Sunday, June 29, 2008

13.3 ရွာကဓလေ့တစ်ချို့

ရွာနတ်ပွဲမှာ.. ရွှေဘိုကျောက်မြောင်း နွယ်ငြိမ်းဖက်က.. စဉ့်အိုး စဉ့်ခွက် အစုံပလုံ တောင် လာရောင်းလေ့ ရှိကြတယ်..။ ဧရာဝတီ မြစ်ကျောတစ်လျှောက် စဉ့်အိုးတွေကို ဖောင်ဖွဲ့ပြီး စုန်ဆင်းလာကြတယ်..။ နတ်ပွဲမစမှီ တစ်ပတ်လောက်ကတည်းက.. စဉ့်အိုးဖောင်ကြီးတွေ ရွာဆိပ်ကမ်းမှာရောက်နေပြီ..။

စဉ့်အိုးဖောင်ဆိုတာ.. စဉ့်အိုးကြီးတွေကို.. ချုပ်တန်းတွေနဲ့ ချုပ်.. တွဲစပ်ပြီး ရေထဲ ဒီအတိုင်းမျောလာတဲ့ ဖောင်ကြီးတွေပဲ..။ အထူးသဖြင့်.. ရာဝင်အိုး ရာ့ငါးဆယ်ဝင်အိုးစတဲ့ အိုးအကြီးကြီးတွေကို.. အမာခံထား.. အဲဒီအိုးကြီး တွေထဲမှာမှ.. အိုးအငယ်တွေ အဆင့်ဆင့်ငုံ တိုလီမိုလီ စဉ့်ခွက် စဉ့်ရုပ်တွေ ထည့်ထားတဲ့ ဖောင်တွေပေါ့..။

မြစ်ဆိပ်ကနေ.. ပွဲခင်းအရောက်တော့ နွားလှည်းပဲ အားကိုးကြရတယ်..။

အရောင်းအ၀ယ်မကောင်းတဲ့ နှစ်တွေမှာ.. နတ်ပွဲသာ ပြီးသွားတယ်.. စဉ့်အိုးသည်တွေကတော့ ငုတ်တုတ်ကျန်ခဲ့ရှာတယ်..။ တစ်ခါတစ်လေ.. တစ်လကိုးသီတင်း.. ရွာမှာ.. သူတို့ သောင်တင်နေခဲ့ကြတယ်..။
မရောင်းရတဲ့ စဉ့်အိုးတွေကို.. ပြန်သယ်သွားဖို့ကလည်း ဘယ်လိုမှ မဖြစ်နိုင်.. ၀ယ်သူကလည်း မရှိတော့ ဆိုတော့.. သူတို့ခမျာ.. ယောင်ခြာခြာပေါ့..။

တစ်ချို့ကတော့.. ရွာခံ လူရင်းတွေဆီ.. စဉ့်အိုးတွေ အပ်ထားခဲ့ပြီး.. ပြန်သွားလေ့ရှိတယ်..။ နောက်နှစ်မှ.. စာရင်းရှင်းကြတယ်..။ ပွဲချိန်တုံးက စည်ကားသလောက် ပွဲပြီးတော့လည်း.. ဟာလာဟင်းလင်း အမှိုက်တွေ ဟိုလွှင့် ဒီလွှင့်နဲ့ ကျန်ခဲ့တာပါပဲ..။

နတ်ပွဲပြီးပြီးချင်း နောက်ရက် ညနေမှာ.. ကျွန်တော်တို့ တစ်ရွာလုံး.. အိမ်နံရံတွေ တုတ်နဲ့ရိုက်.. သံပုံးတွေတီး.. တုံးတွေခေါက်ပြီး သရဲနှင်လေ့ရှိတယ်..။ ဘယ်အိမ်က စတီးမှန်းတော့ မသိပါဘူး..။ ဟိုဖက်အိမ်က တီးတဲ့အသံ ဒီဖက်အိမ်ကကြား.. ဒီဖက်အိမ်က တီးတဲ့အသံ နောက်အိမ်ကကြားနဲ့.. တစ်ရွာလုံး ဆူညံပွက်အောင်.. တီးကြတာပဲ..။

အဲဒီလို တီးလိုက်မှ.. မမြင်ရတဲ့ နတ်ပွဲလာ မကောင်းဆိုးဝါး နာနာဘာဝတွေ.. ရွာကနေ ပြန်သွားကြတယ်လို့.. အယူရှိကြတယ်..။

ကျွန်တော်တို့ ကလေးတုံးကတော့.. အဲဒီလို.. ကိုယ့်အိမ်ကို တဗုံးဗုံးနဲ့ ရိုက်ရတာကို အရမ်းပျော်တယ်..။ တစ်နှစ်မှ တစ်ကြိမ်ပဲ ရိုက်ရတာကိုး..။ တခြားအချိန် အိမ်ထရံ တဗုံးဗုံးနဲ့ တီးလို့ကတော့.. ကျောကော့သွားမှာပေါ့..။

