ဒီရက်ပိုင်း စေတနာရှင်များက အားစိုက်လှူဒါန်းထားတဲ့ ကိစ္စလေးတွေနဲ့ နည်းနည်း အလုပ်ရှုပ်နေလိုက်တယ်..။
ရွာကို ဖုံးဆက်.. လိုအပ်တဲ့ အချက်အလက်လေးတွေ တောင်း.. ပြန်ဖို့ စီစဉ်ပေါ့..။
ရွာကလူတွေကတော့ အံ့သြ၀မ်းသာ ဖြစ်နေကြတယ်..။ အခုလို.. ရွာအ၀န်းအ၀ိုင်း အပြင်ဖက်ကနေ ရွာကကလေးတွေအတွက် တခုတ်တရ လှူတယ်ဆိုတာ ဖြစ်တောင့်ဖြစ်ခဲ မဟုတ်လား..။
ရွာက လူတွေတင်မက.. အင်တာနက် လက်တကမ်းမှာ ရှိတဲ့ ရွာကလူတွေကိုပါ အပျော်တွေက ကူးစက် နေတယ်..။
တိုက်တိုက်ဆိုင်ဆိုင်.. ကျွန်တော် လုပ်အားပေး ဆရာလေး လုပ်ခဲ့တဲ့ ရွာ ဇရပ်နှစ်ဆောင်ပေါ်က နေ တရုတ်ပြည်မှာ PhD ယူနေတဲ့ တပည့်လေး တစ်ယောက်က ကျွန်တော့်ဘလော့ဂ်ကို လာဖတ်ရင်း အလှူရှင်တွေကို ကျေးဇူးတင်စကား ဂျီတော့မှာ လာပြောတယ်..။
ကျွန်တော်ရေးခဲ့သလို.. မြေကြီးကိုမွေ့ယာလုပ် ဖုန်ထဲသဲထဲ ဖင်ခုထိုင် ပြီး ရွာကကျောင်းကလေးမှာ ငယ်စဉ်ဘ၀တွေ ကြိုးစားဖြတ်ကျော်ခဲ့တဲ့ လူငယ်လေး တစ်ဦးပေါ့..။
မြန်မာပြည်ကနေ ဘီအီး ရပြီး.. တရုတ်ပြည်မှာ မာစတာ တက်ခွင့်သူရတယ်..။ အခုတော့ မာစတာ ပြီးသွားလို့ ဒေါက်တာဘွဲ့ယူဖို့ လုပ်နေတယ်..။ (ကံ့ကူလက်လှည့် ငယ်ဆရာက တော်တော့ သူတို့ တော်တာပေါ့ .. ဟဲဟဲ)
သူရဲ့ ဂျီတော့က တဆင့်ပြောလာတဲ့ ကျေးဇူးတင်ကြောင်းလေးကို (သူ့ခွင့်ပြုချက်နဲ့ပဲ) အလှူရှင်တွေနဲ့ တကွ ဘလော့ဂ်ကြွလာ ဆွေသဟာများ ကြည်နူးပါစေကြောင်း မျှဝေလိုက်ပါတယ်..။
“kthihacn: ဟုတ်...ကျေးဇူးတင်ပါတယ် လို့ ပြောလိုက်ပါ အုံး...မြေကြီးကို မွေ့ယာလုပ်၊ ဖုန်ထဲသဲထဲ ဖင်ခုထိုင်ပြီး စာသင်လာတဲ့ သူတယောက်က ပြောတယ်လို့”
Sent at 5:13 PM on Monday
Subscribe to:
Post Comments (Atom)
No comments:
Post a Comment