Wednesday, June 25, 2008

13.6 သုံးဆယ့်ခြောက်ကောင်ထီ

ကဲ ရွာဘုရားပွဲအကြောင်းစကားစပ်လာပြန်တော့.. သုံးဆယ့်ခြောက်ကောင် အကြောင်း နည်းနည်း ပြောသေးတာပေါ့..။

ရွာဘုရားပွဲမှာ.. ခြောက်ကောင်ဂျင်လို့ခေါ်တဲ့.. အံစာသုံးတုံးခုံပေါ်တင်ပြီး ဆွဲချတဲ့ လောင်းကစားဝိုင်းတွေ ပေါသလို.. သုံးဆယ့်ခြောက်ကောင် ဖွင့်တာလဲ ရှိသေးတယ်..။

ကျွန်တော့်ကို လူလည်ကျသွားတဲ့ ဦးပြုံးရီ သိပ်ကြိုက်တဲ့ လောင်းကစားပေါ့..။ သုံးဆယ့်ခြောက်ကောင်ဆိုတာ.. အကောင်ပလောင် အစုံ သုံးဆယ့်ခြောက်မျိုးပါတဲ့ လောင်းကစားတစ်မျိုးပဲ..။ ဒါပေမယ့် အဲဒီ သုံးဆယ့်ခြောက်မျိုးထဲမှာ.. ဘယ်ကနေ ဘယ်လို မယ်သီလရှင် ပါနေသလဲတော့ ကျွန်တော်မျိုးမလျှောက်တတ်ဘူး..။

ဒိုင်လုပ်တဲ့သူ (သုံးဆယ့်ခြောက်ကောင် ဖွင့်တဲ့သူ) က.. သုံးဆယ့်ခြောက်ကောင်ထဲက တစ်ကောင်ကောင်ကို. စာရွက်တစ်ရွက်မှာ ရေးချပြီး အဲဒီစာရွက်ကို လိပ်.. အလုံပိတ်သေတ္တာထဲမှာထည့်.. သေတ္တာကို သော့ခတ်ပြီး လူမြင်ကွင်းမှာ စိုက်ထားတဲ့ တိုင်ထိပ်မှာ ချည်ထားတာပဲ..။

ဆိုလိုတာက.. ပေါက်မဲက တင်ကြိုရေးပြီးသား..။ ဒိုင်လုပ်တဲ့သူ စိတ်ကြိုက်ရေးထားတဲ့ ပေါက်မဲပေါ့..။ ဒါပေမယ့် ဒိုင်ကိုယ်တိုင်တောင် ပြန်ပြင်ခွင့်တော့ မရှိတော့ဘူး..။ ပြန်ပြင်ချင်ရင်.. တိုင်ထိပ်က သေတ္တာကို ပြန်ချပြီးမှ.. ပြင်ရမှာကိုး..။ တိုင်ထိပ်က သေတ္တာကို ထိုးသားတွေ မမြင်အောင် ပြန်ချပြီး ပြင်ဖို့ဆိုတာ.. မဖြစ်နိုင်သလောက်ပဲ ဆိုပါတော့..။

ကိုယ့်စိတ်ကြိုက်ကောင်ကို ပေါက်မဲ ရွေးပြီး ဒိုင်လုပ်တဲ့ သူက.. အတိတ်စိမ်းပေးတယ်..။ အတိတ်စိမ်းဆိုတာ.. ပေါက်မဲကို သွယ်ဝိုက်သောနည်းနဲ့ ဖော်ပြတဲ့ စကားလုံးတွေပေါ့..။

ဒိုင်ပေးတဲ့ အတိတ်စိမ်းပေါ်မူတည်ပြီး ထိုးသားတွေ ဥာဏ်ရှိသလောက် ချဲ့ကားစဉ်းစားပြီးသကာလ ကိုယ်ထင်ရာ အကောင်ကို ထိုးတာပဲ..။ ကိုယ်ထိုးတဲ့ အကောင်ပေါက်ရင်.. အဆနှစ်ဆယ်နဲ့ ညီမျှတဲ့ လျှော်ကြေးရတယ်..။ (အဆ ကတော့ နယ်အလိုက် ဒိုင်အလိုက် လွဲနိုင်ပါတယ်..။)

ပေါက်မဲဖွင့်တဲ့အခါမှာတော့.. ထိုးသားထဲက တစ်ယောက်က တိုင်ထိပ်က သေတ္တာကို ဖြုတ်ချပြီး ပေါက်မဲကို ကြည့်တာပဲ..။

