Sunday, July 20, 2008

15.1 စကားကပ်တဲ့သားအဖ

ကျွန်တော်ကလဲ ကျွန်တော်ပဲ..။ ကျောင်းပြီးပေမယ့်.. မိဘကို ဟုတ်တိပတ်တိ မယ်မယ်ရရ မထောက်ပံ့နိုင်သေးတဲ့ ဘ၀...။ ရတဲ့ လခလေး ရှစ်ထောင်ကလဲ.. တစ်နေ့ထမင်းနှစ်နပ် အပြင်ဆိုင်ကြုံရာစား.. အပေါင်းအသင်းဘော်ဒါတွေနဲ့ မကြာခန ခွေးမသောက်တဲ့ အရည်တွေ မျိုဆို့.. တိုက်ခန်းလခ နှုတ် ဆိုတော့.. ဇီးကွက်ခေါင်းဖြတ်တာကမှ.. ကျန်လိမ့်ဦးမယ် ဆိုတာမျိုးပေါ့..။

အဖေ့အတွက် ဖြစ်နိုင်ရင် လေယာဉ်ပျံတောင် ၀ယ်ခဲ့ချင်တာပေါ့.. ဒါပေမယ့်.. သွားရတဲ့ သင်တန်းက တစ်လ.. ရတဲ့ allowance က မဖြစ်စလောက် ဆိုတော့.. အဲဒီခွက်လေးတောင် အနိုင်နိုင် ၀ယ်လာခဲ့ရတာ.. လို့ ကျွန်တော်က မျက်နှာငယ်လေးနဲ့ပြောတော့.. အေးပါမောင်ရာ.. အဖေက ချစ်လို့စတာပါ.. သားသမီးလုပ်စာ မမျှော်ကိုးပါဘူး.. သားသမီး လုပ်စာစားရမှ.. အသက်ရှင်မယ်ဆိုရင်.. အဆိပ်စားသေပစ်လိုက်မယ့်ကောင်ပါ.. လို့ ထပ်တွယ်တယ်..။

ကဲကဲ .. ဒီအသားဖ တော်ကြတော့ လို့ အမေ၀င်ပြောမှ.. ပွဲက ပြီးသွားတယ်..။ အဖေနဲ့ ကျွန်တော်က အဲဒီလိုမျိုး မကြာခန စကားနိုင်လုလေ့ရှိကြတယ်..။

မှတ်မှတ်ရရ ဆယ်တန်းအောင်ခါစ.. မကြာခင် တက္ကသိုလ်ကျောင်းသားကြီးဖြစ်တော့မှာမို့.. ရွာသားကျွန်တော်.. အရူးထပြီး ဂစ်တာတီးသင်တယ်..။ တက္ကသိုလ်ကျောင်းသားတို့ တတ်အပ်တဲ့ အဌာရသ ပညာရပ်တွေထဲမှာ.. ဂစ်တာတီးခြင်းကလည်း..ပညာ တစ်ခုအနေနဲ့ ပါတယ်လို့ ခံယူထားတာမို့ ဂစ်တာတီးတတ်အောင် လေ့ကျင့်တယ်..။

ဂစ်တာကို သိပ်ကျွမ်းကျွမ်းကျင်ကျင်ကြီး တီးတတ်ဖို့အထိတော့ နဂိုရ်ကတည်းက မရည်ရွယ်ပါဘူး..။ သူများတွေ မိန်းကလေးဆောင်ရှေ့ ဂစ်တာတီးနေရင်.. ကိုယ်လည်း တစ်ပုဒ်နှစ်ပုဒ် ၀င်တီး ၀င်ဆိုနိုင်ရင် တော်ပြီဆိုတဲ့ အတွေးနဲ့ တီးတာပါပဲ..။

အဲဒီအချိန်တုံးက.. ကျွန်တော်တို့ အိမ်ရဲ့ ညများစွာဟာ.. ကျွန်တော့်ရဲ့ နားဝင်ပီယံသူ့လက်သံ လွှမ်းခြုံနေခဲ့တာပေါ့..။ ညရောက်ပြီဆို.. ထရံချိတ်ထားတဲ့ ဂစ်တာအိုကို ဖြုတ်ပြီး.. ရစ်သမ်ခေါက်တယ်..။ အစဆိုတော့ ဖိုးကြီးအို ခါးကုန်းကုန်း မသေပါနဲ့အုံး... တို့ စိုင်းထီးဆိုင်ရဲ့.. '' နင်ဟာ အတောင်ပါတဲ့ ငှက်ပါ.. '' တို့ ကို အပ်ကြောင်းထပ်အောင် တီးတယ်..။

