14.2 ဘန်ကောက်ကိုအသွား

ဟိုး မြန်မာပြည်အလယ်ပိုင်း.. ရွာငယ်ဇနပုဒ်က.. ရွာသား ကျွန်တော်.. ငယ်ငယ်တုံးက အခုလို တွေးခဲ့ဖူးသေးတယ်..။

'' ငါ ဒီတစ်သက် ရန်ကုန်တောင် ရောက်ဖူးပါ့မလားမသိ '' လို့..။

ကျွန်တော်တို့ ရွာမှာ.. ရန်ကုန် မရောက်ဖူးဘဲ သေသွားတဲ့ သူတွေ တပုံကြီးရှိတယ်..။ သူတို့တသက် ရန်ကုန်ဆိုတာ.. မြေပုံထဲလောက်သာ တွေ့ဖူးကြတာ..။ ဟိုးခေတ်တုံးက အခုလို တီဗွီဆိုတာလဲ မပေါ်သေး..။ နိုင်ငံခြားထွက် အလုပ်လုပ်ရဖို့ဆိုတာကလဲ ဘယ်လိုမှ မဖြစ်နိုင်... ဆိုတော့.. ရန်ကုန်ကို.. ရောက်ဖို့ဆိုတာ.. ရွာသားတွေအတွက်တော့ အိပ်မက်တစ်ခုပဲ..။

အဲဒီလိုမျိုး ရွာမှာကြီးပြင်းခဲ့ရတဲ့ကျွန်တော်.. ၁၉၉၇ ခုနှစ်မှာ.. အလုပ်ကနေ နိုင်ငံခြား သွားဖို့ ဖြစ်လာခဲ့တော့.. တွေးသာကြည့်ပေတော့..။ ဒါတောင် ကြီးကြီးကျယ်ကျယ် မဟုတ်ဘူးနော်..။ သင်တန်းလေး တစ်လလောက်သွားရတာ..။

အဲဒီတုံးက သတိရသေးတယ်..။ နိုင်ငံခြားသွားမှာဆိုတော့.. အင်္ကျီ ဘောင်းဘီ သားသားနားနားလေး ၀ယ်မှဟဲ့လို့ တွေးပြီး စတိုးဆိုင် တကာလျောက်ကြည့်မိတယ်..။

ရတဲ့ လခက တစ်လမှ.. ရှစ်ထောင်ကျပ်..။ ကိုယ်ကြိုက်တဲ့ အင်္ကျီ ဘောင်းဘီက တစ်ထည်တစ်ထည် ကိုးထောင် တစ်သောင်း ဆိုတော့.. အနားကို မကပ်နိုင်ဘူး..။ နောက်ဆုံးတော့ ဒေ၀ူးကချုပ်တဲ့ အင်္ကျီ ဘောင်းဘီ တွေ ရောင်းတဲ့ စတိုးဆိုင်မှာ.. ဂိတ်ဆုံးတယ်..။

မှတ်မှတ်ရရ.. ကတ္တီပါအညိုရောင် ဘောင်းဘီရှည်က တစ်ထည်.. အနက်အစင်းကြား အင်္ကျီ လက်ရှည်က တစ်ထည် ၀ယ်တယ်..။ အိမ်ရောက်တော့ ကိုယ့်ဖာသာ ၀တ်ကြည့်ပြီး တယ်မိုက်တဲ့ ငါပါလား လို့ မှန်ရှေ့မှာ ချီးကျုးမိသေးတယ်..။

ဖိနပ်ကတော့.. သူငယ်ချင်းတစ်ယောက်က အလကားပေးထားတဲ့ ဖိနပ်တစ်ရံ ရှိလို့ တော်သေးတာပေါ့..။ ဒါပေမယ့်.. သူ့ခြေထောက်က နံပါတ်ကိုး စီးတာဆိုတော့.. ကျွန်တော့်လို နံပါတ်ခုနှစ်လောက်စီးတဲ့ ငနဲအတွက်တော့ တော်တော်ကြီးတဲ့ ဖိနပ်ပေါ့..။ ကြီးတာက ပြဿနာမရှိဘူးလို့ ယူဆပြီး ဖိနပ်နဲ့ ပတ်သက်ပြီးတော့ စိတ်အေးသွားခဲ့တယ်..။

တက္ကသိုလ်ကျောင်းသားဘ၀.. သံသေတ္တာတစ်လုံးနဲ့ နေလာခဲ့တာမို့ ခရီးဆောင်အိတ်ကလဲ မရှိပြန်ဘူး..။ နောက်ဆုံးတော့ အက်ဒီးဒတ် တံဆိပ်ပါတဲ့ ကျောပိုးအိပ် တစ်လုံး နှစ်ထောင်နဲ့ ၀ယ်လိုက်တယ်..။

