်ဟယ်ခတ်ဟယ်နဲ့ ၀င်ဖမ်းပါတော့တယ်..။ အဖေ့မိတ်ဆွေ ကိုဘရွှေ သေနတ်မှန်ပြီး အဲဒီမှာသေတယ်..။ ကျန်တဲ့လူတွေကိုတော့ ကျောက်ပန်းတောင်းနယ် လှိုင်သာရွာက ကွန်မြူနစ်အချုပ်ဆီ ကြိုးတုပ်ပြီး ခေါ်သွားခံရတယ်..။

အဖေတို့ သိထားတာက ကွန်မြူနစ်နဲ့ ရဲဘော်ဖြူက တပ်ပေါင်းစုမဟာမိတ်တွေ..။ အချင်းချင်း နားလည်မှုလွဲပြီး ဖမ်းတယ်လို့ပဲ အဖေတို့က ထင်တယ်..။ အဲဒါကြောင့် အဖမ်းခံရပေမယ့် သိပ်ကြီး စိုးရိမ်လှတယ်တော့ မဟုတ်ဘူး..။ ဒါပေမယ့် နောက်မှ သိရတာက မြင်းခြံခရိုင်မှာ ကွန်မြူနစ်နဲ့ ရဲဘော်ဖြူက မတည့်နေလို့ မဟာမိတ်အဖြစ်က ရပ်စဲထားကြပြီ..။

အဲဒါနဲ့ပဲ ကွန်မြူနစ်အချုပ်ထဲမှာ အဖေတို့ ဘယ်နေ့အသတ်ခံရမလဲ လို့တွေးပူရင်း စိုးတထိတ်ထိတ်နဲ့ သုံးလလောက် ကြာသွားတယ်..။ ဒါပေမယ့် သေကံမရောက်ချင်တော့ ရဲဘော်ဖြူတပ်ရင်းတစ်ရင်းက သတင်းရပြီး အဖေတို့ကိုဝင်ကယ်တယ်..။ အဲသလိုနဲ့ ကွန်မြူနစ်အချုပ်ကနေ အဖေတို့ လွတ်မြောက်လာခဲ့တယ်..။

လွတ်မြောက်လာသူတွေထဲမှာ ရဲဘော်ဖြူမဟုတ်ဘဲ ကွန်မြူနစ်ကဖမ်းထားတဲ့ ရဲဌာနအုပ် ဦးဘရီနဲ့ ရာဇ၀တ်အုပ် ဦးကံညွှန့် ဆိုတာလဲ ပါလာခဲ့တယ်..။ ကယ်သူက ရဲဘော်ဖြူဆိုတော့ ဦးဘရီတို့လည်း အဖေတို့နဲ့ အတူ ရဲဘော်ဖြူဌာနချုပ်ဆီ လိုက်လာခဲ့ကြရတယ်..။ ဒါပေမယ့် လမ်းခုလတ်မှာ ဦးဘရီတို့က အစိုးရ၀န်ထမ်း ပဲ လုပ်စားတတ်လို့ အဖေတို့နောက် မလိုက်လိုဘဲ ဖဆပလ အစိုးရထံ ပြန်လိုကြောင်း မေတ္တာရပ်ခံတယ်..။

နောက်ဆုံး ဦးဘရီတို့အနေနဲ့ တကွေ့မဟုတ်တကွေ့ ရဲဘော်ဖြူတွေကို ဖမ်းမိရင် တတ်နိုင်သလောက် ကူညီပေးရမယ်ဆိုတဲ့ ကတိတောင်းပြီး လမ်းခွဲ လိုက်ကြတယ်။

တိုက်တိုက်ဆိုင်ဆိုင် နောင်တချိန် အဖေ့ကို ဖဆပလအစိုးရက ဖမ်းမိတော့ အဲဒီကတိကပဲ အဖေ့ကို ထောင်နန်းစံရမယ့်အရေးက လွတ်မြောက် စေခဲ့ပါတယ်..။
(အဲဒီ အကြောင်း နောက်မှ ရေးပါ့မယ်)

