Saturday, August 9, 2008

17.2 ဆရာကန်တော့ပွဲက ငွေ၅၀

ဆရာကန်တော့ပွဲ ဆိုလို့ ပြောရဦးမယ်..။

ဆရာကန်တော့ပွဲ အတွက် ကောက်ရတဲ့ ပိုက်ဆံကို.. အသင်းခေါင်းဆောင်ဖြစ်တဲ့ ကျွန်တော်သိမ်းထား ရတယ်။ ဘယ်နေ့နောက်ဆုံးလို့ သတ်မှတ်ပြီးကောက်တာမို့.. နောက်ဆုံးနေ့မတိုင်မချင်း.. အဲဒီပိုက်ဆံတွေက.. ကျွန်တော့်ဆီမှာ ထားရတယ်..။ ပြဿနာက အဲဒီမှာ.. စတာပဲ..။


စာရင်းချုပ်ပြီး ပိုက်ဆံတွေ ပြန်အပ်ရတော့မယ့် နေ့မတိုင်မှီ.. နှစ်ရက်လောက်အလိုမှာ.. ကျွန်တော် ပြဿနာအကြီးအကျယ်တက်တော့တယ်..။ အိမ်ရဲ့ စားဝတ်နေရေးအတွက်.. ကန်တော့ပွဲပိုက်ဆံ ထဲက.. ငွေငါးဆယ်.. ကျွန်တော်သုံးလိုက်မိတယ်..။

မှတ်မှတ်ရရ.. အဲဒီတုံးက..အဖေက.. အဝေးမှာ.. ။ လုံခြုံရေးအတော်တင်းကျပ်တဲ့.. အဝေးကြီးမှာ.. အဖေ နေနေရတဲ့ အချိန်.. အမေကလည်း.. ခရီးထွက်သွားတော့.. အိမ်မှာ.. ကျွန်တော်တို့ မောင်နှမ တတွေပဲ ကျန်ခဲ့တယ်..။ ခရီးမထွက်ခင်.. အမေကတော့.. တတ်နိုင်သမျ စီစဉ်ပေးခဲ့ပါတယ်..။ ဒါပေမယ့်.. ပြန်လာမယ့်ရက်မှာ.. အမေပြန်မလာတော့..ကျွန်တော်တို့မောင်နှမတတွေလဲ.. နောင်ခါလာနောင်ခါဈေး သဘောထားပြီး ဆရာကန်တော့ပွဲ ပိုက်ဆံ ယူသုံးရတဲ့အဖြစ် ရောက်တော့တာပဲ..။

ကျွန်တော် ပိုက်ဆံပြန်အပ်ဖို့.. အခက်အခဲ ရှိနေတာကို.. မြမြ၀င်းက.. ရိပ်မိတယ်..။ ပိုက်ဆံကိစ္စ သူ စကားစတိုင်း ကျွန်တော် ရူးချင်ယောင်ဆောင်နေတာကို.. တစ်ခါလဲမဟုတ်တော့.. သူရိပ်မိသွားဟန် တူပါတယ်..။

ငွေငါးဆယ်ဆိုတာ.. ၁၉၈ရ ခုနှစ်လောက်က.. တချို့တချို့အတွက်.. လောက်လောက်လားလား ပမာဏ မဟုတ်ပေမယ့်.. ကျွန်တော့်အတွက်ကတော့.. အသက်တမျပဲ လို့ ဆိုရမှာပဲ..။ အဲဒီတုံးက ဆန်တပြည်မှ တစ်ဆယ်တောင် မပေးရတဲ့ အချိန်..။

တစ်ရက်ကျောင်းအဆင်းမှာ.. မြမြ၀င်းက.. ကျွန်တော့်ကို စောင့်ပြီး ဆရာကန်တော့ပွဲပိုက်ဆံ နင်ယူသုံးထားတယ် မဟုတ်လား လို့ မေးတယ်..။ မဟုတ်ပါဘူးဟာ.. လို့ မျက်စိမျက်နှာ ပျက်ပျက်နဲ့ ကျွန်တော် ပြန်ပြောတော့.. '' နင်..ငါ့ကို မလိမ်နဲ့ .. နင်လုပ်တာနဲ့ ငါတို့ပါ ရောပြီး နာမည်ပျက်တော့မယ်.. အမှန်အတိုင်းပြော.. ဖြေရှင်း နိုင်ရင်လည်း.. ၀ိုင်းပြီး ဖြေရှင်းကြရအောင် '' လို့ ဆက်ပြောတယ်..။

ကျွန်တော်မကြာခန မက်မက်မောမော ခိုးခိုးကြည့်ခဲ့ရတဲ့ သူမရဲ့ မျက်ဝန်းနက်ကလေးတွေကို.. မ၀ံ့မရဲ ကြည့်ရင်း ရှက်ရွံ့အားငယ်မှု အပြည့်နဲ့ .. '' ငါးဆယ်ထဲ ယူသုံးထားတာပါဟာ '' လို့ ကျွန်တော်လည်း ပြောလိုက် ရော.. '' ဟယ်.. နင် ဘာတွေ လျောက်သုံးပစ်လိုက်တာလဲ.. ငါးဆယ်ကြီးများတောင် '' လို့ အံ့သြတကြီးနဲ့.. တခါမှ မမြင်ဖူးတဲ့ သတ္တ၀ါတကောင်ကို ကြည့်သလိုမျိုး သူမကြည့်နေခဲ့တယ်..။