ကျွန်တော်တို့ရွာမှာ.. အဲဒီလို ထူးခြားတဲ့ ဓလေ့လေးတွေရှိတယ်..။

ဥပမာ.. ဦးသုခရဲ့ ဘ၀သံသရာ သီချင်းဖွင့်သံကြားရင်.. လူတစ်ယောက်တော့ သေရှာပြီလို့.. တစ်ရွာလုံးက နားလည်ကြတယ်..။

"ဘ၀ သံသရာ.. ရှည်လျား ထွေပြား မနေမနား တသွားတည်း သွားကြတာ .. " လို့သာ ကြားလိုက်.. ရွာသားတစ်ယောက်တော့ မာလကီးယားဖြစ်ပြီလို့ တထစ်ချပြောနိုင်တယ်..။ အဲဒီသီချင်းက အသုဘ မူပိုင်သီချင်းပဲ..။ တခြားအချိန်တွေမှာ.. လုံးဝဖွင့်လေ့မရှိဘူး..။

"တူနှစ်ဖြာ ရွှေဂဟေဆက်ပါလို့.. သွေမပျက်တဲ့ သစ္စာ.. " ဆိုတဲ့ တွံတေးသိန်းတန် သီချင်းသံကြား၇င်တော့.. လူထီးကလေးနဲ့ လူမလေး တို့ ရွှေဂဟေ ဆက်တော့မယ်လို့.. သိကြရတယ်..။

ရွာကလူတိုင်းနားလည်တဲ့ တီးလုံးတစ်ခု ရှိသေးတယ်..။ ရုပ်ရှင်ပြခါနီးတိုင်း ဖွင့်တဲ့ တီးလုံးပဲ..။ ကြည်နူးဖွယ်တီးလုံးလို့.. ကျွန်တော်တို့ကခေါ်တယ်..။ အဲဒီတီးလုံးဖွင့်ရင် မကြာမှီ ရုပ်ရှင်ပြတော့မယ်လို့.. ပြောနိုင်တယ်..။

ရုပ်ရှင်ပြခါနီး ဖွင့်တဲ့တီးလုံးလို့ ပြောတာနဲ့.. ရွာသာဆိုတာ.. ရုပ်ရှင်ရုံတွေဘာတွေနဲ့ လို့.. အထင်မကြီးကြနဲ့အုံး..။ တစ်နှစ်လုံးနေမှ လွန်ရောကျွံရောပြ ဆယ်ရက်ပဲ..။ အထူးသဖြင့် ကျွန်တော်ပြောခဲ့တဲ့ နတ်ပွဲ နဲ့ ရွာဘုရားပွဲလောက်ပဲ ရုပ်ရှင်က ပြတယ်..။

ရွာမှာ.. အမြဲရုပ်ရှင်ကန်ထရိုက် ဆွဲတဲ့ ရွာသားတစ်ယောက်ရှိတယ်..။ ဦးရွှေအောင်လို့ ခေါ်တယ်..။ အဲဒီလူ စကားပြောလည်း အင်မတန်ကောင်းတယ်..။ သေနတ်ပစ်သံ မြင်းခွါသံ စတဲ့ ရုပ်ရှင်ထဲက အသံပေါင်းစုံကို လည်း.. အသံတုလုပ်တတ်တယ်..။

"ယနေ့ည ကျွန်တော်များ ကြမ်းမယ် ရမ်းမယ်.. ဒူးမထောက်လက်မမြှောက်ဆိုတဲ့.. နယ်ချဲ့တော်လှန်ရေး ဇာတ်ကားကြီးမှာ.. ဒက်ဒက်ဒက်ဒက်.. တက်ကလောက် တက်ကလောက် ခွပ်ခွပ်ခွပ်.. ဒက်ဒက်ဒက်ဒက်.. အဲဒီလို အဲဒီလို ကြမ်းမယ်ရမ်းမယ် ပေါ့ခင်ဗျာ.. " စသဖြင့်.. မကြည့်ချင်ကြည့်ချင်ရအောင် သူပြောလေ့ရှိတယ်..။

ကျွန်တော်ကသာ.. သေနတ်သံကို ဒက်ဒက်ဒက်ဒက် နဲ့ ရေးတာ.. သူ့လုပ်တဲ့ အသံတုက.. တကယ့်သေနတ်ပစ်သံလိုမျိုးပဲ..။ မြင်းခွါသံလည်း.. တကယ့် မြင်းတွေ ဒုန်းစိုင်းနေတဲ့ အတိုင်းပဲ..။

