Tuesday, July 29, 2008

16.2 သုံးဆယ့်တစ်ဘုံ ဆမိတ်ခုံ

မန္တလေးနဲ့ ပတ်သက်ပြီး ဆိုရိုးတစ်ခု ရှိခဲ့ဘူးတယ်..။ ပျင်းပျော်ပျက်ပြေး မန္တလေး လို့ ကျွန်တော်တို့ငယ်စဉ် က ကြားဖူးတယ်..။ မန္တလေးရောက်စမှာ ပျင်းမယ်..။ ပြီးရင်ပျော်လာမယ်..။ နောက်တော့ ပျက်စိးပြီး.. မန္တလေးကနေ ထွက်ပြေးတာနဲ့ အဆုံးသတ်မယ်လို့ ဆိုလိုတာပဲ..။ ( မောင်ကယ်လ်ဗင် ဟုတ်လား.. )

ကျွန်တော်တို့ ရွာကိုတော့.. သုံးဆယ့်တစ်ဘုံ ဆမိတ်ခုံ လို့ ခေါ်ကြတယ်..။ ရွာရဲ့ နာမည်အမှန်က.. ဆီမီးခုံ..။ ဒါပေမယ့် ဖတ်တော့အသံ ဆိုတဲ့ အတိုင်း.. ဆမိတ်ခုံ လို့ပဲ ပြောကြညွှန်းကြတယ်..။ ဆမိတ်ခုံလို့ ပြောမှပဲ နားလည်ကြတယ်..။ ရေးရင်တော့ ဆီမီးခုံ ပေါ့..။

ရွာမှာ.. လူပေါင်းစုံ အလွှာပေါင်းစုံ အကျင့်စရိုက်ပေါင်းစုံ ရှိတယ်..။ အဲဒါကြောင့်ပဲ သုံးဆယ့်တစ်ဘုံ ဆမိတ်ခုံလို့ ခေါ်တာ..။ ရွာသမိုင်းနဲ့ ပတ်သက်လို့ ကြီးကြီးကျယ်ကျယ်ပြောရရင်တော့.. သမိုင်းကြောင်းတို့ ထုံးစံအတိုင်း အလောင်းစည်သူမင်းကြီး တိုင်းခန်းလှည့်လည်တာက စပြောရမှာပဲ..။

အဲဒီမင်းကြီးက လက်ညှိုးညွှန်ရာ ရေဖြစ်တယ်လို့ .. မြန်မာ့သမိုင်းမှာ.. နာမည်ကြီးတယ်..။ (အခုအချိန်အထိ အသက်ရှင်နေရင်ကောင်းမှာ.. သူ့ကို ရေအရင်းအမြစ်ဌာနမှာ.. ခန့်ရမယ်..) အဲဒီလက်ညိုးညွှန်ရာ ရေဖြစ်တဲ့ မင်းကြီးက ဖောင်စကြာကြီးစီးပြီး တိုင်းခန်းလှည့်လည်သတဲ့..။ ပြီးတော့ ဘာအကြောင်းနဲ့မှန်းမသိဘဲ.. သူ့ဖောင်တော်ကြီးပေါ်မှာ.. ဆီမီးတစ်ထောင် ထွန်းညှိသတဲ့..။ အဲဒီလို ထွန်းညှိထားတဲ့ ဆီမီးတွေက.. ကျွန်တော်တို့ ရွာဖြစ်မယ့် နေရာကို ဖောင်တော်အရောက်မှာ.. ငြိမ်းသွားသတဲ့..။

အဲဒီမှာ.. သူ့ထွန်းတဲ့ ဆီမီးကုန်သွား (ငြိမ်းသွား) တဲ့ နေရာကို.. '' ဆီမီးကုန် '' ဆိုတဲ့ နာမည်နဲ့ ရွာတည်စေလို့ အလောင်းစည်သူမင်းကြီးက မိန့်တော်မူသတဲ့..။ အဲဒီကနေ.. ဆီမီးကုန် ဆိုတဲ့ ရွာ ဖြစ်လာသတဲ့..။ နောက်တော့ (ထုံးစံအတိုင်း) ကာလရွေ့လျောပြီး.. ဆီမီးကုန်က နေ ဆီမီးခုံ လို့ ဖြစ်လာသတဲ့..။

