Sunday, July 27, 2008

16.4 တဖက်သတ်သိန်းဝင်း

မုန့်ဟင်းခါးသည် ဒေါ်တင်အေး ဆိုလို့ ပြောရဦးမယ်..။ သူ့မှာ သိန်းဝင်းလို့ ခေါ်တဲ့ သားတစ်ယောက်ရှိတယ်..။ တစ်ရွာလုံး သူမကြိုက်ဖူးတဲ့ မိန်းကလေး မရှိသလောက်ပဲ ..။ တဖက်သတ်သိန်းဝင်းလို့ ကျွန်တော်တို့က နာမည်ပြောင်ပေးထားတယ်..။ အားလုံး သူက တဖက်သတ်ကြိုက်တာချည်းပဲ..။ ဘယ်သူမှ ပြန်မကြိုက်ပါဘူး..။

ဒါတောင်.. ကျမသားကသိပ်ပွေတာ ၊ မျက်နှာများလွန်းလို့.. စိတ်ညစ်ပါတယ်လို့ ဒေါ်တင်အေးက အကြောင်း သင့်တိုင်း ငြီးတာလိုလို ကြွားတာလိုလို ပြောတတ်သေးတယ်..။ တစ်ဦးတည်းသော သား ဆိုတော့လည်း.. မြှောက်တွေး တွေးပြီး ပြောတာနေမှာပေါ့..။

သိန်းဝင်းကလည်း ဇမသေးဘူး..။ သူတဖက်သတ်ကြိုက်နေတဲ့ ခင်လှ မန္တလေးဈေးဝယ်သွား တာကို သူနဲ့ ထွက်ပြေးပါပြီဆိုပြီး လုပ်ကြံသတင်းလွှင့် တယ်..။ ရွာကနေ မန္တလေးကို သွားကြရင်.. အနည်းဆုံး နှစ်ညသုံးညအိပ် သွားကြတာဆိုတော့.. ထင်မယ်ဆိုလည်း ထင်စရာပဲ..။ တယ်လီဖုန်းမရှိ ဘာမရှိဆိုတော့.. ခင်လှ ပြန်မလာမချင်း တစ်ရွာလုံး သို့လောသို့လောပေါ့..။ သိန်းဝင်းကလည်း.. ခင်လှနဲ့တပြိုင်နက် ရွာကပျောက်သွား လေတော့.. ဟုတ်များဟုတ်နေပြီလားလို့ တချို့လည်း တွေးနေကြတာပေါ့..။

အချိန်တန်တော့ ခင်လှလည်း မန္တလေးကနေပြန်လာ..။ သိန်းဝင်းလည်း တခြားရွာသွားရှောင်နေတာကနေ ပြန်လာ..။ ကျွန်တော်တို့နှစ်ယောက် ထွက်ပြေးတယ်လို့ ဘယ်သူ မဟုတ်တယုတ် သတင်းလွှင့်တာလဲ လို့ မောင်မင်းကြီးသားကတောင် အတည်ပေါက်နဲ့ ရန်ရှာချင်သေးတယ်..။

ကျမသားကို သွားပုပ်လေလွှင့် ပြောတဲ့သူတွေ ကျမနဲ့ တွေ့မယ်လို့ ဒေါ်တင်အေးကပါ အကဲဝင်ပိုလိုက်သေးတယ်..။

အဲဒီလောက်နဲ့ပြီးသွားလားဆိုတော့ မပြီးသေးဘူး..။ ညည ခင်လှတို့အိမ်နားမှာ.. လူတစ်ယောက်က.. '' ဒေါ်တင်အေးသား သိန်းဝင်းက ခင်လှကို ကြိုက်လို့ပါတဲ့ဗျို့.. '' ဆိုပြီး အော်အော်ပြေးတဲ့ သတင်းက ထွက်လာပြန်တယ်..။ လျပ်စစ်မီးမရှိ လမ်းမီးမရှိဆိုတော့.. ဘယ်သူအော်ပြေးမှန်း မသိဘူးပေါ့..။

ဒေါ်တင်အေးကတော့ သူ့သားကို နာမည်ဖျက်ရကောင်းလားဆိုပြီး စိတ်တွေဆိုးနေရှာတယ်..။ သိန်းဝင်းကတော့ အော်ပြေးတဲ့ကောင် မိလို့ကတော့ နုတ်နုတ်စင်းပစ်မယ် လို့ ကြိမ်းတယ်..။

