Tuesday, July 8, 2008

14.3 ချစ်ရပါသော ယပလက်သူ

ပထမအဆုံးအပတ် ပိတ်ရက်မှာ ကျွန်တော်တို့ကို ရှေးဟောင်းမြို့တော်တစ်ခုဆီ လိုက်ပို့ကြတယ်..။ သိပ်ဝေးဝေးလံလံတော့ မဟုတ်ပါဘူး..။ ဘန်ကောက် ဆင်ခြေဖုံး နားမှာပါပဲ..။ ယိုးဒယားမလေး တစ်ယောက်က ကျွန်တော်တို့အဖွဲ့ကို လိုက်ရှင်းပြတယ်..။

စရှင်းပြကတည်းက မြန်မာဘုရင်တွေ လာတိုက်လို့.. မြို့တော်ကို ဒီနေရာရွှေ့လာခဲ့ရတယ်လို့ သူမက ပြောတယ်..။ တစ်နေရာရောက်တော့ ဆင်ရုပ်မြင်းရုပ်တွေနဲ့ စစ်သားရုပ်တွေ တိုက်ပွဲ ဖြစ်နေတဲ့ ပုံစံလုပ်ထားတာကို တွေ့ရတယ်..။ ရှေးမြန်မာ စစ်သားတွေ ၀တ်စား ဆင်ယင်ထားတဲ့ အတိုင်း ထုလုပ်ပြသထားတာပဲ..။ ယိုးဒယားမက ဒါတော့ သိပြီးသားမဟုတ်လား လို့ မြန်မာစစ်သားရုပ်တုကို လက်ညှိုးထိုးပြီး မေးတယ်..။

ဆိုင်တော့မဆိုင်ဘူး..။ မျက်နှာပူသလိုလိုတော့ ဖြစ်မိတယ်..။ ဒါပေမယ့် ပေါ့ပေါ့ပါးပါး ပါပဲ..။

အဲဒီမြို့ဟောင်းထဲမှာ.. ထူးထူးဆန်းဆန်းနေရာတစ်နေရာရှိတယ်..။ ပိသုကာ လက်ရာကလဲ.. ဆန်းပြားတယ်..။ ကမ္ဘောဒီးယားနိုင်ငံက အဲဒီနေရာကွက်ကွက်လေးက သူတို့ပိုင်တဲ့ နေရာ ဆိုပြီး နှစ်နိုင်ငံ အငြင်းပွားနေတယ်လို့.. သိရတယ်..။

အဲဒီပိသုကာ လက်ရာဟာ..ကမ္ဘောဒီးယားနိုင်ငံမှာသာ တွေ့ရနိုင်တဲ့ လက်ရာဖြစ်နေလို့ အဲဒီလို အငြင်းပွားနေကြတာလို့ သိရတယ်..။ ယိုးဒယားမ ရှင်းပြတာကို မှတ်မိသလောက်ပြောရရင်.. (မှားကောင်းမှားနိုင်ပါတယ်) အဲဒီနေရာဟာ.. ရှေးယိုးဒယားလူမျိုးတွေ.. အပျိုစစ်မစစ်.. သစ္စာဆို စစ်ဆေးတဲ့ နေရာလို့ နားလည်မိတယ်..။

ကျွန်တော်တို့ဆီက.. တောင်ပေါ်ဘုရားဆောင်းတန်းလိုမျိုး တောင်ကမုလေးတစ်ခုပေါ်မှာ.. အဲဒီအဆောက်အဦးကို ဆောက်ထားတယ်..။ ဆောင်းတန်းလို ဟာလာဟင်းလင်းကြီး တော့မဟုတ်ပါဘူး..။ အဆောက်အဦးတစ်ခုနဲ့ ပိုတူတယ်..။ ခပ်စောင်းစောင်းဖောက်ထားတဲ့ တံခါးပေါက်လေးတွေ ရှိတယ်..။

နှစ်တစ်နှစ်ရဲ့ လပြည့်နေ့တစ်နေ့မှာ.. အဲဒီတံခါးပေါက်အားလုံးကို လရောင်က တန်းတန်း မတ်မတ်ဖြတ်သွားတယ်လို့.. ဆိုတယ်..။ (ဘယ်ရက်ရယ်လို့တော့ သေချာမပြောပါ )

