Thursday, January 29, 2009

38.3 ရွေးချယ်ခွင့်များ

ကျွန်တော်မနက်တိုင်း ရုံးကိုလာရင် နှင်းဆီကုန်းဘိုးဘွားရိပ်သာရှေ့ ကနေဖြတ်လာရလေ့ ရှိပါတယ်..။ နေ့စဉ် ဒီလိုပဲ ဖြတ်လာနေကြမို့ စိတ်ထဲ သိပ်ထူးထူးခြားခြား သတိထားမိတယ် လို့ မရှိလှပေမယ့်.. တစ်ရက်မတော့ “ နှင်းဆီကုန်းဘိုးဘွားရိပ်သာ စိန်ရတု သဘင်အခမ်းအနား ” ဆိုတဲ့ စာသားကို တွေ့မိတယ်..။ ၁၉၃၃ ခုနှစ်မှာ စတင်တည်ထောင် ခဲ့တာဆိုတော့ ၂၀၀၈ မှာ ၇၅ နှစ် ပြည့် ပြီပေါ့..။

အဲဒီ ၇၅ နှစ်တာ ကာလမှာ အိုးမဲ့အိမ်မဲ့ အခြေမဲ့အနေမဲ့ အားကိုးရာမဲ့ ကျောထောက်နောက်ခံမဲ့ ဘိုးဘွားပေါင်းများစွာကို အရိပ်တစ်ခု သူမိုးကာ ပေးခဲ့တယ်..။

အိုမင်းမစွမ်းသူတွေရဲ့ ဘ၀နေ၀င်ချိန်ကို တွဲကူလို့ သူဖေးမခဲ့တယ်..။ ရှေ့ဆက်ပြီးတော့လည်း နောင်နှစ်ပေါင်းများစွာ.. သူဆက်လက်တည်ရှိပြီး လောကအကျိုးကို ထမ်းပိုးနေလိမ့်အုံးမယ်..။

စတင်တည်ထောင်သူတွေ ဘယ်သူ ဆိုတာ ကျွန်တော်မသိပေမယ့် .. သူတို့ကို ကျွန်တော် လှိုက်လှိုက်လှဲလှဲ ဦးညွှတ် ရပါတယ်..။

လောကမှာ ဘာသာအမျိုးမျိုးက လူတန်းစားအမျိုးမျိုးဟာ အလှူအတန်းအမျိုးမျိုးကို လုပ်တော့ နေကြတာပဲ..။ တချို့လည်း နောင်တမလွန်ဘ၀ ဆိုတာကို မျှော်ကိုး ပြီး လှူကြတယ်..။ တချို့လည်း ပြန်လည်ရှင်သန်ထမြောက်မယ့်နေ့ကို ဦးတည်ပြီး လှူကြတယ်..။ တချို့လည်း လတ်တလော ကိုယ့်စိတ်ပြေရာ ပြေကြောင်းကို ဦးစားပေးပြီး လှူကြတယ်..။ တချို့လည်း ဘုရားသခင်ရဲ့ မျက်နှာရရာရကြောင်း လှူကြတယ်..။

တချို့လည်း ကိုယ့်ရဲ့ ပစ္စက္ခလက်ငင်း အခက်အခဲတွေ လွန်မြောက်အောင် ယတြာသဘောနဲ့ လှူကြပြန်တယ်..။ ကိုယ့်ဦးတည်ချက်နဲ့ကိုယ် ကိုယ့်အလှူပေါ်မှာ ကျေနပ် ပျော်ရွှင်နေကြတယ် ဆိုပေမယ့်.. လောကအကျိုးကို အတိတ်ပစ္စုပ္ပန်အနာဂါတ် ကာလသုံးပါးစလုံး အကျိုးများအောင် လှူနိုင်တာက ဘယ်ရှုထောင့်က ကြည့်ကြည့် အလှူအားလုံးထဲမှာ အသာလွန်ဆုံး အလှူဖြစ်လိမ့်မယ်လို့ ကျွန်တော် ယုံကြည်ပါတယ်...။

မြောက်ဥက္ကလာ ဖက်မှာ မကြာသေးမီ နှစ်များက.. ပုဂံက သဗ္ဗေညု ပုံတူ.. သဗ္ဗေညုမဟာပုထိုးတော်ကြီး တည်ဆောက်ပါတယ်..။ တယ်လီဗေးရှင်း၊ သတင်းစာ၊ ဂျာနယ်တွေထဲကနေ အုတ်အော်သောင်းနင်း အလှူခံပါတယ်..။ ပုဂံက သဗ္ဗေညု ထက်တောင် အရွယ်အစား ထုထည်ပိုကြီးအောင် တည်ကြပါတယ်..။ လှူကြသူများ နဲ့ ဦးစီးဦးဆောင်ပြုသူများ စိတ်ထဲမယ် ဘာအတွက် အဲသလောက်ကြီးကျယ်တဲ့ ကိစ္စကို ကြိုးကုတ်အားထုတ်ခဲ့ကြမှန်း ကျွန်တော် သေချာမသိပေမယ့် အဲဒီသူတွေကို ဦးညွှတ်ဖို့ ကိုတော့ ကျွန်တော် ၀န်လေးရပါတယ်..။