ခင်လှတို့ဖက်ကလည်း.. တစ်ခါကနှစ်ခါဆိုတော့.. သည်းမခံနိုင်တော့ဘူး..။ တစ်ည.. '' ဒေါ်တင်အေးသား သိန်းဝင်းက ခင်လှကို ချစ်လို့ပါတဲ့ဗျို့ '' လို့ အသံကြားတာနဲ့ ခင်လှတို့ ဆွေမျိုးတတွေ .. အော်တဲ့ကောင်ကို ၀ိုင်းဖမ်းကြတယ်..။

ကွိကနဲ မိတယ်..။ အဲဒီတော့မှ.. ညတိုင်းလာလာအော်နေတာ.. သိန်းဝင်းကိုယ်တိုင် ဖြစ်နေမှန်း သိကြရတယ်..။

ရွာမှာတစ်လ လောက် ပြောမပြီးတဲ့ ဇာတ်လမ်းတစ်ပုဒ်ဖြစ်သွားခဲ့ရတယ်..။

ဒါတောင် ဒေါ်တင်အေးက လေသံ သိပ်လျော့ ချင်တာ မဟုတ်ဘူး..။ အပျို လူပျို ချစ်တယ်ကြိုက်တယ် ပြောတာ အစမ်းလုပ်လို့.. သိန်းဝင်းက ခင်လှကိုကြိုက်တာ ရာဇ၀တ်မှုမှ မဟုတ်တာ.. လို့ ဟောင်ဖွာ ဟောင်ဖွာလုပ်နေသေးတယ်..။

သိန်းဝင်းအဖေ ဦးတင်လေးကတော့ ငါ့သားရာ မင်းမို့ အရှက်မရှိကွာ လို့ မချင့်မရဲ ပြောရှာတယ်..။ ဦးတင်လေးက လူရိုးကြီး..။ သူ့သားကိုလည်း သိပ်ချစ်ရှာတယ်..။ သူ့သားဘာလုပ်လုပ် ဆူတာငေါက်တာ မရှိသလောက်ပဲ..။ အမေလုပ်တဲ့ ဒေါ်တင်အေးကလည်း.. သိန်းဝင်းကို အလိုလိုက်ထားလေတော့ ကျားအတောင်ပံ တပ်ပေးထား သလို ဖြစ်နေတော့တာပေါ့..။

သိန်းဝင်းက ဆယ်တန်းကို တဘုန်းဘုန်းကျတယ်..။ အောင်တဲ့ အသံလည်း အခုထိ မကြားပါဘူး..။ အပြင်ဖြေ ဖြေရင်း အခန်းစောင့် ဆရာမနဲ့ အကြီးအကျယ် ကွိုင်တက်လို့ ကြားထဲမှာ.. သုံးနှစ်လောက် နားလိုက်ရသေးတယ်..။ သိန်းဝင်းဆယ်တန်းအပြင်ဖြေ ဒုတိယနှစ်မှာ.. ဒေါ်ညွန့်ညွန့်ဆိုတဲ့ အပေါက်ဆိုးဆိုး ဆရာမ အခန်းစောင့်ကျတယ်..။

အဲဒီဆရာမက အဖမ်းအဆီးမှာ.. ဆာပုလင်းနှင်းမောင်ထက်သာတယ်..။ သိန်းဝင်းကလည်း.. ရွတ်တွတ်တွတ် ဆိုတော့ တွေ့ကြတာပေါ့..။ သိန်းဝင်းက ခိုးမလို့ စာရွက်တစ်ရွက် ဒေါ်ညွန့်ညွန့် အလစ် ထုတ်တယ်..။ ပထမဆုံး စာကြောင်းတောင် ပြီးအောင် မကူးရသေးဘူး.. ဒေါ်ညွန့်ညွန့်လက်ထဲ အဲဒီစာရွက်ပါသွားတယ်..။ နောက်တစ်ရွက် သိန်းဝင်း ထပ်ထုတ်တယ်..။ လယ်ထဲက ကြွက် သိန်းငှက် ကုတ်တာကမှ.. နှေးအုံးမယ်..။ ကြည့်တောင် မကြည့်ရသေးဘူး.. ဒေါ်ညွန့်ညွန့်လက်ထဲ ပါသွားပြန်တယ်..။