''တခြားဟာတွေ ငါလျောက်သုံးပစ်တာ မဟုတ်ပါဘူးဟာ.. အိမ်ဈေးဖိုးလိုလို့.. သုံးလိုက်မိတာပါ.. အမေကလည်း.. ပြန်လာမယ့်ရက် ရောက်မလာလို့ အခက်အခဲ ဖြစ်နေတာ ..'' လို့ ကျွန်တော်ပြောတော့.

'' ငါ သေချင်တယ် '' လို့ မပွင့်တပွင့် သူမငြီးတယ်..။


စိတ်မညစ်ပါနဲ့ဟာ.. မနက်ဖန်တော့ အမေပြန်ရောက်မယ်ထင်ပါတယ် .. ပြန်ကြရအောင် လို့.. ကျွန်တော် ပြောပြောဆိုဆို.. ခြေလှမ်းစတော့.. ကျွန်တော့်နောက်က ခေါင်းငိုက်စိုက်ချပြီး မြမြ၀င်း လိုက်လာခဲ့တယ်..။

သူတို့အိမ်နားရောက်တော့.. ကျွန်တော့်နာမည်ကို.. ခပ်တိုးတိုးသူမခေါ်တယ်..။ ကျွန်တော်လှည့်အကြည့်မှာ.. '' ငါစုထားတဲ့ ပိုက်ဆံအစိတ် ရှိတယ်.. မနက်ဖန် ယူလာခဲ့မယ်.. ကျန်တာတော့ နင့်ဖာသာရှာ '' လို့ ပြောပြီး သူမလှည့်ထွက်သွားတယ်..။

အဲဒီနေ့ညက..ကျွန်တော်အိပ်မပျော်ဘူး..။ နောက်တနေ့မနက်အစောကြီးမှာ သဘောင်္ဆိပ် ကို ကျွန်တော် ရောက်နေခဲ့တယ်..။ အမေပြန်လာလို ပြန်လာငြား ဆိုတဲ့ မျော်လင့်ချက်နဲ့ပေါ့..။ ဆိပ်ကမ်းက.. ချောက်ကမ်းပါးပေါ်မှာ.. ခြေပစ်လက်ပစ်ထိုင်ပြီး.. ဧရာဝတီမြစ်ရဲ့ မြစ်ညာဖက်ဆီ.. ကျွန်တော် မမှိတ်မသုန် ထိုင်ကြည့်နေခဲ့တယ်..။

အမေသာ ရောက်မလာခဲ့ရင်.. ငါဘယ်လိုလုပ်ရပါ့လို့ တွေးရင်း မြေကျစ်စာခဲတွေကို ရေထဲ ရည်ရွယ်ချက်မဲ့ လှမ်းလှမ်းပစ်နေမိတယ်..။ တဖြည်းဖြည်းနဲ့ ကျောင်းတက်ချိန် နီးလာခဲ့တယ်..။ သင်္ဘောက ပုံမှန်ဆို.. မနက် ခြောက်နာရီခွဲ ခုနှစ်နာရီဆို ဆိုက်ပြီ..။ အဲဒီနေ့မှ.. ရှစ်နာရီထိုးပြီးတဲ့ အထိ.. မီးခိုးတန်းတောင် မမြင်ရသေးဘူး..။

သင်္ဘောလာအုံးတော့.. အမေက ပါချင်မှ ပါလာမှာလို့.. တွေးမိပြန်တယ်..။ အမေပါလာအုံးတော့.. ပိုက်ဆံက..ပါချင်မှ ပါလာမှာ လို့ ဆက်တွေးရင်း.. မွန်းကျပ်လာတယ်..။ ကိုယ့်ကိုယ်ကိုယ် သတ်သေကြတယ် ဆိုတာ.. ဒီလိုမျိုးတွေကြောင့်လားလို့တောင် မဆီမဆိုင် တွေးရင်း ချောက်ကမ်းပါး အောက်က မြစ်ထဲ စိတ်ကူးနဲ့ ခုန်ချနေမိတယ်..။

ကိုးနာရီထိုးခါနီးမှာတော့.. ခပ်လှမ်းလှမ်းရှင်မတောင်အခြေ မြစ်ညာဖက်မှာ.. မီးခိုးတန်း လေးတစ်ခု မှုန်ပျပျ စမြင်ရတယ်..။ ထခုန်မိမတတ်.. ပျော်လိုက်တာ..။ ဘုရားသကြားမလို့.. ကူးတို့သင်္ဘောဖြစ်ပါစေ.. ရေနံတင်သင်္ဘောမဖြစ်ပါစေနဲ့ လို့.. ဆုတောင်းရင်း.. မီးခိုးတန်းကို.. ကသိုဏ်းရှုသလို.. မျက်ချေမပြတ် ကြည့်နေမိတယ်..။