ဦးပြုံးရီတို့ကတော့ ဒိုင်ပေးတဲ့ အတိတ်စိမ်းကို ဖင်ပြန်ခေါင်းပြန် အပြန်ပြန်အလှန်လှန်စဉ်းစားပြီး.. သူ့စိတ်ထင်ရာ အသားကုန် ထိုးတော့တာပဲ..။

မှတ်မှတ်ရရ ဒိုင်လုပ်တဲ့သူက

"တောင်တန်း ခရီး လေဟုန်စီး၊ ဖြတ်သန်းသွားလာ အစာရှာ " ... လို့ အတိတ်စိမ်းပေးတယ်..။

ဦးပြုံးရီက.. အဲဒီအတိတ်စိမ်းကို ကြည့်ပြီး.. ပေါက်မဲက ပင့်ကူ ကွ.. လို့ အပိုင်တွက်ပြီး ရှိသမျှ ပုံအောတယ်..။ အိမ်နီးနားချင်း ဘော်ဒါတွေကိုပါ ပင့်ကူ ထိုးကြလို့ လိုက်ဆွယ်တယ်..။ ပင့်ကူဆိုတာ.. လေဟုန်စီးနေတဲ့ အကောင်ပဲ.. သူ့အိမ်ပိုင်နက်ထဲ ဖြတ်သန်းသွားလာ ၀င်လာတဲ့ ပိုးမွှားတွေဟာ..သူ့အစာပဲ.. ဒါကြောင့်.. ဒီတစ်ခေါက်ပေါက်မဲဟာ.. ပင့်ကူသေချာတယ်လို့ သူက အခိုင်အမာ ရှင်းပြတယ်..။ သူ့အတွေးနဲ့သူတော့ မဆိုးဘူး ပြောရမှာပဲ..။

နောက်တစ်ရက်ပေါက်ကောင်ဖွင့်တော့.. ဦးပြုံးရီထင်သလို ပင့်ကူ မဟုတ်ဘဲ.. မယ်သီလရှင် ဖြစ်နေတယ်..။ ဒိုင်လုပ်တဲ့သူက.. စစ်ကိုင်းတောင်က မယ်သီလတွေဟာ.. တောင်ပေါ်တကြော လှည့်လည်သွားလာပြီး ဆွမ်းဆန်စိမ်းခံ (အစာရှာ) နေကြတာမဟုတ်လားဆိုတဲ့ ဆင်ခြေနဲ့ ဦးပြုံးရီတို့ကို.. ကျောချသွားတယ်..။

ဒိုင်ပြောတဲ့ ဆင်ခြေကို မကျေမနပ်နဲ့ ဦးပြုံးရီက.. လူပုံအလယ်မှာ.. အခုလို ပြန်ပြောတယ်..။

" မယ်သီလရှင် လုပ်ပြီး လေဟုန်စီးနေတယ်.. အရပ်ပျက်လောက်တောင် အိနြေ္ဒိ မရှိဘူး... " တဲ့..။

ဦးပြုံးရီပြောစကားကြောင့် အားလုံးပွဲကျသွားခဲ့ပါတယ်..။ ဒါပေမယ့်.. သူထင်သလို တော့ ပင့်ကူ ဖြစ်မလာပါဘူး..။ အိနြေ္ဒမရှိဘူးပဲ ပြောပြော ဒိုင်လုပ်တဲ့ ငနဲကတော့ မယ်သီလမှ မယ်သီလပါပဲ..။

တကယ်တမ်း တွက်စစ်ကြည့်ရင်.. လောင်းကစားတော်တော်များများမှာ ဒိုင်လုပ်တဲ့သူက.. ဖြစ်တန်စွမ်းကို ယူပြီး.. ထိုးသားက.. ငွေကြေးအဆကို ယူတာပါပဲ..။

ဥပမာ ဦးပြုံးရီဆိုရင် ပေါက်နိုင်တဲ့.. အကောင် သုံးဆယ့်ခြောက်ကောင်ထဲက.. ပင့်ကူတစ်ကောင်ထဲ ထိုးတယ်..။ ဒိုင်ဖက်မှာ. ကျန်တဲ့ သုံးဆယ့်ငါးကောင် ရှိနေတယ်..။ ဒိုင်နဲ့ ဦးပြုံးရီ နှစ်ယောက်ထဲ လောင်းတယ်လို့ တွေးကြည့်ရင်.. ဦးပြုံးရီက တစ်ကောင်ထဲ.. ဒိုင်က ကျန်တာဘာပေါက်ပေါက် နိုင်ပြီပဲ..။