ထုတ်လိုက် .. ပါသွားလိုက် နဲ့ ကြာတော့.. သိန်းဝင်း မခံစားနိုင်တော့ဘူး..။ မေးခွန်းထဲ ပါသမျ စာရွက်ကလည်း ဒေါ်ညွန့်ညွန့် သိမ်းလို့ ကုန်ပြီ..။ ခိုးဖို့ ယူလာတဲ့ စာရွက်လက်ကျန်တွေကလည်း.. မေးတဲ့ ထဲမှာ မပါလေတော့.. အပိုလို ဖြစ်သွားပြီ..။ စိတ်ဓါတ်ကျကျနဲ့ သေးပေါက်သွားမယ် လို့ သိန်းဝင်း ထ ခွင့်တောင်းတယ်..။

ဒေါ်ညွန့်ညွန့်ကလည်း.. မယုံသင်္ကာဆိုတော့.. အိမ်သာကို ကိုယ်တိုင်လိုက်ပို့တယ်..။ နဂိုရ်ကမှ စိတ်တိုနေတာ ဆိုတော့.. သိန်းဝင်းက အိမ်သာထဲမ၀င်ဘဲ အပြင်ဖက်မှာ.. ဒေါ်ညွန့်ညွန့်ဖက်လှည့် ပုဆိုးလှန်ပြီး သေးကော့ပန်းပါလေရော..။

ဟယ်.. ယုတ်မာလိုက်တာ ဆိုပြီး အပျိုကြီး ဒေါ်ညွန့်ညွန့် မျက်စိမျက်နှာပျက်ပြီး တချိုးတည်း ပြန်ပြေးပါလေ ရော..။ သိန်းဝင်းလည်း စာမေးပွဲဖြေခွင့် သုံးနှစ်အပိတ်ခံလိုက်ရတယ်..။

အိမ်သာနားမှာ.. မတော်တရော် လုပ်ပြတာကြောင့် သုံးနှစ်အပိတ်ခံရတာမဟုတ်ဘူး..။ ရင်တုန်ပန်းတုန်ဖြစ်နေတဲ့ အပျိုကြီး ဆရာမကို.. စာမေးပွဲခန်းထဲ ပြန်ရောက်ရောက်ခြင်း သိန်းဝင်း က လက်ဆွဲလို့ ပြဿနာကြီးသွားတာ..။ ကြည့်ရတာ သိန်းဝင်းလည်း မထူးဇာတ်ခင်းဟန်တူပါတယ်..။

အိမ်သာကနေ စပ်ဖြီးဖြီး မျက်နှာ နဲ့ သိန်းဝင်းပြန်လာတယ်..။ ဒေါ်ညွန့်ညွန့်ကတော့ သူ့အနားကို မလာတော့ဘူး..။ ဒါပေမယ့် သိန်းဝင်းက အခန်းရှေ့မှာ ရပ်နေတဲ့ ဒေါ်ညွန့်ညွန့်ဆီ ထသွားတယ်..။ လက်ထဲမှာက.. ခိုးဖို့ယူလာတဲ့ စာရွက်စာတမ်း လက်ကျန် တထပ်ကြီးကိုင်လို့ ပေါ့..။ အခန်းထဲမှာ ရှိတဲ့ ကျောင်းသား.. ကျောင်းသူတွေကလည်း သိန်းဝင်း ဘာများလုပ်မှာလည်းလို့ ကြည့်နေကြတယ်..။

မျက်စိမျက်နှာပျက်နေတဲ့ ဒေါ်ညွန့်ညွန့် လက်ကို သိန်းဝင်း ဆတ်ကနဲ ဆွဲလိုက်တယ်..။ ကြောက်အားလန့်အားနဲ့ ဆုပ်ထားတဲ့ ဒေါ်ညွန့်ညွန့်ရဲ့ လက်သီးဆုပ်ကို.. လက်ချောင်းတစ်ချောင်းခြင်း အတင်းဖြည် ပြီး.. သူ့လက်ထဲက ခိုးရာပါ စာရွက်တွေကို '' ရော့.. အင့် .. အင့် ..ဒါ အကုန်ပဲ '' လို့ ထိုးထည့်ပြီး သိန်းဝင်း ချာကနဲ လှည့်ထွက်သွားတယ်..။

အတန်းထဲက ရှိသမျလူအားလုံး.. ပါးစပ်အဟောင်းသားနဲ့ ကျန်ခဲ့ကြတယ်..။ ငါးစက္ကန့်လောက် မှင်သက်မိနေရာကနေ.. အိကနဲ ငိုပြီး ဒေါ်ညွန့်ညွန့်လည်း ထွက်သွားတယ်..။ ခနနေတော့ ကျောင်းအုပ် ဆရာကြီးနဲ့ တာဝန်ရှိတဲ့သူတွေရောက်လာခဲ့ကြတယ်..။