အဲဒမြို့ဟောင်းထဲမှာ.. ဟိုဟိုဒီဒီ လျောက်ကြည့်နေတုံး.. ထိုင်းမလေး သုံးယောက်ကို တွေ့တယ်။ ဂျင်းပင် ကိုယ်စီနဲ့ ကြည့်ပျော်ရှုပျော်လေးတွေပေါ့..။

ဆတ်ဆော့ပြီး.. လိုက်ပို့တဲ့.. ယိုးဒယား တွေကို.. သတို့နဲ့ မိတ်ဆက်ချင်တယ်..။ ဖြစ်မလား လို့ မေးတော့.. သိပ်ဖြစ်တာပေါ့ ဆိုပြီး သတို့နဲ့ ကျွန်တော်တို့အဖွဲ့ကို မိတ်ဆက်ပေးတယ်..။

အတော့်ကို.. ဖော်ဖော်ရွေရွေ ရှိကြတယ်..။ အလုပ်ပိတ်ရက်မို့ သတို့လဲ.. ရှေးဟောင်းမြို့တော်ထဲ လာကြည့် ကြတာလို့ သိရတယ်..။ ကျွန်တော်တို့ စက်မှုဇုံနဲ့ မလှမ်းမကမ်း စက်မှုဇုံတစ်ခုမှာ ရှိတဲ့.. အထည်ချုပ်စက်ရုံတစ်ရုံမှာ.. အလုပ်လုပ်ကြ နေကြသူလေးတွေပဲ..။

ဘာသာစကားက မပေါက်တော့.. တစ်ယောက်နဲ့တစ်ယောက် ငါးမိနစ်ခြားတစ်ခါလောက် ပြုံးပြနေတာနဲ့ပဲ ပြီးနေတယ်..။ ဒါပေမယ့်.. မိတ်ဆက်ပြီးနောက်မှာတော့.. သတို့အဖွဲ့နဲ့ ကျွန်တော်တို့အဖွဲ့ ပေါင်းသွားခဲ့တယ်..။

ထုံးစံအတိုင်း အကျင့်မကောင်းတဲ့ (အကျင့်ပါနေတဲ့) ကျွန်တော့်နှလုံးသားက.. ဘာသာမတူ လူမျိုးမခွဲဘဲ..သတို့ထဲက တစ်ယောက်ကို.. ကြိုက်သွားတယ်..။ ( မြန်လိုက်တာ )

မတောက်တခေါက် ထိုင်းစကားနဲ့.. သူမကို ကျွန်တော်က လှတယ်.. လို့ ပြောတယ်..။ သူမက ပြုံးပြီး ကျေးဇူးတင်တယ်လို့ ပြန်ပြောတယ်..။ ခြေဟန်လက်ဟန် အမူအရာပေါင်းများစွာနဲ့ သူမနဲ့ကျွန်တော် ရင်းနှီးမှုကို တည်ဆောက်မိကြတယ်..။

ရှေးဟောင်းမြို့တော်အနှံ့ ကျွန်တော်တို့ လျောက်ကြည့်ကြတယ်..။ ဓါတ်ပုံတွေ ရိုက်ကြတယ်..။ နှစ်ကိုယ်တည်းလဲ ရိုက်တယ်..။ မချောသုံးယောက် ကိုယ်တစ်ယောက်လဲ ရိုက်တယ်..။

အချိန်တန်တော့.. လမ်းခွဲရဖို့ ဖြစ်လာတယ်..။ ဘော်ဒါယိုးဒယားတွေနဲ့ လက်သိပ်ထိုး တိုင်ပင်ပြီး .. အပြန်လမ်းမှာ.. ညနေစာအတူစားကြရအောင် စီစဉ်ကြတယ်..။ အနီးအနားက.. စားသောက်ဆိုင်တစ်ခုမှာ.. ညစာ အတူစားကြပြီး.. သတို့နေတဲ့ စက်ရုံကို.. ကျွန်တော်တို့ကားနဲ့ လိုက်ပို့ကြတယ်..။ သတို့က စက်ရုံအဆောင်မှာ နေကြတာပဲ..။