47.5 အုံးဖေက မပူလေပြီ



မြေရှင်ယာရှင် မိသားစုက ပေါက်ဖွားလာခဲ့တဲ့ အဖေ၊ တောတွင်းလက်နက်ကိုင် သူပုန်လုပ်တော့ ရာထူးကောင်းကောင်း ပေးခြင်းခံရတယ်..။
လိုအပ်တဲ့ စစ်သင်တန်းတွေ တက်ပြီးတာနဲ့ အဖေ တပ်ရေးဗိုလ်ကြီး တန်းဖြစ်တယ်..။ အဲဒီကစပြီး အဖေက သူ့နာမည် အုံးဖေကနေ ဘုန်းနိုင်လို့
ပြောင်းပစ်လိုက်တော့တယ်..။

ဗိုလ်ဘုန်းနိုင် ပေါ့..။

ရွာက ဦးဘိုးလှိုင်တို့ မိသားစုကတော့ အဖေ ပုပ္ပါးမှာရှိနေစဉ်မှာပဲ တံတားဦးကို ပြောင်းသွားခဲ့ကြတယ်..။ ရွာက ရှိသမျှ လယ်ယာမြေတွေ၊
ယက္ကန်းစက်တွေကလည်း ရဲဘော်ဖြူက ပြည်သူပိုင် သိမ်းပစ်လိုက်လို့ ကုန်ပြီ..။ အသက်ကိုတောင် အဖေ့မျက်နှာနဲ့ ရန်မရှာတာလို့ ဆိုတယ်။

အဖေ့ကတော့ တစ်ယောက်တည်း သင်းကွဲပြီး တောထဲမှာ ကျန်ခဲ့ရှာတယ်..။ နောက် တာဝန်နဲ့ အဖေ နွားထိုးကြီးနယ်ကို
ပြန်ရောက်လာခဲ့တယ်။ ပြန်ရောက်ရောက်ခြင်း မိသားစုပိုင်ထဲက ကြွင်းကျန်နေတဲ့ မြေစုထည့်တဲ့ ဂိုဒေါင်ကြီးသုံးလုံးကို အဖေဖျက်ပြီး တံတားဦး
ပို့ပစ်လိုက်တယ်..။

အဲဒီကိစ္စနဲ့ ပါတ်သက်ပြီး ပါတီဌာနချုပ်မှာ အဖေ အစစ်အဆေး ခံရတယ်..။ တချိန်တုံးက မိသားစုပိုင် ပစ္စည်းဆိုပေမယ့် အခု ရဲဘော်ဖြူက
ပြည်သူပိုင်သိမ်းထားလို့ ရဲဘော်ပိုင် ဖြစ်နေတဲ့ ဂိုဒေါင်တွေကို အဖေက မလိမ့်တပတ်နဲ့ ဖျက်ပို့လိုက်တာကိုး..။ ဒါပေမယ့် ကြီးကြီးမားမား
အရေးယူခြင်း မခံရဘဲ စစ်ဆေးမှုက အဖေ လွတ်မြောက်လာခဲ့တယ်..။

အဖေက သူ့ကိုယ်သူ မိသားစုရဲ့ ကယ်တင်ရှင်လို့ ထင်တယ်..။ ဒါပေမယ့် အကိုကြီး ဦးခင်မောင်နဲ့ ဘွားတင်တို့တတွေက အဖေ
သူပုန်ဖြစ်နေတာ ကို ဘယ်လိုမှ မမြင်ရက်ကြဘူး..။ မကြာခဏဆိုသလို အလင်းဝင်ဖို့ စာတတန်ပေတတန်နဲ့ ဖျောင်းဖျကြတယ်..။ ဒါပေမယ့်
အဖေက ခေါင်းမာတယ်..။ ဘယ်သူဘာပြောပြော ဗိုလ်ဘုန်းနိုင်အဖြစ်နဲ့ နေရတာကို ကျေနပ်နေခဲ့တယ်..။