အဲဒီလိုနဲ့ ဦးတင်လေး ဒေါ်တင်အေးတို့၏ သားလှရတနာ ရင်နှစ်သည်းချာ မောင်သိန်းဝင်း အား အခြေခံပညာ အထက်တန်းစာမေးပွဲ ဖြေဆိုခွင့် သုံးနှစ် ရပ်နားလိုက်သည် ဆိုတဲ့.. အမိန့် ထွက်လာခဲ့တော့တယ်..။ ဒေါ်တင်အေးကတော့ ထုံးစံအတိုင်း ဆယ်တန်းအောင် ဘွဲ့ရတော့ အစိုးရကျွန်ပဲ ဖြစ်မှာပေါ့.. ဆယ်တန်းမအောင်တော့ ဘာအရေးလဲ လို့ သူ့သားကို မဆုံးမတဲ့အပြင်.. ထောက်ခံသယောင်ယောင် လုပ်နေသေးတယ်..။

လူဖြောင့် စိတ်တို .. လူရိုးကြီး ဦးတင်လေးကတော့.. ဒေါသတကြီးနဲ့ သိန်းဝင်းကို အိမ်မှာမနေနဲ့လို့ နှင်ချတယ်..။ သိန်းဝင်းကလည်း.. ဟုတ်ကဲ့ ဆိုပြီး ချက်ခြင်းဆင်းဖို့ အထုပ်အပိုးပြင်တယ်..။ ဒါပေမယ့် အိမ်တံခါးဝနားတောင် သိန်းဝင်းမရောက်ပါဘူး..။ ဦးတင်လေးက သိန်းဝင်းလက်ကိုဆွဲပြီး.. '' ငါ့သား ရာ အဖေပြောဆိုဆုံးမခဲ့တာတွေ တစ်ခုမှ မင်းနားမထောင်ခဲ့ပါဘူး.. အိမ်ပေါ်ကဆင်း ဆိုတာကျတော့မှ ဟုတ်ကဲ့ တဲ့လား.. နားထောင်စရာရှားလို့ ငါ့သားရာ '' လို့ ပြောပြီး ငိုတယ်..။

ဒေါ်တင်အေးကလည်း.. သားလေး ဘယ်မှ မသွားရဘူးလို့ ပြောရင်း.. ငိုတဲ့ပွဲထဲ ၀င်လာတယ်..။ ဆယ်မိနစ်လောက် .. သားအမိသားအဖ သုံးယောက် ကြိတ်ငို အော်ငို ရှိုက်ကြီးတငင်ငိုပွဲဆင်ပြီး တဲ့ နောက်မှာ တော့.. အရာအားလုံး ပိုနေမြဲကျားနေမြဲ ပြန်ဖြစ်သွားပါတော့တယ်..။


အချစ်ဆိုတာ.. ဆန်းကြယ်တယ်လို့ ပြောကြတယ်..။ ဘယ်ပုံဘယ်နည်း ဆန်းကြယ်တယ် မပြောတတ်ပေမယ့်.. နည်းနည်းတော့ ..ပုံမှန်မဟုတ်ဘူးလို့ ထင်မိတယ်..။ ဒါမှမဟုတ်.. အိမ်ထောင်ရေးနဲ့ အချစ်ကို ကျွန်တော်မခွဲခြားတတ်တာလားတော့ မသိဘူး..။

ရပ်ကျော်ရွာကျော် သိန်းဝင်း.. နောက်ဆုံးတော့ ကြိုက်လို့ပါတဲ့ဗျို့ လို့ ညည သူသွားသွားအော်နေတဲ့ ခင်လှ နဲ့ အဟုတ်ညားသွားတယ်..။ ခါးခါးသီးသီး မုန်းနေတဲ့ ခင်လှရဲ့ နှလုံးသားမှာ.. သိန်းဝင်းအတွက် အချစ်တွေ ဘယ်လို ပေါက်ဖွားသွားခဲ့တာလဲ ဆိုတာတော့ မယ်မင်းကြီးမ မှ သိမှာပဲ..။

1 comment:

kyaw said...

ထူးဆန်းပါပေ့..ကိုသိန်းဝင်းနဲ့ မခင်လှဇာတ်လမ်းကလည်း
နည်းတော့ရပြီ
သွားအော်ဦးမှဘဲ