အဲဒီနောက်ရက်တွေမှာတော့.. ရောဂါက.. ပိုဆိုးလာတော့တယ်..။ အတန်းချိန် တော်တော်များများဟာ.. သူမမျက်နှာကို တိတ်တခိုးငေးမောရင်း နဲ့ ကုန်ဆုံးသွားခဲ့ရတယ်..။
ညညဆို သူတို့အိမ်နား လျောက်ပြန်သံပေး ခြေအေးဝမ်းယောင်လုပ်ရ တာလဲ အမော။
နောက်ဆုံး စာတောင် ကောင်းကောင်းမကြည့်နိုင်တော့တဲ့ အထိ အချစ်ရေချိန် တက်လာတယ်..။ ဒီအတိုင်းဆက်သွားလို့ မဖြစ်တော့ဘူး.. ကိုယ်ကျိုးနည်းကုန်တော့မှာပဲ.. ဘယ်လိုလုပ်ရင် ကောင်းမလဲလို့.. ကျွန်တော် စဉ်းစားရတော့တယ်..။
ချစ်တယ်လို့ ပွင့်ပွင့်လင်းလင်း ဖွင့်ပြောဖို့ ဆိုတာကလဲ.. မ၀ံ့ပြန်ဘူး..။ တော်ကြာ မမျော်လင့်တဲ့ အဖြေ ရလာခဲ့ရင်.. ထသွားမိလို့ အကျိုးမှန်းသိတဲ့အဖြစ်မျိုး လို နောင်တမရချင်ဘူး..။ဒီအတိုင်း ပိုနေမြဲ ကျားနေမြဲ.. နေလိုက်ဖို့ကလဲ.. လက်တွေ့မှာ.. သိပ်ခက်ခဲနေခဲ့တယ်..။ ဘာမှ မလုပ်ဘဲ နေတာဟာ တစ်ခုခုဖြစ်ဖို့ ဦးတည်နေတာပဲ လို့ ယုံကြည်ထားတော့.. ပိုဆိုးတာပေါ့..။
နောက်ဆုံးတော့.. ဖြစ်ချင်ရာဖြစ်.. ဖွင့်ပြောမယ်လို့..ဆုံးဖြတ်ချက် ချလိုက်တယ်။
နောက်တနေ့မနက် ကျောင်းအသွားမှာ.. '' နင့်ကို ပြောစရာရှိတယ် '' လို့ ကျွန်တော်စကားစမိတယ်..။ ဘာပြောမလို့လဲ ပြောလေ လို့ သူမကပြန်ပြောတယ်..။ ဘာမှ မပြောဘဲ.. သူမမျက်နှာကို.. ငါးစက္ကန့်လောက် ကျွန်တော် စိုက်ကြည့်နေမိတယ်..။ နောက်မှ.. '' ညနေကျောင်းဆင်းမှ ပြောတော့မယ် ဟာ '' လို့ ကျွန်တော်လျောချလိုက်တယ်..။
ဘယ်လိုပဲ ဆုံးဖြတ်ချက်ချထားချထား တကယ့်နဖူးတွေ့ ဒူးတွေ့မှာ.. ကျွန်တော် မပြောရဲဘူးဖြစ်နေခဲ့တယ်။
'' ဟွန်း.. ပဟေဠိဆန်နေပြန်ပြီ '' လို့ သူမအပြောကို.. '' ညနေကျ ဆက်ဆက်ပြောပါ့မယ် နားသာ ပြင်ထား '' လို့ စပ်ဖြီးဖြီးနဲ့ ကျွန်တော်ပြန်ပြောရင်း ရယ်နေခဲ့တယ်။ စိတ်ထဲမှာလဲ.. ညနေကျ.. ပြောဖြစ်အောင် ပြောမယ် လို့.. ရဲဆေး တင်နေမိတယ်။
ကျောင်းရောက်တော့လဲ.. ဆရာဆရာမတွေ ဘာတွေပြောပြီး ဘာတွေ သင်နေမှန်း မသိတဲ့အထိ.. စိတ်တွေ ယောက်ရက်ခတ်နေမိတယ်။ ညနေကျရင် ..ဆိုတာကို တွေးပြီး.. စိတ်မောနေတော့ ပိုဆိုးတာပေါ့..။
တဖြည်းဖြည်းနဲ့ ကျောင်းမဆင်းခင် နောက်ဆုံးအချိန်ကို ရောက်လာခဲ့တယ်။ ဒီအချိန်ပြီးရင် ကျောင်းဆင်းတော့မှာပဲ.. ကျောင်းဆင်းရင် .. သူမကို ချစ်တဲ့အကြောင်း မဖြစ်မနေ ပြောရတော့မယ် လို့ တွေးနေရင်း.. ကျောင်းဆင်းခေါင်းလောင်း တီးသံ ကြားလိုက်ရတယ်။