ရန်ကုန်မှာလို ပွဲချိန်သတိပြု တို့ ဘာတို့တော့ မရှိပါဘူး..။ ဦးရွှေအောင် ပြချင်တဲ့ အချိန် ရုပ်ရှင်စတာပဲ..။ ညရှစ်နာရီ.. ကိုးနာရီ .. တစ်ခါတစ်လေ ဆယ်နာရီလောက်မှ ပြတယ်..။ ရုံဝင်လူနည်း ရင် နည်းသလို.. စောင့်ပြီးမှ.. ပြတယ်..။ ဒါပေမယ့်.. ကြည်နူးဖွယ်တီးလုံး ဖွင့်ပြီဆိုရင်တော့.. မကြာခင် ရုပ်ရှင်စတော့မယ်လို့ တစ်ရွာလုံးက နားလည်ကြတယ်..။ တချို့ကလည်း.. အဲဒီတီးလုံးသံကြားမှ.. အိမ်က ထွက်လာကြတာပဲ..။

ကျွန်တော်တို့ ငယ်ငယ်တုံးကတော့ ဒီနေ့ည ရုပ်ရှင်သွားကြည့်ကြမယ်လို့ အမေတို့က ပြောထားရင် ကလေးဆိုတော့ ညနေစောင်းကတည်းက စိတ်လောနေပြီ..။ ဦးရွှေအောင်ကလည်း.. လော်စပီကာနဲ့.. ဟောဒီလိုဟောဒီလို.. ကြမ်းမယ် ရမ်းမယ် အော်နေလေတော့.. ကျွန်တော် ဂနာမငြိမ်တော့ဘူး..။ သွားချင်နေပြီ..။

အမေတို့ အမတို့က.. ရုပ်ရှင်သွားခါနီး ဖီးလိမ်းပြင်ဆင်ကြတာကို ကျွန်တော်က စိတ်မရှည်ဘူး..။ အမေတို့ကလည်းဗျာ.ဟိုမှာပြတော့မှာဗျ.. မြန်မြန်လုပ်တာမဟုတ်ဘူး.. ရုပ်ရှင်ကြည့်မှာပဲကို အလှ အဲဒီလောက်ကြီးပြင်ဖို့ မှ မလိုတာပဲ နဲ့.. ဂျီကန်လေ့ရှိတယ်..။

ဟဲ့.. သေနာကလေးရဲ့.. ကြည်နူးဖွယ်တောင် မဖွင့်သေးဘူး.. တကတည်းတော် ဒေါ့ရင်းနားပန် ထားရသလိုပဲ.. လို့.. အမေက ပြန်ပြောလေ့ရှိတယ်..။ ( ဒေါ့ရင်း ဆိုတာ.. မရပ်မနား တရစပ်အော်တဲ့.. အကောင်လေးတွေကို ခေါ်တာ..ကျွန်တော်တို့ ရွာဖက်မှာ.. ညနေစောင်းဆိုရင်.. သူတို့အသံတွေ ချည်းပဲ..။ ကလေးတွေ နားပူနားဆာလုပ်တိုင်း မိဘတွေက.. ဒေါ့ရင်း နားပန် ထားရသလိုပဲ လို့ ပြောလေ့ရှိတယ်..။ )

တစ်ခါတစ်ရံကျတော့လည်း.. ကြည်နူးဖွယ်သာ ဖွင့်ထားတာ..။ တော်တော်ကြာတဲ့အထိ.. ရုပ်ရှင်က ပြတာမဟုတ်ဘူး..။

ကိုရွှေအောင်ခမျာလည်း.. ရုံဝင်ကြေးနဲ့ ကန်ထရိုက်ကြေး ကာမိလေအောင် ကြည်နူးဖွယ်ကို.. အချိန်ဆွဲ ဖွင့်ရတာလေးတွေ ရှိပါတယ်..။

နောက်ပြီး နောက်ဆုံးညမှ.. ကြည့်မယ် ဆိုတဲ့.. ရွာသားတွေကလည်း မနည်းဘူး..။ ကျွန်တော်ပြောခဲ့သလို.. တစ်နှစ်လုံးနေမှ.. ရုပ်ရှင်က.. လေးငါးရက် ကြည့်ရတာဆိုတော့.. မကြည့်လိုက်ရ မရှိလေအောင်.. ရွာကလူတွေ ကြည့်ကြလေ့ရှိတယ်..။