ကျွန်တော့်ရဲ့ ဂီတလက်သံကို.. ကျန်တဲ့ သူတွေက ဘာမှ မပြောပေမယ့်.. အဖေနဲ့ကတော့ တကျက်ကျက်ပဲ..။ ကျွန်တော်ခေါက်တဲ့ ရစ်သမ်ကို အဖေ့နားထဲမှာက.. ကန့်လန့်ကြီး ၀င်နေတယ်..။ ကျွန်တော်လက်ကွက်ဘယ်လိုပြောင်းပြောင်း ဘိ ဘယ်လိုပြောင်းပြောင်း အဖေ့နားထဲမှာ.. ဗျင်းဗျင်းဗျတ် ပဲ ကြားနေတော့ ပြဿနာတက်တော့တာပဲ..။

တစ်ည ကျွန်တော်ဂစ်တာတီးကောင်းနေတုံး အဖေက.. ဟေ့ကောင် မင်း ဗျင်းဗျင်းဗျတ်ကြီး တော်တော့.. ငါအိပ်မရဘူး လို့ ထဟောက်တယ်..။ အဖေ့ကို ဂီတနဲ့ ချော့သိပ်နေတာဗျ လို့ ကျွန်တော်က စောဒက တက်တော့.. မင်းတို့ ဂီတ ငါ့ဘယ်လိုမှ နားဝင်မချိုဘူး ကွ.. လို့ ထပ်ပြောတယ်..။

အဲဒါဆို.. အဖေတို့ ဂီတနဲ့ဆိုရင် အဖေအိပ်ပျော်လို့လား လို့ ကျွန်တော်က ကတ်သပ်ပြောတော့.. အေး ပျော်တယ်ကွာလို့ အဖေက ပြန်ပြောတယ်..။ အဲဒါဆိုကောင်းပြီ.. အဖေ့အိပ်ရာနားမှာ.. ပတ်မကြီးလာတီးမယ်ဗျာ.. အဖေ ဘယ်လိုလုပ်အိပ်နိုင်မှာလဲ .. လို့ ကျွန်တော်က ပေငြင်းတယ်..။

လာတီးကွာ.. ငါပျော်အောင်အိပ်မယ်လို့ အဖေကလည်း.. အတင်းခံပြောတယ်..။

မဟုတ်သေးဘူးလေ.. ခေတ်ဆိုတာ စီးမျောနေတာ.. အဖေတို့ မြန်မာ့ဆိုင်းဝိုင်းလည်း ဂီတပဲ.. ကျွန်တော်အခုတီးနေတဲ့.. ဂစ်တာဆိုတာကလည်း.. တကမ္ဘာလုံး လက်ခံထားတဲ့ ဂီတပဲ.. ခေတ်ရေစီးနဲ့လိုက်ပြီး အဖေစီးမျောသင့်တယ် လို့ ကျွန်တော်ကလည်း လျာဆက်ရှည်တယ်..။

အဖေကလည်း ဟေ့.. မင်းဖာသာ စီးမျောချင်မျော.. မစီးမျောချင် မမျောနဲ့.. ငါကတော့.. မစီးမျောနိုင်ဘူးကွလို့ ဆက်ပြောတယ်..။

ခေတ်ရေစီးကို မစီးမျောနိုင်ဘူးဆိုရင်.. အခုအချိန်ကစပြီး.. ကျွန်တော့်ကို ငါ့သား လို့ မခေါ်တော့နဲ့.. '' သားတော် '' လို့ ခေါ်ရမယ် လို့ ကျွန်တော်ကပြောတော့.. အေး ခေါ်မယ်ကွာ လို့ တုံးတိတိကြီး ပြန်ပြောတယ်..။ အဖေ့သူငယ်ချင်း ဦးစိန်ဝင်းကိုတွေ့တိုင်း.. အဆွေတော် ကျန်းခန့်သာလို့ မာပါစ လို့ ပြောင်းပြီး နှုတ်ဆက် ဆိုတော့လည်း.. အေးဆက်မယ်ကွာလို့ အဖေက ဆက်ပြောတယ်..။

နေဦး မနက်ဖန်ကစပြီး.. ခေတ်ရေစီးကို မစီးမျောချင်တဲ့ အဖေ အခုလက်ရှိဝတ်နေတဲ့ ပုဆိုးအစား တောင်ရှည်ပြန်ဝတ်ရမယ် လို့ ကျွန်တော်လည်း ဆက်ပြောတယ်..။ အေး.. ၀တ်မယ်ကွာ.. မင်းဝယ်ပေး.. အခုလောလောဆယ်တော့.. မင်း ဗျင်းဗျင်းဗျတ်ကြီး တောင်ထရံ ချိတ်ပြီး အိပ်တော့ လို့ ဒေါကြီးမောကြီးနဲ့ ထအော်တယ်..။

ကဲကဲ..ဒီသားအဖ ညကြီးမင်းကြီး အော်ကြီးဟစ်ကျယ်နဲ့ တော်ကြပါတော့လို့ ထုံးစံအတိုင်း အမေက ထပြောမှ.. ပွဲပြီးသွားတယ်..။