ကျွန်တော့်ရင်ခုန်သံက.. ကျောင်းဆင်းခေါင်းလောင်းသံနဲ့ အပြိုင် ဟာမိုနီလိုက်နေခဲ့တယ်။
ကျွန်တော့်ကို မသိမသာ လှမ်းကြည့်နေတဲ့ သူမကို.. မျက်စိတစ်ဖက် မှိတ်ပြလိုက်တယ်။ နှုတ်ခမ်းလေးကို အနည်းငယ်ကွေးပြီး သူမ တဖက်လှည့်သွားတယ်။
အခန်းထဲက.. ဆရာ ထွက်သွားတာနဲ့ ကပျာကယာ စာအုပ်တွေ လွယ်အိတ်ထဲ ကောက်ထည့်ပြီး.. ကျွန်တော် မတ်တပ်ထ လိုက်တယ်။ ၀တ်ထားတဲ့ ပုဆိုးက.. ပုံမှန်မဟုတ်ဘဲ.. တုန့်ကနဲ ဖြစ်သွားတာကို ခံစားလိုက်ရတယ်။ တစ်ခုခုတော့ မှားနေပြီဆိုတဲ့ အသိနဲ့.. ချက်ခြင်းပြန်ထိုင်ချလိုက်ပေမယ့် မမှီတော့ဘူး။
ဟယ်ကနဲ တတန်းလုံးရဲ့ အာမေဋိတ် သံနဲ့ အတူ.. တပိုင်းတစ ကျွတ်နေတဲ့ ပုဆိုးကို ကျွန်တော် ကိုင်ထား ရင်း မွှန်ထူနေခဲ့တယ်။ တရုတ်ပြေးမင်းကြီးက.. အခန်းထဲမှာတောင် သံလျက်ကြီး တကားကား နဲ့ လို့ မင်းသိန်းက.. ထအော်တယ်။
ဒါပေမယ့် သူ့ကို စိတ်ဆိုးရကောင်းမှန်းတောင် မသိတော့တဲ့ အထိ.. ကျွန်တော် ရှက်နေခဲ့မိတယ်။
အဲဒီနေ့က.. ကျောင်းသားတွေအလျိုအလျို ပြန်သွားတဲ့ အထိ.. အတန်းထဲမှာ..ကျွန်တော် ထိုင်နေခဲ့တယ်။ နောက်ဆုံး ကျွန်တော်တစ်ယောက်ထဲ ကျန်တော့မှ.. လွယ်အိတ်ကောက်လွယ်ပြီး.. ပြန်လာခဲ့တယ်။ လေးလံတဲ့ ခြေလှမ်းတွေရဲ့ သယ်ဆောင်ရာကို.. အသိမဲ့ လိုက်ပါနေရင်း.. ကျောင်းဂိတ်ပေါက်မှာ.. ရပ်စောင့်နေတဲ့.. မြမြ၀င်းကို တွေ့လိုက်ရတယ်။
နင်ပြောစရာရှိတာကို နားထောင်ဖို့ စောင့်နေတာ.. နင်ကလဲ ကြာလိုက်တာ လို့ .. အတန်းထဲမှာ.. ကျွန်တော်ဖြစ်ပျက်ခဲ့တဲ့ ကိစ္စကို.. မသိခဲ့သလို မျက်နှာပေးနဲ့ သူမ ပြောလာတာကို.. တခွန်းတပဒ မှ မတုန့်ပြန်ပဲ.. ကျွန်တော် ရပ်နေခဲ့တယ်။
ပြောစရာရှိတာ ပြောလေဟာ.. ဒီမှာ နောက်ကျနေပြီ .. လို့.. စိတ်မရှည်တဲ့ လေသံနဲ့ သူမက ဆက်ပြောတယ်။ ဒါပေမယ့် ကျွန်တော့်မှာ ပြောဖို့ ဝေးလို့ သူမမျက်နှာတောင် ရဲရဲ မကြည့်ဝံ့ဘူး။
ကဲပါဟာ.. ဒီလောက်အထိ ရှက်မနေပါနဲ့.. နင်ပြောစရာရှိတာဟာ..ပြောပါ.. ဒါပေမယ့် နင် အောက်ခံဘောင်းဘီ လေးတော့ ၀တ်သင့်တာပေါ့.. လို့ ပြောရင်း.. တခစ်ခစ်နဲ့ သူမက ရယ်နေတယ်။ အတော့်ကို လှိုက်လှိုက်လှဲလှဲ ရယ်နေတဲ့ သူမကို.. ကြည့်ရင်း.. ကျွန်တော်လည်း.. လိုက်ရယ်နေတော့ တယ်။