အဆောင်ရှေ့မှာ..ကျွန်တော်တို့နှစ်ယောက် နှုတ်ဆက်နေတာကို.. နှစ်ဖက် ဘော်ဒါတွေက.. စောင့်နေကြရတယ်..။ နောက်ဆုံးတော့..ကျွန်တော်နေတဲ့ အိမ်ဖုံးနဲ့ စက်ရုံဖုံးကို ပေးခဲ့ပြီး.. ဟာတာတာနဲ့.. ကျွန်တော်ပြန်ခဲ့တယ်..။

နောက်တစ်နေ့မှာ..သူမဆီက.. ဖုံးလာတယ်..။ အပြင်မှာ လူချင်းတွေ့တာတောင်.. နားလည်အောင် မနည်းပြောရတာ..။ တယ်လီဖုံးထဲမှာ တစ်ယောက်နဲ့တစ်ယောက် ထိုင်းမဟုတ် မြန်မာမဟုတ်.. အင်္ဂလိပ်မဟုတ် နဲ့ ဘာတွေပြောမိမှန်းတောင် ကိုယ်ကိုကိုယ် မသိကြတော့ဘူး..။ မျောက်နှစ်ကောင် တယ်လီဖုံးဆက်တာကမှ.. ကျွန်တော်တို့ထက် သာအုံးမယ်..။

ဒါပေမယ့်.. ဘာသာစကား မလိုတဲ့.. သံယောဇဉ်အမျှင်တန်းကတော့.. ပိုလို့ တိုးလာခဲ့တော့တယ်..။

တဖြည်းဖြည်းနဲ့ နေသားကျလာတော့.. ထိုင်းစကားလဲ အတော်လေး နားလည်လာခဲ့တယ်။
ပင်ပမ်းနေလား.. သိပ်လှတယ်.. သတိရနေမိတယ်.. ညက အိပ်မပျော်ဘူး.. ချစ်တယ် ... အစရှိတာလေးတွေကိုလဲ ထိုင်းလို ပြောတတ်နေပြီ..။ သူမနာမည်ကိုတောင် ထိုင်းလို ရေးတတ်နေခဲ့ပြီ..။

တစ်ညနေ သူမနဲ့ တွေ့တုံး .. သူမရဲ့ လက်ကိုလှမ်း.. လက်ဖ၀ါးလေးကို ဖြန့်ပြီး ဘောပင်နဲ့ သူမနာမည် ကျွန်တော်ရေးပြလိုက်တယ်..။ အံ့သြတဲ့ အကြည့်တွေကို နှစ်နှစ်ကာကာ ပြုံးပြီး သူမအဆုံးသတ်လိုက်တယ်..။ အဲဒီနောက် ချက်ခြင်းပဲ ကျွန်တော့်လက်ထဲက ဘောပင်ကို ဆွဲယူပြီး စာရွက်တစ်ရွက်နဲ့ အခုလို သူမ ချရေးတယ်..။

I love you ...

Right here waiting for you..
Please forget me not...

ကြည့်လိုက်တာနဲ့.. သီချင်းခေါင်းစဉ်တွေမှန်း သိပေမယ့် အတော့်ကို ကြိုးစားပမ်းစား သူမ ရှာဖွေတွေးတော ခဲ့ရမယ်ဆိုတာကိုကျွန်တော်နားလည် လိုက် မိတယ်..။ ကျွန်တော်လဲ.. အားကျမခံ ဘောပင်ပြန်ယူပြီး အောက်ကနေ အခုလို ရေးလိုက်တယ်..။

I love you more than I can say..

Everything I do, I do it for you..

အခုနေပြန်တွေးကြည့်တော့.. ရယ်ချင်တင်တင်ဖြစ်ပေမယ့်.. အဲဒီတုံးကတော့ ကျွန်တော်နဲ့ သူမ ရယ်စရာ လို့တောင် မထင်ခဲ့ကြပါဘူး..။


2 comments:

Htoo Myat said...

ဟားဟားဟားဟား မိုက်သကွာ...
စွေမမတွေ ချန်းရတ်ခ်ထယ် တွေ ဘာတွေ ချပေါ့ဗျ။ အဟီး... အဲဒီကတည်းက ထိုင်းမလေးတွေက တော်တော်လှနေပြီ ထင်တယ်ဗျ။

tututha said...

Only U တို့ U needed me တို့ မပါဘူးလားဟင် :P