ကိုယ်မှန်တယ်ထင်ရာ ကိုယ်လုပ်နေကြတာပဲ ဆိုပေမယ့်.. လူဟာ လူ့သက်တမ်းကို ကျော်ဖြတ်ရာမှာ တစ်ယောက်ထဲ ထီးတည်း ကျော်ဖြတ်နေတာ မဟုတ်ပါဘူး..။

ဘေးဘယ်ညာက ကိုယ်လိုသူလို လောကလူသားတွေနဲ့ လက်တွဲကျော်ဖြတ်နေရာတာမို့ လောကကောင်းကျိုး သယ်ပိုးဖို့ တာဝန် ရှိပါတယ်..။ လောကကောင်းကျိုး ကို ဦးမတည်တဲ့ လုပ်ဆောင်မှုတွေ များလေလေ လောကပျက်စီးလေပါပဲ..။

လောက ပျက်စီးရင် ကိုယ်လည်း ဘယ်လိုလုပ် ငြိမ်းချမ်းနိုင်တော့မှာလဲ..။ အဲဒါတွေရဲ့ ထင်းရှားတဲ့ သာဓကတွေဆိုတာ လောကမှာ မကြားချင်မမြင်ချင်မှ အဆုံးပါပဲ..။

ဘင်လာဒင်လဲ သူ့မှန်တယ်ထင်ရာသူလုပ်နေတာပါပဲ..။ ပယ်နယ်စလင် တီထွင်သူလည်း သူ့ယုံကြည်ချက်နဲ့သူ အားထုတ်ခဲ့တာပဲ..။ ဒါပေမယ့် သူတို့လုပ်ဆောင်မှု တွေက ပေါ်ပေါက်လာတဲ့ လောကအကျိုးကျေးဇူးကတော့ မိုးနဲ့မြေလို ကွာခြားလွန်းပါတယ်..။ ဘင်လာဒင်ရဲ့ လုပ်ဆောင်မှုကြောင့် ဘာသာမရွေး၊ လူမျိုးမရွေး၊ အသက်အရွယ်မရွေး၊ လူတန်းစားမရွေး ဒုက္ခရောက်ကြရပါတယ်..။

ပယ်နယ်စလင်ကတော့ လူမျိုးမရွေး၊ ဘာသာမရွေးကို အကျိုးကျေးဇူးပြုနေခဲ့တာ ဒီလောကထဲ သူစပေါ်လာကတည်းက ယနေ့အထိပါပဲ..။

နှင်းဆီကုန်းဘိုးဘွားရိပ်သာ နဲ့ သဗ္ဗေညုမဟာပုထိုးတော်ကြီး ကို.. ဘင်လာဒင်နဲ့ ပယ်နယ်စလင် နှိုင်းယှဉ်သလိုမျိုး နှိုင်းပြတာတော့ လွန်တာပေါ့ လို့ ထင်ချင် ထင်ကြမှာပဲ..။ ဒါပေမယ့် ကျွန်တော်တို့မှာ ရွေးချယ်ခွင့်ဆိုတာတွေ ရှိပြီး လောကကောင်းကျိုးကို မျက်မြင်ဒိဌ သယ်ပိုးမယ့် ကိစ္စတွေကို ဦးတည်ရွေးချယ်တာဟာ အမှန်ကန်ဆုံး ဖြစ်တယ်ဆိုတာ ထင်ရှားစေချင်လို့ နှိုင်းပြရတာပဲ..။

အဲသလို ဦးတည်ရွေးချယ်တာဟာ ဘယ်ဘာသာရေးယုံကြည်မှုရဲ့ တိုက်တွန်းစေ့ဆော်မှုကြောင့် မဟုတ်ဘဲ.. ကိုယ်ရှင်သန် နေထိုင်ရာလောကငြိမ်းချမ်းတိုးတက် တာဟာ ကိုယ့်ငြိမ်းချမ်းတိုးတက်မှုပဲဆိုတဲ့ အမြင်ကနေ ပေါက်ဖွားစေရမှာ ဖြစ်ပါတယ်..။ အဲဒါကို ဘယ်ဘာသာတရား.. ဘယ်အတွေးအမြင်ကများ ကန့်ကွက် နိုင်မှာမို့လဲ..။ မှားတယ်လို့ ပြောနိုင်မှာမို့လဲ..။

2 comments:

JulyDream said...

အဲဒီလို အယူအဆမျိုးကို သူငယ်ချင်းတွေ ကြားမှာ ချပြ ငြင်းခုန်ရင်း ကြာတော့ မင်းက ဘာသာမဲ့လား ဆိုပြီး ပြောခံရတဲ့အထိ ကျွန်တော် ပြောဆို စည်းရုံး စွမ်းရည် အသုံးမကျပုံများနော်။

kyaw said...

ဒီပိုစ့် လေးမှာ ကိုနဗန ကို ကျွန်တော်ဦးညွတ်လိုက်ပါတယ်
အမြင်ချင်းလည်းတူပါတယ်..
ဒါပေမဲ့ သိပ်ကိုကိုင်တွယ်ရခက်တဲ့ ပြဿနာပါ