ယုံချင်ယုံမယုံချင်နေ.. ကျွန်တော်မှတ်သားခဲ့ရတဲ့ ရွာသမိုင်းကြောင်းကတော့.. အဲဒီအတိုင်းပဲ..။ အဲ ဒါပေမယ့်.. ရွာနဲ့ ပတ်သက်လို့.. ထင်ရှားတဲ့.. သမိုင်းကြောင်းကတော့.. ဥမ္မာဒန္တီပျို့ကို ရေးတဲ့ စာဆိုတော် ဦးရွှန်းဆိုတာ သူ့ခေတ်သူ့အခါက.. ကျွန်တော်တို့ရွာကို အပိုင်စားရတဲ့ ရွာစား..။ ဦးရွှန်းအပိုင်စားရတဲ့ ရွာက ကျွန်တော်တို့ရွာအပါအ၀င် သုံးရွာရှိတယ်..။ ကျွန်တော်တို့ရွာနဲ့ မြစ်ခြားတဲ့ သာထွန်း ဆိုတဲ့ ရွာရယ်.. ကျွန်တော်တို့နဲ့ မြစ်တစ်ဖက်ကမ်းထဲက ငါ့နန်း ဆိုတဲ့ ရွာရယ်ပေါ့..။ ငါ့နန်း ဆိုတာကြီးကလည်း တမျိုးကြီးနော်..။ ( စကားပြောရင်တော့ ငနန်းလို့ ပဲ ပြောကြပါတယ် )

ကျွန်တော်တို့ရွာရဲ့ မြစ်ညာဖက်မှာ.. ငါန်းမြာကြီး ဆိုတဲ့ ရွာရှိတယ်..။ '' တံတားဦးက ကွမ်းနုဝါ၊ ငါန်းမြာက ဆေး၊ ကိုင်းထုံး ပြည်ရှား နဲ့ သာဝါးလို့ ထွေး '' ဆိုတဲ့.. သံပေါက်ထဲက.. ငါန်းမြာပေါ့..။ ရွာရဲ့ မြစ်ကြေ( အောက် ) ဖက်မှာတော့.. မြန်မာ့သမိုင်းမှာ ရန္တပို စာချုပ်လို့ နာမည်ကြီးတဲ့.. ရန္တပို ရွာလေးရှိတယ်..။

အားလုံးက ဧရာဝတီ မြစ်တကြောက ရွာတွေပေါ့..။

အဲဒါက.. သမိုင်းကြောင်းနဲ့ ဆက်နွယ်ပြီး လျောက်ပြောကြည့်တာ..။ ကျွန်တော်ရွာမှာရှိတဲ့ အချိန်.. တနည်းအားဖြင့် ကျွန်တော်တို့ခေတ်မှာကျတော့.. ရွာနဲ့ပတ်သက်တဲ့ ဆိုရိုးက တမျိုး ဖြစ်သွားပြီ..။

'' မိန်းမလိုချင် ဆမိတ်ခုံဝင်၊ ရလိုရငြား သာထွန်းသွား၊ မရအဆုံး နေပူကုန်း '' တဲ့..။

သာထွန်း နဲ့ နေပူကုန်း ဆိုတာတွေက.. မြစ်အနောက်ဖက်ကမ်းက ရွာတွေ..။ ကျွန်တော်တို့ ရွာက မြစ်အရှေ့ဖက်ကမ်းကရွာ..။ ပုဝါပါးနဲ့ ကြက်သားထုတ်တဲ့ ရွာသူတွေ များလာလို့ ပေါ်ပေါက်လာတဲ့ ဆိုရိုးပေါ့..။ တနယ်တကျေးက မိန်းမလိုချင်တဲ့သူတွေ.. ကျွန်တော်တို့ ရွာကို အရင်ဝင်ပါ.. မိန်းမရဖို့ သေချာသလောက်ပဲလို့ ဆိုလိုတာပါ..။ အကယ်လို့များ ကျွန်တော်တို့ရွာမှာမှ မိန်းမမရရင် မြစ်တဖက်ကမ်းကူးပြီး သာထွန်းဆိုတဲ့ ရွာကို သွား၊ အဲဒီရွာကမှ မရလို့ကတော့ နေပူကုန်းဆိုတဲ့ ရွာမှာ သေချာပေါက် ရကိုရတယ်လို့ ရွာဖက်မှာ ပြောလေ့ရှိကြတယ်..။

.. .. .. .. .. .. .. .. .. ..

