Friday, June 20, 2008

12.2 ဆရာကိုရွှေကျီး

ထော်လာဂျီလို့သာ ဆိုတာပါ..။ ကားအောက်ပိုင်းနဲ့... ဂီယာဘောက်က အစ.. ဒိုင်နာ ပစ္စည်းတွေချည်းပဲ..။ အင်ဂျင် တစ်ခုပဲ.. တရုတ်နီ ( ဂျင်းမင်း ) ဆယ့်ရှစ်ကောင် တပ်ထားတယ်..။

ကာမိုင်းကနေ ဖားကန့်ကို.. ဆန်အိတ်တစ်ရာလောက်တင်ပြီး.. ခေါက်ပြန်ဆွဲတာပဲ..။ ဒရိုင်ဘာနာမည်က.. ရွှေကျီးလို့ခေါ်တယ်..။ ကိုရွှေကျီးပေါ့..။ သူက မုံရွာသား.။ ကျွန်တော့် ဆရာ..။

ကာမိုင်းဖားကန့် ထော်လာဂျီစပယ်ယာဘ၀ ဟာ.. ကျွန်တော့်ဘ၀ရဲ့ မမေ့နိုင်တဲ့ နောက်ထပ်.. အစိတ်အပိုင်းတစ်ခုပေါ့..။

ကာမိုင်းဖားကန့် ခရီးဟာ..မိုင်လေးဆယ်ရှိတယ်..။ တစ်လျှောက်လုံး တောင်ဆင်းတောင်တက်တွေချည်းပဲ..။ တရုတ်နီအင်ဂျင်နဲ့ ထော်လာဂျီဆိုတော့ အတက်မှာ.. လိပ်ကအဘ ခေါ်ရလောက်တဲ့ နှုန်းနဲ့ တက်တာပဲ..။

အတက်ဆိုရင် ဂျမ်းတုံး ကိုင်ပြီး ထော်လာဂျီနောက်က လိုက်ရတယ်..။ တသက်နဲ့တကိုင် စပယ်ယာ မလုပ်ခဲ့ဖူးတော့.. ဆရာမောင်ရွှေကျီးက ငါကိုင်တုတ်တာ.. ခံရပေါင်းမနည်းဘူး..။ ပြောတော့ စက်မှုတက္ကသိုလ်ကျောင်းသားတဲ့ သောက်သုံးကို မကျဘူးလို့ ကောင်းချီးပေးတဲ့ အကြိမ်ပေါင်းလည်း မနည်းဘူးပေါ့..။

ဆန်အိတ်တစ်ရာဝိတ်နဲ့ တက်နေတဲ့ ထော်လာဂျီ အခန့်မသင့်လို့ နောက်ပြန်လှိမ့်ရင် ဂျမ်းတုံးတစ်တုံးထဲနဲ့ မထိန်းနိုင်ဘူး..။ ကျွန်တော့်မှာ.. ဂျမ်းတုံးကို ဘယ်ညာ နှစ်တုံး ကိုင်ထားရတယ်..။

စလိုက်တဲ့အခေါက်က... ဂျမ်းတုံးကိုင်ပြီး လူက ကားဘိန်းရှေ့စောရောက်နေလို့ မောင်ရွှေကျီးက.. မအေ-ိုး ကားက နောက်ပြန်လှိမ့်မှာ.. မင်းကရှေ့ရောက်နေတော့.. ဂျမ်းတုံးဘယ်လိုခုမလဲ .. လို့ အော်ဆဲတာပဲ..။

ကိုယ့်ကို ဆဲနေတာကို မခံချင်တော့ ဖြစ်မိတယ်..။ ပြန်ဆဲဖို့ကျတော့လဲ.. နှုတ်ကမရဲဘူး ဖြစ်နေခဲ့တယ်..။ ဆဲကျင့်မှ မရှိတာကိုး..။ ဒါပေမယ့်.. ဖားကန့်ကာမိုင်း နှစ်ခေါက်လောက် စပယ်ယာလုပ်သက်ရပြီးမှာတော့.. ကျွန်တော့်ဆရာ မောင်ရွှေကျီးတောင်.. ဆဲနည်း ကျွန်တော့်ဆီက ပြန်သင်ရတဲ့အထိ.. ကျွန်တြော်ပန်ဆဲ နိုင်ခဲ့တယ်..။

ကျွန်တော့်ဆရာမောင်ရွှေကျီးက အပေါက်သာဆိုးတာ..စိတ်ရင်းမဆိုးဘူး..။ ကားနားတဲ့ရက်ဆို.. နှစ်ယောက်သား ကျောင်းရှေ့က ကချင်မ ဆိုင်မှာ..ကချင်အရက်သောက်ကြတယ်..။ အဲဒီကချင်မက.. ကလေးတစ်ယောက်အမေ မုဆိုးမ...။ ကိုရွှေကျီးနဲ့က ဘာလိုလို..။


ကချင်မတွေ သိပ်ခင်ဖို့ကောင်းတယ်..။ ပွင့်လင်းရိုးသားကြတယ်..။ ကျွန်တော်က သူ့ကို အပ်ရှောင်.. လို့ ခေါ်တယ်..။ အပ်ရှောင်ဆိုတာ. ကချင်လို အမကို ခေါ်တာပဲ..။


တစ်ခါတစ်လေ မူးလာရင်.. ကျွန်တော်နဲ့ ကိုရွှေကျီး သူ့ကို ညစ်တီးညစ်ပတ်တွေ ပြောကြတယ်..။ ပေါ်တင်ကြီးတော့ မပြောပါဘူး..။ ဗမာစကားကို စကားလိမ်လုပ်ပြီးပြောကြတာပါ..။ ဥပမာ.. ခွေးမသား ..ကို ခါးမသွေး.. လို့ ပြောသလိုမျိုးပေါ့..။

အဲဒီလိုမျိုး ကျွန်တော်တို့ကပြောရင် သူ နားမလည်တော့ဘူး..။ ဟဲ့.. အဲဒါဘာတုံးဟဲ့.. ရှင်းရှင်းပြောကြစမ်းပါ လို့ .. သူက ပြန်ပြန်ပြောလေ့ရှိတယ်..။

ကျွန်တော်တို့ဆရာတပည့်နှစ်ယောက်ကတော့.. ရယ်ပဲ နေခဲ့ကြတယ်..။


1 comment:

Unknown said...

ဘော်ဒါဆောင်တုန်းက ကချင်မလေးဗျာ
ရုပ်ကတော့သိပ်မလှပေမဲ့  အသားအရေ
ကတော်တော်လှသဗျ....စာသင်တာစိတ်မ၀င်
စားဘူး..သူ့ လက်မောင်းလေးဘဲထိုင်ထိုင်ကြည့်နေတာ