တစ်မိနစ်လောက် အားရပါးရ.. ရယ်ပြီး.. '' အဲဒါကြောင့် နင့်ကို ချစ်တာ '' လို့ ကျွန်တော်ပြောချလိုက်တယ်။ '' အင်.. ဘာကြောင်တာလဲ '' လို့ သူမက အူကြောင်ကြောင် မျက်နှာပေးနဲ့ ကျွန်တော့်ကို ပြန်မေးတယ်။
'' ဟုတ်တယ်.. ဒီညနေ..နင့်ကို ပြောမယ် ဆိုတာ.. အဲဒါပဲ.. နင့်ကို ချစ်တယ် ''
ကျွန်တော့် စကားအဆုံးမှာ.. '' နင် ရှက်ရမ်းရမ်းပြီး သွေးရူးသွေးတမ်းနဲ့ .. လျောက်ပြောမနေနဲ့ '' လို့ သူမ ရုတ်တရက် ထအော်တယ်..။
'' ဟ.. ဒါနောက်စရာမှ မဟုတ်တာ.. ဖွင့်မပြောဘဲ နေမရတော့လို့ ပြောလိုက်တာ.. ဒီရက်ပိုင်း စာထဲတောင် စိတ်မပါတော့ဘူး.. အချိန်ရှိသရွေ့ နင့်အကြောင်းပဲ တွေးနေမိပြီး.. နင့်ကိုပဲ သတိရနေတယ်.. ဒါကြောင့် ဖွင့်ပြောတာ.. ငါတကယ်အတည်ပြောနေတယ်ဆိုတာ.. နင်သိပါတယ် ''
ကရားရေလွှတ် တတွတ်တွတ်ပြောနေတဲ့ ကျွန်တော့်စကားအဆုံးမှာ.. သူမသက်ပြင်း တစ်ချက်ချရင်း
''တစ်ချိန်ချိန်မှာ.. နင်ပြောတော့မယ်ဆိုတာ.. ငါမျော်လင့်ပြီးသားပါ.. ဒါပေမယ့်ဟာ.. နင့်ကို ငါ မယုံရဲဘူး.. နင့်မှာ လက်ရှိရည်းစားနဲ့ ဆိုတာလဲ တရွာလုံးသိနေတော့.. ခက်တယ်ဟ '' လို့ မပွင့်တပွင့် ပြန်ပြောတယ်။
သူမပြောတာကလဲ.. ဟုတ်နေလေတော့.. ကိုယ့်လိပ်ပြာကိုတောင် မလုံသလို ကျွန်တော်ဖြစ်သွားရတယ်။ ဒါပေမယ့်.. လက်တွေ့ကလဲ သူမကို ချစ်နေမိတာမို့..
'' အေးပါ.. နင်အဲဒီလိုမျိုး ပြန်ပြောလိမ့်မယ်ဆိုတာလဲ ငါမျော်လင့်ပြီးသားပါ.. အချစ်ဆိုတာ.. ဘယ်လိုအရာမျိုးလို့ ငါသေချာမပြောတတ်ပေမယ့်.. တစ်သက်မှာ တစ်ယောက်ထဲ ချစ်ပြီး.. နောက်ထပ်ချစ်လို့ မရတော့တဲ့ အရာ မဟုတ်တာတော့ ငါ့အဖြစ်က သက်သေပဲ.. ရွာကလူတွေ ဘယ်လိုပြောမှာ မပြောမှာထက်.. နင့်ရင်ထဲက ငါ့အပေါ်ထားတဲ့ ခံစားချက်က ပိုအရေးကြီးပါတယ် အေးအေးဆေးဆေး စဉ်းစားဦးပေါ့ '' လို့ ကျွန်တော် ပြောလိုက်တယ်။
အဲဒီနောက်တော့ သူမနဲ့ ကျွန်တော် ဘာစကားမှ မပြောဖြစ်ကြတော့ပဲ.. သူမတို့အိမ်နား အရောက်မှာ လမ်းခွဲလိုက်ကြတယ်။ အဲဒီနေ့ညက.. ကျွန်တော် အိပ်မပျော်ခဲ့သလို.. သူမလဲ အိပ်လို့ ရမယ် မထင်ပါဘူး။
Subscribe to:
Post Comments (Atom)
No comments:
Post a Comment