ဒီကြားထဲ အဖေနဲ့ သူ့မိသားစု ပြဿနာတက်တယ်..။ အဖေ့မိတ်ဆွေ ဦးမြကြီးက အဖေ့ကို ခြောက်လုံးပြူး အကောင်းစားတစ်လက် ငွေ ၃၀၀
နဲ့ ရောင်းတယ်..။ အဖေ့လက်ထဲ ပိုက်ဆံမရှိတာနဲ့ တံတားဦးကို အဖေ ပိုက်ဆံလှမ်းမှာတယ်..။ ဘွားတင်တို့ကလည်း ရဲဘော်ဖြူက ထွက်မှ
ပိုက်ဆံပေးမယ်ဆိုပြီး အကျပ်ကိုင်တယ်..။

နောက်ဆုံးအဖေက လိုချင်တဲ့ပိုက်ဆံမရရင် ရွာမှာကျန်နေသေးတဲ့ အိမ်ကြီးကို ဖျက်ရောင်းပစ်မယ်ဆိုပြီး ခြိမ်းခြောက်စာ တေးထပ်ရေးပြီး
ဘွားတင်တို့ဆီ ပို့လိုက်တယ်..။ အိမ်ကြီးက တကယ့်ရှေးအိမ်ကြီး၊ ပျဉ်ထောင်ကာ အုတ်ကျွပ်မိုး၊ ပေခုနှစ်ဆယ်ပတ်လည်လောက် ရှိတာဆိုတော့
ဖျက်ရောင်းရင် အဖေလိုချင်တဲ့ ခြောက်လုံးပြူးတော့ ကောင်းကောင်းရတယ်..။

အဖေပို့လိုက်တဲ့ ခြိမ်းခြောက်စာတေးထပ်ကို ဖတ်ပြီးမှ ဘွားတင်က ပိုက်ဆံ သုံးရာ အဖေ့ဆီ လှမ်းပို့တော့တယ်..။ တေးထပ်ထဲမှာ အဖေက
သူ့ကိုယ်သူ မိသားစုကို ကယ်တင်ဖို့သူပုန်ဗိုလ်လုပ်နေရတဲ့အကြောင်း၊ ဒါပေမယ့် မိသားစုက သူ့အပေါ်မှာ အကောင်းမမြင်တဲ့ အကြောင်း၊
သူတောင်းတဲ့ ငွေသုံးရာမပေးရင် အိမ်ကြီးကို ဖျက်ရောင်းပစ်မယ့် အကြောင်း စတာတွေ တော်တော်လေး စုံစုံစေ့စေ့ ရေးထည့်လိုက်တယ်။

ကျွန်တော်တို့ငယ်စဉ် ကလေးဘ၀မှာ အဖေမူးလာတိုင်း အဲဒီတေးထပ်ကို တရှိုက်မက်မက် ဆိုလေ့ရှိလို့ နားရည်ဝနေခဲ့ရတယ်..။

ဘလော့ဂ်ကြွလာ ဆွေသဟာတို့လည်း အဖေ့ရဲ့ တေးထပ်ကို မျှဝေခံစားကြည့်နိုင်ဖို့ ရေးတင်ပေးလိုက်ပါတယ်..။

“ ဖပီတာ ဆွေတစ်စုကိုလ.. မသေမှုကြံကာ၊
ချွေဆုနဲ့ ပန္ထနာငယ် မှန်မကွာ မောင်အုံး...။
သူတို့တော့ လွတ်ရာကို ဇွတ်တစ်ခါ ရှောင်လို့သာပုန်း...။
ကြံရစ်တဲ့ သားခမြာကို မသနာကာ အိုမုန်း..။

ခါးတမာ ပုံထုံးသို့ အကုန်လုံးက ရွံရှာ
အသက်တွေ ကာကွယ်ပေးပေမယ့် ဖါသည်လေးလို ဆဲကြပြန်တာ၊
သဲဝက အမြဲနာတယ် ဆဲကြပါဆွေတစုရဲ့
နေမှုက ကံမခေ ဇွဲနဲ့လူပေ..။

အုံးဖေက မပူလေပြီ
ဇဗ္ဗူမြေတည်စားသော်လည်း
ဒီတရား အနိစ္စသညာ စိတ်ကထင်မှာ၊
အိမ်ကြီးကို ရှုစားကာငယ်.. ခုများမှ ရွံ့မုန်းပြီကွဲ့လေး...။ ”