အဲဒီလိုနဲ့.. နိုင်ငံခြားဆိုတာကြီး သွားဖို့ အဆင်သင့် ဖြစ်နေခဲ့တယ်..။ မသွားခင်ညက ကောင်းကောင်းတောင် အိပ်မပျော်ဘူး..။ ၀ယ်ထားတဲ့ ဘောင်းဘီရှည် အသစ်နဲ့ အင်္ကျီ အသစ်ကို.. ၀တ် ၀တ်ကြည့်ရတာလဲ အမော..။ နောက်တစ်နေ့မနက်မှာတော့.. ကုမ္ပဏီကားနဲ့ လေဆိပ်ကို.. စတိုင်အပြည့်နဲ့ ကျွန်တော်ရောက်သွားခဲ့တယ်..။

နံပါတ်ကိုး ဖိနပ်ကြီးစီး.. အင်္ကျီ ကြယ်သီး အကုန်တပ်.. ကတ္တီပါ ဘောင်းဘီရှည်နဲ့ပေါ့..။ အိပ်ထောင်ထဲမှာကတော့ လေယာဉ်လက်မှတ်နဲ့ ပတ်စ်ပို့ကို ထိုးထိုးထောင်ထောင် ထည့်ထားရင်းပေါ့..။

ကုမ္ပဏီဖက်က တာဝန်ရှိတဲ့ ပုဂ္ဂိုလ်တစ်ယောက်တော့ ပါပါတယ်..။ ကျန်တဲ့ လုပ်ဖော်ကိုင်ဖက် ခုနှစ်ယောက်ရယ်ဆိုတော့.. အားလုံးပေါင်း ကိုးယောက်ပေါ့..။ Check-in လုပ်.. အချိန်တန်တော့ လေယာဉ်ပေါ်တက်.. အားလုံးအေးဆေးပါပဲ..။

မသွားခင်ကတည်းက.. ထိုင်ခုံခါးပတ် ဘယ်လိုပတ်ရတယ် ဆိုတာကအစ.. နိုင်ငံခြား ရောက်ဖူးတဲ့ သူငယ်ချင်း တစ်ယောက်ကို မေးထားခဲ့တာဆိုတော့.. သိပ်တော့ အခက်အခဲ မရှိပါဘူး..။

အစကတော့ ထိုင်ခုံခါးပတ်မပတ်တတ်မှာ.. သိပ်စိုးရိမ်တယ်..။ စိုးရိမ်လောက်တဲ့ အကြောင်းကလဲ ရှိတယ်..။ အဖေ့မိတ်ဆွေ ရွာသားတစ်ယောက်.. မန္တလေးကနေ ဗန်းမော်ကို.. လေယာဉ် နဲ့ ခရီးသွားတယ်..။ အဖေရောပါတယ်..။ ကျွန်တော်တို့ ငယ်ငယ်တုံးကပေါ့..။ အဖေ့မိတ်ဆွေက တကယ့်တောသား..။ လေယာဥ်ဆိုတာ..တသက်နဲ့တကိုယ်.. အဲဒီတစ်ခါပဲ စီးဖူးတာ..။ လေယာဉ်ဆင်းခါနီးတော့ ထိုင်ခုံ ခါးပတ် ပတ်ထားကြဖို့ ပြောတော့.. သူက မပတ်တတ်ဘူး..။ လေယာဉ်မယ် ခေါ်ပတ်ခိုင်းရမှန်းလဲ မသိတော့.. နောက်ဆုံး ကြံမိကြံရာ ထိုင်ခုံကို နောက်ပြန်ကြီး ဖက်ထားသတဲ့..။

အဲဒီအကြောင်းကို ကြားဖူးထားတော့.. ကိုယ့်အလှည့်မှာ ဒုက္ခရောက်မှာ သိပ်စိုးရိမ်တယ်..။

ထိုင်ခုံခါးပတ်ပတ်တာ.. ကျောပိုးအိတ်က.. ကြိုးလိုမျိုးပါပဲလို့ သူငယ်ချင်းက ရှင်းပြထားလို့ တော်သေးတာပေါ့..။ လေယာဉ်ပေါ်ရောက်ရောက်ခြင်း.. အဲဒီခါးပတ်ကို.. သုံးလေးခါ ဖြုတ်တပ်လုပ်ကြည့်လိုက်တယ်..။

အဲဒီလိုနဲ့.. ဘန်ကောက်လေဆိပ်ရောက်တယ်..။ စတိုင်တင်းတင်းနဲ့ .. Green channel ကနေ ဖြတ်လျောက်လာခဲ့တယ်..။ အဲဒီလောက် စတိုင်းတင်းတာတောင်.. ယိုးဒယားမက.. အချဉ်ထင်ဟန်တူတယ်..။ Excuse me ဆိုပြီး ကျွန်တော့်ကို တားတယ်..။ အိတ်ဖွင့်ပြပါလို့ ပြောတယ်..။