အဲဒီဆိုရိုးက.. ရွာကို သဘောင်္ပျက်ဖော်တဲ့ သူတွေ ရောက်လာတာကနေ ပေါ်လာတာပဲ..။ ကျွန်တော်တို့ရွာနားက မြစ်ထဲမှာ.. ရေအောက်မြုပ်နေတဲ့ သဘောင်္ပျက်တော်တော်များများ ရှိတယ်..။ ဒုတိယကမ္ဘာစစ်က မြုပ်တာလိုလို.. မဟာမိတ်တပ်တွေပိုင်တဲ့.. ရွှေချောင်းတွေသယ်လာတဲ့ သင်္ဘောတွေ မြုပ်သွားတာလိုလို.. ကောလဟလ တွေ တပုံကြီးပေါ့..။ ဘယ်သူမှတော့ သေချာမသိပါဘူး..။ ဒီလိုပဲ ထင်ရာပြောနေကြတာပဲ..။

အလောင်းစည်သူမင်းကြီး လက်ညှိုးအထိုးလွန်လို့ ရေတွေကြီးပြီး သူစီးလာတဲ့ဖောင်စကြာကြီးတောင် ရွာနားမှာ မြုပ်သွားခဲ့တယ်လို့ မပြောတာပဲ တော်သေးတယ်..။

ဒါပေမယ့်.. ဘယ်တုံးက ဘာတွေ သယ်လာတဲ့ သဘောင်္တွေမှန်းသာ မသိတာ.. ရွာနားမှာ.. ရေအောက်မြုပ်နေတဲ့ သဘောင်္သုံးလေးစီးရှိတာတော့ သေချာတယ်..။ ကျွန်တော်တို့မျက်စိရှေ့မှာတင် သင်္ဘောပျက်ဖော်တဲ့သူတွေ ဖော်တင်သွားတဲ့ သင်္ဘောသုံးစီး ရှိတယ်..။ သူတို့တတွေ.. လူတွေပြောနေသလို.. သင်္ဘောပျက်ထဲက ရွှေချောင်းတွေ တကယ်ရမရတော့ မသိဘူး..။ ရွာသူ လေးငါးယောက်တော့ သူတို့နဲ့ ညားသွားခဲ့တယ်..။

သင်္ဘောပျက်ဖော်တဲ့အလုပ်က နှစ်ချီကြာတယ်..။ မြင်မြင်ချင်းတောင် ချစ်ကြသေးတာဆိုတော့.. တစ်နှစ်လောက် ဆိုတဲ့ အချိန်ဟာ.. တူနှစ်ဖြာရွှေဂဟေဆက်ဖို့ သိပ်လုံလောက်တာပေါ့..။ ရွာနားက သင်္ဘောပျက်ဖော်ပြီးတော့.. သာထွန်းနားက သင်္ဘောပျက်ကို ဖော်..။ နောက်ဆုံးသင်္ဘောက.. နေပူကုန်းရွာနားမြုပ်နေတဲ့ သင်္ဘော..။

ရွာနား သင်္ဘောဖော်တုံးက မစွံတဲ့ လူက.. သာထွန်းမှာ စွံ..။ သာထွန်းမှာ မစွံတဲ့သူက နေပူကုန်းမှာ.. မိန်းမရ..။ အဲဒီကနေ..'' မိန်းမလိုချင် ဆမိတ်ခုံဝင်၊ ရလိုရငြား သာထွန်းသွား၊ မရအဆုံး နေပူကုန်း '' လို့ .. ပြောစမှတ်ကို တွင်ရော..။

1 comment:

kyaw said...

အကိုပြောမှသတိရတယ်..ဆယ်တန်းတုန်းက
သူငယ်ချင်းမလေးတစ်ယောက်က ဆမိတ်ခုံ
ကဗျ....ထွန်းထွန်းကိုထွင်းထွင်း
ကျွန်းကို ကျွင်း လို့ ထွက်တဲ့ ရွာမလားဗျ