47.6 ဘကြီးခင်မောင်


အဖေ့ရဲ့ မွေးချင်း ဆယ့်သုံးယောက်ထဲမှာ အကြီးဆုံး ဒေါ်မြစိန်က အရွယ်မတိုင်ခင်သေသွားတော့ ဒုတိယမြောက် ဦးခင်မောင်က အကြီးဆုံး
ဖြစ်ကျန်ရစ်ခဲ့တယ်..။ ဦးခင်မောင်ကို ရင်းနှီးတဲ့ စာပေအသိုင်းအ၀ိုင်းက “ဆိတ်ငါးကောင် ဦးခင်မောင်” လို့ ခေါ်ကြတယ်..။ စာရေးဆရာ
အီကြာကွေးတို့ ကိုလေး(အင်းဝဂုဏ်ရည်) တို့ မြသန်းတင့်တို့နဲ့ စာပေမိတ်ဆွေတွေပေါ့..။

အဖေ စကားပြောကောင်းတယ်ဆိုတာ သူ့အကို ဦးခင်မောင်ရဲ့ ခြေဖျားတောင် မီမယ်မထင်ဘူး..။ စာလိုပေလို ပြောမလား၊ အရပ်စကား
အောက်ကလိအာ ပြောမလား.. ကြိုက်တဲ့ဖက်ကလာ ပြောနိုင်တဲ့ လူမျိုးပဲ..။ အခုတော့ အသက်ကြီးလှပါပြီ..။ ဟိုးရှေ့နားမှာ ရေးခဲ့တဲ့
ဘကြီးဟန်စိန်အကြောင်းမှာ “ဟန်စိန်သုံးထောင်၊ အုံးဖေနှစ်ထောင် ” ဆိုတာ တကယ်တော့ ဘကြီးဟန်စိန်မဟုတ်ဘဲ.. ဘကြီးခင်မောင်
လုပ်ခဲ့တာလို့ သိရပါတယ်..။

အဖေ့ညီအငယ်ဆုံး ဦးကျော်မြင့် ရန်ကုန်မှာ မင်္ဂလာဆောင်တော့ မလာနိုင်တဲ့ ကျွန်တော့်အဖေက လက်ဖွဲ့ငွေ ငါးထောင်ကို သူ့အကိုအကြီးဆုံး
ဦးခင်မောင်နဲ့ လူကြုံပါးလိုက်တယ်..။ အဲဒါကို ဘကြီးခင်မောင်က.. “ ခင်မောင် သုံးထောင်၊ အုံးဖေ နှစ်ထောင် ” ဆိုပြီး လက်ဖွဲ့ပစ်ခဲ့တယ်..။

အဲဒီအကြောင်းကို နောင်ဆယ်နှစ်လောက်ကြာမှ အဖေက သိရတယ်..။

အဖေ အစိုးရအလုပ်မှာ ပြဿနာတက်တော့ ငွေလိုတာနဲ့ သူ့ညီအငယ်ဆုံး ဦးကျော်မြင့်ဆီ ချေးတယ်..။ မင်္ဂလာဆောင်တုံးက လက်ဖွဲ့ထားတဲ့
ငွေကိုပဲ ချေးတယ်သဘောမထားဘဲ ပြန်ယူပါဆိုပြီး ငွေနှစ်ထောင်ပြန်ပေးတော့မှ အဖေက “ ဟ.. မင်းမင်္ဂလာဆောင်တုံးက ငါလက်ဖွဲ့ခဲ့တာ
ငါးထောင်ပါ ” လို့ ပြန်ပြောတော့ ဦးကျော်မြင့်က လက်ဖွဲ့စာအုပ်ကြီးထုတ်ပြတယ်..။

စာအုပ်ထဲမှာ “ ခင်မောင်သုံးထောင်၊ အုံးဖေ နှစ်ထောင် ” လို့ ရေးထားတာမြင်မှ အဖေလည်း ဇာတ်ရည်လည်တော့တယ်..။