ကျွန်တော်လဲ.. ခပ်တည်တည်နဲ့ အိတ်ဖွင့်ပေးလိုက်တယ်..။ ကျွန်တော့်အိတ်ကို ငုံ့ကြည့်ပြီး.. ယိုးဒယားမက နှာခေါင်းရှုံ့တယ်..။ အထင်သေးလို့ နှာခေါင်းရှုံ့တာမဟုတ်ဘူး..။ နံလို့..။

သွားမယ့်နေ့မတိုင်မီညက.. တစ်လတောင်နေရမှာ ဆိုပြီး ရှိသမျ.. အင်္ကျီအ၀တ်အစား တွေ အကုန်ထည့်လာတာကိုး..။ တချို့ဟာတွေက.. ဘန်ကောက်ရောက်မှ လျော်မယ်ဆိုပြီး အပေအတိုင်း ထိုးသိပ်ထည့်လာခဲ့တာ..။ အဆိုးဆုံးက.. အောက်ခံဘောင်းဘီတွေပဲ..။

နှာခေါင်းရှုံ့ပြီး Thank you Thank you, go go လို့ ယိုးဒယားမက ပြောတယ်..။ ကျွန်တော်လဲ.. ဆက်ထွက်လာခဲ့တယ်..။ လေဆိပ်အပြင်ဖက်ရောက်ခါနီးမှာ.. ယိုးဒယားတစ်ကောင်က.. ကျွန်တော့်ကို ပြုံးပြပြီး.. လက်ထဲက အိတ်ကို ဆွဲတယ်..။ ကျွန်တော်လဲ.. နိုးနိုး လို့ ပြန်အော်ရင်း.. အတင်းပြန်ဆွဲတယ်..။ နောက်မှ သိရတယ်..။ အဲဒီကောင်က ကျွန်တော်တို့ကို လာကြိုတဲ့ငနဲ..။

နောက်တော့ သင်တန်းပေးမယ့် စက်ရုံရှိရာ.. ဘန်ပူးစက်မှုဇုံဆီကို.. ကျွန်တော်တို့အဖွဲ့.. ထွက်ခွါလာခဲ့ကြတယ်..။ ဘန်ကောက်မြို့ထဲ ကားဖြတ်မောင်းတော့..ဆောက်လုပ်ဆဲ ဟိုင်းဝေးလမ်းကြီးတွေကို.. တွေ့လိုက်ရတယ်..။

ရန်ကုန်မြို့က.. ဂုံးကျော်တံတားလောက်သာ မြင်ဖူးတဲ့ တောသားကျွန်တော်တို့ အဖို့.. အံ့သြဘနန်း ပါးစပ်အဟောင်းသားကို ဖြစ်လို့ပေါ့..။

ဟာ... တို့ဆီက ဂုံးကျော်တံတား အစင်းတစ်ထောင်လောက် ဆက်ထားသလား အောက်မေ့ရတယ်.. လို့..ကျွန်တော်တို့ထဲက တစ်ယောက်က ထ အော်တယ်..။

လေးဆယ့်ငါးမိနစ်လောက် ကြာတော့.. ကျွန်တော်တို့နေရမယ့်.. စက်မှုမြို့သစ်ထဲက လုံးချင်းတိုက်လေး တစ်လုံးဆီကို ရောက်တယ်..။ မြန်မာပြည်က အက်ဖ်အိုင်အမ်စီးတီး လို စက်မှုဇုံနားက မြို့ပေါ့..။

အ၀တ်လျော်စက် မီးပူ ရေချိုးခန်း အိမ်သာ တီဗွီအပေါ်စက် အောက်စက် ထမင်းစားခန်း စတာတွေကို ယိုးဒယားစက်ရုံက တာဝန်ရှိတဲ့သူတစ်ယောက်က လိုက်ရှင်းပြတယ်..။

နောက်တစ်နေ့မနက် ခုနှစ်နာရီမှာ ကျွန်တော်တို့ကို ကားလာကြိုတယ်..။ ဆယ်မိနစ်လောက်မောင်းတော့ လေ့လာရမယ့် စက်ရုံကို ရောက်တယ်..။ စက်ရုံမှာရှိတဲ့ ၀န်ထမ်းတွေနဲ့ မိတ်ဆက်ပေးတယ်..။

စက်ရုံထဲ ဟိုဟိုဒီဒီလိုက်ပြတယ်..။ ပထမနေ့ကတော့.. အဲဒီလောက်နဲ့ ပြီးသွားတယ်..။ သင်တန်းက တစ်ပတ်ကို ငါးရက်တက်ရတယ်..။ တနင်္လာ ကနေ သောကြာအထိပေါ့..။ စနေ တနင်္ဂနွေ နားရက် မှာ.. ကျွန်တော်တို့အဖွဲ့သွားချင်တဲ့ နေရာကို သူတို့လိုက်ပို့ကြတယ်..။