အကြိမ်ရေ ရာထောင်ချီလာလေလေ.. ဒိုင်က သာလေပေါ့..။ ဒါပေမယ့်.. လုံလောက်တဲ့ အကြိမ်ရေ အထိ လောင်းကြဖို့ဆိုတာ.. လက်တွေ့မှာ မဖြစ်နိုင်ပြန်ဘူး..။ တော်ကြာနေ လူကြီးလာမှာမို့.. တော်ကြာနေ အာဏာပိုင်နဲ့ ကြေးညှိတာမရလို့ .. တော်ကြာနေ.. တိုင်တဲ့တောတဲ့သူ ရှိလို့ ဆိုပြီး ဒိုင်တွေခမျာလည်း.. ခွဲဝေစားသောက်... ကျီးလန့်စာစား .. အခန့်မသင့် ထောင်နန်းစံကြရပြန်တယ်..။

ဒီကြားထဲ ကံဆိုးရင်.. ပေါက်မဲ့အကောင် တစ်ရွာလုံး စွတ်ရွတ်ထိုးလို့ ဒိုင် ဒေ၀ါလီ ခံရတာတွေလည်း.. ရှိတတ်တယ်..။ ဒါပေမယ့် ကျန်တာတွေသာ အေးအေးဆေးဆေးဖြစ်လို့ကတော့.. ဒိုင်ငနဲတို့များ စီးကရက် လက်ကြားညှပ်ပြီး ဘယ်တစ်ယောက် ညာတစ်ယောက်နဲ့ ရွာမှာ ဘူဇွာပေါ့..။

နောက်ဆုံး.. ကြံရာမရရင်.. သောက်တလွဲ အတိတ်စိမ်းပေးပြီး ဖွင့်ချင်တဲ့ အကောင် ဖွင့်ချလိုက်တာပဲ..။ အတိတ်စိမ်းဆိုတာ.. ကိုယ်ပြောချင်သလို ပြောလို့ ရတာမျိုးကိုး..။ လော့၈ျစ်ကယ်လီး မဖြစ်တော့ရော ထိုးသားက ဘာတတ်နိုင်တာမှတ်လို့..။

အဲဒီလိုမျိုး သောက်တလွဲ အတိတ်စိမ်းနဲ့ ဒိုင်အုပ်သွားတဲ့ အဖြစ်အပျက် တစ်ခု ပြောရဦးမယ်..။ ဒိုင်ပေးတဲ့ အတိတ်စိမ်းက..

" စားပြီးသောက်ပြီး ခြေသလုံးကြီး ၊ အိမ်ပြန်လက်ဆောင် မက်ကလောင် " လို့ ရေးထားတယ်..။

ဦးပြုံးရီတို့လို ရွာသားများ တွေးချင်သလိုတွေး ထင်ချင်သလိုထင်.. ယူဆချင်သလို ယူဆပြီး ထိုးချင်ရာ ထိုးကြတယ်..။

နောက်ရက် ပေါက်ကောင် ဖွင့်တော့.. "လိပ် " တဲ့..။

ဟ .. ပေးထားတဲ့ အတိတ်စိမ်းနဲ့ ဘာဆိုင်လို့လဲ လို့ ရွာသားတွေ မကျေမနပ် စောဒက တက်တော့.. ဒိုင်လုပ်တဲ့ ငနဲက "မဆိုင်တာကိုက အဖြေပဲ.. လိပ်လေ.. ကိုယ့်ဖက်ကိုယ် ယက်တယ်.. မဆိုင်တဲ့ အတိတ်စိမ်းပေးပြီး ကိုယ့်ဖက်ကိုယ် ယက်လိုက်တာပဲ.. " လို့ ပြန်ပြောတယ်..။

ရွာသားတွေ အီလည်လည်နဲ့ ခံကြရရှာတယ်..။

2 comments:

Summer Field said...

ကျနော့် အမေပြောဖူးတဲ့ သူ့ဇာတိ ရွှေကျင်မဒေါက်ဘက်က ၃၆ကောင်ဆိုတာ အခုမှ သဘောပေါက်တော့တာ။ အရင်တုန်းက တခါမှ နားလည်အောင် မမေးခဲ့ဖူးဘူး။

kyaw said...

အခုတော့ အဲဒီသုံးဆယ့်ခြောက်ကောင် မတွေ့ ဘူးတော့ဘူးအကိုေ၇..
ဂလုံးဂလုံးဝိုင်းတွေကတော့ တောင်ပေါ်မှာ
ဆော့ဖူးတယ်