ဘကြီးခင်မောင်က အဲသလိုမျိုး..။

အခုတော့ တံတားဦးမြို့မှာ သမီးအကြီး မမာမာအေးနဲ့ အတူနေတယ်..။ သမီးဖြစ်သူက မိသားစုအရေးအရာတွေကို အဖေ
ဘယ်လိုပဲ၊ဘယ်ညာပဲ နဲ့ တိုင်ပင်ဖို့ ကြိုးစားတိုင်း “ ငါ့သမီး အဖေသေပြီလို့ သဘောထားလိုက် ” လို့ ဘကြီးခင်မောင် ပြန်ပြောလေ့ရှိတယ်..။

တစ်ရက် ဘကြီးခင်မောင် လည်ရာကပြန်လာပြီး ရှိတာလှန်လှောစားမယ်ဆိုပြီး မီးဖိုချောင်ဝင်တယ်..။ ဒါပေမယ့် အိုးခွက်ပန်းကန်တွေက
ပြောင်တလင်း ခါလို့ စားစရာ ဘာမှ မရှိတော့ဘူး..။

အဲဒါနဲ့ သမီးဖြစ်သူကို “ ငါ့သမီး စားစရာဘာမှလည်း မရှိပါလား ” လို့ မေးတယ်..။

“ အဖေပဲ ငါ့သမီး- အဖေသေပြီလို့ သဘောထားလိုက် ဆို၊ သေတဲ့သူက ထမင်းစားစရာမှ မလိုဘဲ ” လို့ မမာမာအေးက ပြန်ပြောတယ်..။

ဘကြီးခင်မောင်လည်း တဟားဟားရယ်ရင်း အေးပါဗျာ၊ ဒါဆိုလည်း တခြားသွားစားတော့မယ် ဆိုပြီး ထွက်သွား သတဲ့..။

47.7 အုံးဖေ အမြန်လာ


အဖေနဲ့ ဘကြီးခင်မောင်က သိပ်တည့်လှတယ်တော့ မဟုတ်ဘူး..။ မိဘလက်ငုတ်လက်ရင်း မြေတချို့ကို ဘကြီးခင်မောင်နဲ့ ဘကြီးဟန်စိန်
နှစ်ယောက်ခွဲဝေပြီး လုပ်ကိုင်စားသောက်နေတာကို အဆင်ပြေနေတဲ့ ညီအကိုမောင်နှမတချို့က မငြိုငြင်ပေမယ့် အဆင်မပြေတဲ့
ညီအကိုမောင်နှမတချို့ကတော့ လိုချင်ရှာတယ်..။

အဲဒီအထဲမှာ အဖေလည်း ပါတော့.. ညီအကိုချင်း.. အပြောအဆို အဆက်အဆံ သိပ်မကောင်းတော့ဘူးပေါ့..။

ဒါပေမယ့် အဖေ သူပုန်ဗိုလ်ဖြစ်နေတဲ့အချိန်တုံးကတော့ ဘကြီးခင်မောင်က အဖေ့ကို အတော်သံယောဇဉ်ကြီးရှာတယ်..။ သူ့ညီကို သူပုန်
မလုပ်ဖို့ နည်းမျိုးစုံနဲ့ သူကြိုးစားခဲ့တယ်..။ နောက်ဆုံး အဖေ့ကို တံတားဦးညာခေါ်ပြီး ရဲလက် သူကိုယ်တိုင် အပ်၊ ဖမ်းခိုင်းတဲ့အထိ လုပ်ခဲ့တယ်။

တောထဲရောက်နေတဲ့ အဖေ့ကို “အုန်းဖေ အမြန်လာ၊ အဖေအခြေအနေမကောင်း ” လို့ စာလှမ်းပို့တယ်..။ အဖေလည်း သူ့အဖေ ဦးဘသိန်း
အခြေအနေမကောင်းဘူး အထင်နဲ့ တံတားဦးကို အပြေးသွားခဲ့တယ်..။ ဟိုရောက်တော့ ဦးဘသိန်းရဲ့ အခြေအနေက ထင်သလောက် မဆိုးဘဲ
အာဂန္တုဖျားလောက် ဖျားနေတာကို တွေ့ရတယ်..။