ရုပ်ရှင်စပြတဲ့.. ပထမရက်မှာ.. ဘာကားပြပြ တစ်ချို့ ရွာသားတွေက မကြည့်ဘူး..။ နောက်ဆုံးညမှ ကြည့်မယ်လို့ ယတိပြတ် ဆုံးဖြတ်ထားကြတယ်..။ ကိုရွှေအောင်ကလည်း.. လည်တယ်..။ ဒုတိယညလောက်ကတည်းက.. "ဒီနေ့ ကျွန်တော်များ.. နောက်ဆုံးနောက်ဆုံး နောက်ပိတ်ဆုံး အားပါးတရ နှုတ်ဆက်ပွဲညဖြစ်ပါတယ်.. " လို့ ကြေငြာတော့တာပဲ..။

ရွာသားတွေကလည်း.. နောက်ဆုံးညတဲ့ဟေ့.. မကြည့်လိုက်ရ မရှိရလေအောင် အားပေးလိုက်ကြစို့ လို့ မောင်းတင်ပြီး.. ကြည့်ကြတာပေါ့..။

ဒါပေမယ့်.. နောက်တစ်နေ့ညမှာလည်း.. "ယနေ့ည ကျွန်တော်များ နောက်ဆုံး နောက်ဆုံး နောက်ပိတ်ဆုံး ဘုရားစူး အားပါးတရ နှုတ်ဆက်ပွဲည ဖြစ်ပါတယ်.." လို့.. ကိုရွှေအောင်က အော်ပြန်တယ်..။

အဲဒီကနေ.. ရွာမှာ.. ဆိုရိုးစကားတစ်ခု ပေါ်လာခဲ့တယ်..။

ဘယ်တော့မှ.. မပြုပြင်မပြောင်းလဲ မပြီးဆုံးနိုင်တဲ့ ကိစ္စရပ်တွေကို.. "ကိုရွှေအောင် နောက်ဆုံး ည " လို့ ပြောလေ့ရှိကြတယ်..။


ကျွန်တော်တို့ ရွာမှာ..

" ကိုရွှေအောင့် နောက်ဆုံးည "
" ကိုညိုအေး အရက်ဖြတ်တာ "
" မောင်ကျင် ဓါးကြိမ်း ကြိမ်းတာ "
" ကိုဆန်နီ အိမ်ပေါ်က ဆင်းတာ "

ဆိုတဲ့.. ဘယ်တော့မှ မပြီးဆုံးနိုင်တဲ့.. အဖြစ်အပျက်တွေကို ခိုင်းနှိုင်းပြောတဲ့.. ဆိုရိုးတွေ ရှိတယ်..။

ဦးညိုအေး ဆိုတဲ့ လူကြီးကလည်း.. တစ်နှစ်မှာ.. အနည်းဆုံး ဆယ်ကြိမ်လောက် အရက်ပြတ်ပြီ ကြေငြာပြီး နောက်ပြန်သောက်တာပါပဲ..။ မောင်ကျင်ဆိုတဲ့ လူကတော့.. ဓါးတစ်ချောင်းဆွဲပြီး.. မိုက်တဲ့ကောင်ထွက်ခဲ့လို့ နေ့တိုင်းနီးနီး ရပ်ကွက်ထဲ လှည့်စိန်ခေါ်လေ့ရှိတယ်..။ ဒါပေမယ့် မောင်ကျင်သာ သေသွားတယ်.. သူနဲ့ရန်ဖြစ်ပြီး ဓါးခုတ်ခံလိုက်ရတယ်ဆိုတဲ့ အသံ တစ်ခါမှ မကြားဖူးဘူး..။

ကိုဆန်နီဆိုတာကတော့ သူ့မိန်းမ နဲ့ ရန်ဖြစ်ပြီး တော်ကြာနေရင်း အိမ်ပေါ်က ဆင်းပြန်ပြီ..။ ဒါပေမယ့် နောက်ရက်မှာ.. သူ့အိမ်ပေါ် ပြန်ရောက်နေတာပါပဲ..။

အဲဒါကြောင့်.. ရွာမှာ.. ဘယ်တော့မှ မပြီးဆုံးနိုင်တဲ့ အဖြစ်အပျက်တွေကို.. သူတို့ လေးယောက်ရဲ့ ဆိုရိုးတွေနဲ့ ခိုင်းနှိုင်းပြောကြတာပဲ..။

2 comments:

ရွှန်းမီ said...

" ကိုရွှေအောင့် နောက်ဆုံးည "
" ကိုညိုအေး အရက်ဖြတ်တာ "
" မောင်ကျင် ဓါးကြိမ်း ကြိမ်းတာ "
" ကိုဆန်နီ အိမ်ပေါ်က ဆင်းတာ "

ဆိုရိုးစကားလေးခုကို မှတ်သားသွားပါတယ် =)
ရယ်ရတယ်..
ဆက်အားပေးချင်လို့ ဆက်ရေးနိုင်ပါစေ.. =)

kyaw said...

အကိုရေ...ရွာဓလေ့ လေးတွေဖတ်ရတာ ကြိုက်တယ်ဗျာ...