တဖြည်းဖြည်းနဲ့ နီးလာတော့မှ.. ကူးတို့သင်္ဘောမှန်း သေချာသွားတယ်..။ သင်္ဘော ဥသြသံနဲ့ အပြိုင်.. ကျွန်တော်နှလုံးသားက လှုပ်ရှားနေခဲ့တယ်..။ သင်္ဘောကမ်းကပ်ပြီး..ကုန်းဘောင် ထိုးတော့.. ခရီးသည်တွေ ပြုံဆင်းလာကြတယ်..။ တစ်ယောက်နှစ်ယောက် သုံးယောက်.. အမေ့ကို မတွေ့..။ ကုန်းဘောင်ပေါ်က အဆင်း ခရီးသည် ကုန်ခါနီးမှာ.. အမေ့ကို.. မြင်လိုက်ရတယ်..။

ဘ၀ရဲ့ စိတ်လှုပ်ရှားဖွယ် အကောင်းဆုံး အခိုက်အတန့်ပါပဲ..။ အမေ .. လို့ ၀မ်းသာအားရ အော်ပြီး ကျွန်တော်ပြေးဆင်းသွားခဲ့တယ်..။ အမေ့လက်ထဲက.. ခြင်းကို တုန်တုန်ရီရီနဲ့ ကျွန်တော်လှမ်းဆွဲရင်း အမေ့မှာ ပိုက်ဆံပါလား လို့ တတွတ်တွတ် ကျွန်တော်မေးနေခဲ့တယ်..။

ဒီကောင်လေး ဘာဖြစ်နေတာလဲ လို့.. အမေးအပြောကို.. ဂရုမစိုက်ဘဲ.. ပိုက်ဆံပါရင်.. ငါးဆယ် ပေးစမ်းပါ.. အရေးကြီးလို့..လို့ ကျွန်တော်ပြောတော့.. အမေလည်း အူကြောင်ကြောင်နဲ့.. ငါးဆယ် ထုတ်ပေးတယ်..။

အမေပေးတဲ့ ပိုက်ဆံကို.. ကျစ်ကျစ်ပါအောင်ဆုပ်ပြီး အမေ့ဖာသာ ဖြေးဖြေးလာခဲ့တော့ လို့ အော်ရင်း.. ကျောင်းဆီကို သုတ်ခြေတင် ခဲ့တော့တယ်..။ ချွေးသံတရွှဲရွှဲနဲ့ နောက်ကျပြီး ရောက်လာတဲ့ ကျွန်တော့်ကို ကျောင်းသားတွေက.. စပ်စုတဲ့ မျက်လုံးနဲ့ဆီးကြိုကြတယ်..။

ကျွန်တော့်မျက်ဝန်းထဲက.. ၀မ်းသာနေတဲ့ အရိပ်အယောင်ကို တွေ့တော့.. မြမြ၀င်း သက်ပြင်းချတယ်..။ မုန့်စားလွှတ်တဲ့အချိန်မှာ.. အမေပြန်ရောက်လို့ အဆင်ပြေသွားပြီ.. နင့်ဆီက.. ပိုက်ဆံမယူတော့ဘူး.. သိပ်ကျေးဇူးတင်တယ်ဟာ.. လို့ ကျွန်တော်ကပြောတော့.. '' နင် လုပ်လိုက်ရင် အသည်းအသန်ပဲ.. နောက်ကျလို့ ငါက စိုးရိမ်နေတာ.. လိုလိုမယ်မယ်.. ငါ့အမေ့ဆီကတောင် အစိတ်ယူခဲ့သေးတယ်.. '' လို့ သူမက ပြုံးရင်းပြန်ပြောတယ်..။


အဲဒီနေ့က..ကျွန်တော်တို့နှစ်ယောက်ရဲ့ အဖြစ်နောက်.. ဆယ်စုနှစ်တစ်ခုလောက်ကြာမှ ထူးအိမ်သင်ရဲ့ '' စကားလုံးမရှိတဲ့ ကောင်းကင် '' သီချင်း ပေါ်လာခဲ့တာပါ..။

5 comments:

Mr.Guiter said...

တော်တော်လေး ကောင်းတယ်။

sawdawna said...

very good post...

Aye Myat Myat Ko said...

မိုက်တယ်ဗျ နောက်ဆုံး စာသားလေးက
:)

kyaw said...

ဂွတ်တယ် အကိုရေ...

thu thu win said...

နောက်ဆုံးစာသားလေးက လန်းသဗျို့ ဆရာရေ။
ကျွန်မက ဆရာရဲ့ဂျူနီယာပါ။ စက်မှုအီလက်ထရောနစ်နဲ့ ကျောင်းပြီးပါတယ်။
လေးစားခင်မင်လျက်ပါ။