ရောက်မှတော့ မထူးပါဘူး တစ်ညတစ်လေ အိပ်ပြီး နောက်ရက်မှ ပြန်လို့ ဘကြီးခင်မောင်က တားတာနဲ့ အဖေလည်း တစ်ညအိပ်လိုက်တယ်..။
အဲဒီညမှာပဲ ဘကြီးခင်မောင်က ရဲတွေခေါ်လာပြီး အဖေ့ကို ဖမ်းတော့တယ်..။ အဲဒီမှာ သူပုန် ဗိုလ်ဘုန်းနိုင် အစိုးရရဲ့ အဖမ်းခံ ရပါတော့တယ်။

နောက်ရက်ကျတော့ တံတားဦးရဲစခန်းကနေ စစ်ကိုင်းဖက်ကူးပြီး လက်ထိပ်တန်းလန်းနဲ့အဖေ့ကို မြင်းခြံပို့ဖို့ လုပ်တယ်..။ မန္တလေးက
မနက်စောထွက်တဲ့ သင်္ဘောစီးဖို့ စစ်ကိုင်းဆိပ်ခံဘောတံတားပေါ်မှာ အဖေရယ်၊ ရဲတပ်ကြပ်ကြီး ဦးမောင်စိုးရယ်၊ ဘကြီးခင်မောင် ရယ်
စောင့်နေကြတယ်..။

ဘကြီးခင်မောင်က လက်ထိပ်တန်းလန်းနဲ့သူ့ညီကို ကြည့်ပြီး အတော့်ကို စိတ်မကောင်းဖြစ်နေတယ်လို့ ဆိုတယ်..။ အဖေကတော့ သူ့ကို
ညာခေါ်ပြီး ရဲလက်အပ်တဲ့ ဘကြီးခင်မောင်ကို စိတ်နာနာနဲ့ စကားမပြောဘဲ သူ့လက်ထိပ်က ရှည်ထွက်နေတဲ့ သံကြိုးကို အပေါ်
ပစ်မြှောက်လိုက် ပြန်ဖမ်းလိုက်နဲ့ ဆော့နေခဲ့တယ်..။

လက်ထိပ်တန်းလန်းနဲ့ ခပ်ငယ်ငယ် ရာဇ၀တ်သားက အဲသလိုမျိုး လက်ထိပ်ကိုမြှောက်လိုက် ပြန်ဖမ်းလိုက်လုပ်နေတာကို တွေ့တော့
ဆိပ်ခံဘောတံတားပေါ်က ဆီထမင်းရောင်းတဲ့ အဒေါ်ကြီးက “ ငါ့တူ ဘာမှုနဲ့ အဖမ်းခံရတာလဲ ” လို့ မနေနိုင်မထိုင်နိုင် စပ်စုတယ်။ နဂိုရ်ကမှ
စိတ်အချဉ်ပေါက်နေတဲ့ အဖေက “ ငါးနှစ်သမီးလေးကို မုဒိန်းကျင့်ပြီး သတ်ပစ်လိုက်လို့ အဖမ်းခံရတာပါ အဒေါ်ကြီးရယ် ” လို့ ရွဲ့ဖြေ
ဖြေတယ်..။

“ ဟင် ” ဆိုပြီး အဒေါ်ကြီးလည်း ဆီထမင်းဗန်းလေး မပြီး ထွက်သွားတော့တယ်..။ အဲဒါကို မြင်နေကြားနေတဲ့ ဘကြီးခင်မောင်က “ မင်းကွာ၊
မဟုတ်တာတွေ လျှောက်ပြောနေတယ် ” ဆိုပြီး တဟီးဟီးနဲ့ ငိုပါတော့တယ်..။ သူ့ညီကို သူကိုယ်တိုင် လက်ထောက်ချ ဖမ်းပြီး မချိတင်ကဲ
ဖြစ်နေတုံး ညီဖြစ်သူက ရွဲ့ပြီး လျှောက်ပြောတော့ ဘကြီးခင်မောင်လည်း ၀မ်းနည်းပက်လက် ဖြစ်သွားဟန် တူပါတယ်..။