အဖေနဲ့ ကျွန်တော်နဲ့က အဲဒီလို..။


နောက်တော့လည်း.. ကျွန်တော်ဂစ်တာတီးတာ တားမရမှန်း အဖေ သိသွားဟန် ရှိပါတယ်..။ အရင်လို ဒေါကြီးမောကြီးနဲ့ ထထ မအော်တော့ပါဘူး..။ ဒါတောင်မှ.. ကျွန်တော်ဆိုတဲ့ သီချင်းတွေကို.. မကြိုက်ရင် မကြိုက်သလို..ဝေဖန် ကန့်ကွက်လေ့ရှိသေးတယ်..။

ကျွန်တော်ကလည်း.. တစ်ခါတစ်လေ အဖေ့ကို မထိတထိ စချင်ရင်.. အဖေမကြိုက်လောက်တဲ့ သီချင်းတီးပြီး စတယ်..။ ဥပမာ.. စိုင်းထီးဆိုင် ရဲ့ '' ငါ့ဘ၀ '' ဆိုတဲ့ သီချင်း..။ အဖေ သိပ်မုန်းတဲ့ သီချင်းပေါ့..။

အဲဒီသီချင်းက.. '' ဆန္ဒ ရယ် လိုလားမှုရယ်.. ထာဝစဉ် မျော်လင့်လျက် ရှိပေမယ့် ကံခေတော့ ဝေးရော့ပေါ့ကွယ်.. '' ဆိုတာနဲ့ စတယ်..။ သီချင်းအလယ်လောက်မှာ..

'' အဖေ အမေ ဆိုလည်း.. အို.. ခေါ် စရာကို မရှိတယ်.. ။ ၀မ်းနည်းမိတယ်.. ရင်နာမိတယ်.. ငါ့ဘ၀တလျောက် မှာလေ.. ''

ဆိုတဲ့ အပိုဒ်ပါတယ်..။

အဲဒီအပိုဒ် ကျွန်တော်ဆိုတာနဲ့.. '' ဟေ့ လူက မွေးတဲ့ ခွေးသား.. ဒီမှာ ငုတ်တုတ်ကြီးထိုင်နေတာ.. မင်းအဖေ မဟုတ်လို့ ဘယ်သူလဲ.. '' နဲ့ ထကစ်တော့တာပဲ..။

အဖေမုန်းတဲ့ နောက်သီချင်းတစ်ပုဒ်ရှိသေးတယ်..။ စိုးလွင်လွင်ရဲ့ '' ရင်ဆိုင်စရာ စွမ်းအားမရှိတော့လို့ပါ '' ဆိုတဲ့ သီချင်း..။

ကျွန်တော်အဲဒီသီချင်းဆိုတိုင်း.. အဖေက.. '' ငါ့သားရာ.. မင်းမို့.. ဒါလောက် လူညွှန့်တုံးတဲ့ သီချင်း ဆိုတယ်.. ပြင်ဆို.. ရင်ဆိုင်စရာစွမ်းအားအပြည့်နဲ့ပါ လို့ ပြင်ဆို.. '' လို့ အမြဲ ပြောတယ်..။


အဖေနဲ့ ပတ်သက်တဲ့ အမှတ်တရတွေက အဲဒီလိုမျိုး သိပ်များတယ်..။

4 comments:

လင်းပြာနွေ said...

အရမ်းသဘောကျသွားပြီ ဒီသားအစ်ဖ..ဒီစာ ဖတ်ရတော့ ကျွန်မ အဖေကို အောက်မေ့မိတယ်

ဂျူနို said...

သိတ်သဘောကျပါရဲ့ ။
မအယ်အစ်မက ထီးဆိုင်ရဲ့ နှလုံးလမ်းကြောင်းကျွန်းခံနေပြီဆို ဖေဖေက နားမထောင်ပါနဲ့ သမီးရယ် ဒီကောင်သတ္တိနည်းလွန်းပါတယ်တဲ့။
တချို့ ကမင်းကြောင့်အရက်ဆိုင်မှာ မာယာမင်းကြောင့် ရူးကြောင်ကြောင်ဆိုတော့ သူများကို အပြစ်ပြောတယ်တဲ့
ကောင်တဲ့။
စည်သူလွင်ကျ ကိုယ့်ကြောင့် ကိုယ့်ကြောင့်လည်းဆိုရော
ဒီကောင်တော်တယ်သမီးတို့  သူက တာဝန်ယူတတ်တယ်တဲ့။

Summer Field said...

အဖေက သူငြင်းလို့ မနိုင်ရင် အော်တာ ငေါက်တာလောက်ပဲလားဗျ။ လက်ကော မပါဘူးလား။

kyaw said...

လိုက်လည်းလိုက်တဲ့ သားအဖဘဲဗျာ
အူတွေတောင်နာလာပြီဗျ