အဖေကတော့ သူ့အကို ငိုတာကို ကြည့်ပြီး “ ခင်ဗျား အခုမှလာငိုမနေနဲ့.. ခင်ဗျားလုပ်လို့ ကျုပ်အခုလို နေရတာ.. ခင်ဗျားပြန်တော့ .. ခင်ဗျား
မပြန်ရင် ကျုပ်က ဟောဒီဆိပ်ခံပေါ်ကနေ ခုန်ချလိုက်မှာ ” ဆိုပြီး တကယ်ခုန်ချမယ် လုပ်လို့ ရဲတပ်ကြပ်ကြီးနဲ့ ဘကြီးခင်မောင် ခမျာ အဖေ့ကို
အတော်ဆွဲရတယ်လို့ ဆိုပါတယ်..။

နောက်ဆုံးတော့ ရဲတပ်ကြပ်ကြီးက “ ကိုခင်မောင် ခင်ဗျားညီကို စိတ်ချပါ.. ခင်ဗျားရှိနေရင် သူလည်း စိတ်ဆင်းရဲနေမှာ၊ အဲဒါကြောင့်
ပြန်လိုက်ပါ ” လို့ ပြောတာနဲ့ ဘကြီးခင်မောင်လည်း မျက်ရည်စက်လက်နဲ့ ပြန်သွားခဲ့ပါတယ်..။

အဖေလည်း အဲသလိုနဲ့ မြင်းခြံထောင်ကို ရောက်သွားပါတော့တယ်..။ ထောင်ထဲမှာ တစ်ပတ်လောက် နေပြီးတော့ “နွားထိုးကြီး အစိုးရဘဏ်
ဖောက်မှု ” နဲ့ အဖေ စဲချက်တင်ခံရပါတယ်..။

47.8 ကံကြမ္မာ ဆန်းကြယ်ပုံက

အဖေ့ကို ရုံးထုတ်တော့ အဖေ့ရဲ့အမှုကို စစ်မယ့်သူက တချိန်တုံးက ကွန်မြူနစ်အချုပ်မှာ အတူအချုပ်ခံခဲ့ရတဲ့ ဌာနာအုပ် ဦးဘရီ ဖြစ်နေတယ်..။ နောင်တချိန် ရဲဘော်ဖြူတွေကို ဖမ်းမိရင် တတ်နိုင်သလောက် ကူညီပါ့မယ်လို့ သူပေးခဲ့တဲ့ ကတိအတိုင်းပဲ အဖေ့ကို ဦးဘရီက လိုလေသေးမရှိ ကူညီခဲ့ပါတယ်..။

အမှုမစစ်ခင်မှာ အဖေ့ကို ဦးဘရီက မှာထားတယ်..။ “ ကိုအုံးဖေ.. အမှုသွား၊အမှုလာ.. မေးပုံမြန်းပုံတွေကို ခင်ဗျား သိမှာမဟုတ်ဘူး.. အဲဒါကြောင့် ကျုပ်က ရှေ့ကနေ “ဟုတ်သလား ” လို့ မေးရင် ခင်ဗျားက “ဟုတ်တယ် ” လို့ပဲ ဖြေ၊ ကျုပ်က “ မဟုတ်ဘူးလား ” လို့ မေးရင် “ မဟုတ်ပါဘူး ” လို့ ဖြေ ” လို့ မှာထားတာပဲ..။

အဲဒါနဲ့ အဖေလည်း ဌာနအုပ် ဦးဘရီက “ ဟုတ်သလား ” လို့ မေးရင် “ ဟုတ်ပါတယ် ” လို့ ဖြေလိုက်တယ်..။ “မဟုတ်ဘူးလား ” လို့ မေးရင် မဟုတ်ဘူးလို့ပဲ ဖြေလိုက်တယ်..။ အဲဒီမှာ အဖေ.. စွဲချက်ကနေ .. ကွင်းလုံးကျွတ်လွတ်လာခဲ့တော့တယ်..။