Wednesday, August 12, 2009

45.4 မွှေးလည်းမွှေးတယ် အေးလည်းအေးတယ်

လျှပ်စစ်မီးမရှိတဲ့ ဆီမီးခုံရွာသား ကျွန်တော့်ကို မြင်းခြံက အဘွားကြီးတစ်ယောက်က ပယ်ပယ်နှယ်နှယ် “ တောသား၊ လူအ ” လို့ ပြောတာ.. အခုထိ မှတ်မိနေသေးတယ်..။ အဲဒီတုံးက အဘွားကြီးက ကျွန်တော့်ကို လက်ခု (လက်နှီးစုတ်) ပေးပြီး အိမ်ရှေ့စားပွဲပေါ်က ထမင်းအိုး သွားယူလာခဲ့လို့ ခိုင်းတယ်..။ ရွာမှာက.. ထမင်းအိုးဆိုတာ.. မြေကျင်းတူး အုတ်ခဲဆင့်ပြီး ထင်းနဲ့ ချက်ကြတာပဲ..။ လျှပ်စစ်မီးနဲ့ ချက်တဲ့ ထမင်းပေါင်းအိုးဆိုတာ.. မြင်ဖူးဖို့ဆိုတာ ဝေးလို့ ကြားဖူးတယ်ဆိုရင်တောင် လွန်လှပြီ ဆိုတဲ့ အရပ်က လာတာဆိုတော့.. ကျွန်တော်လည်း ကြောင်စီစီ၊ဇဝေဇ၀ါ၊နဝေတိမ်တောင်နဲ့ .. သူပေးလိုက်တဲ့ လက်ခု ကို ယူပြီး မီးစင်ကြည့်ကမယ် စိတ်ကူးပြီး အိမ်ရှေ့ထွက်လာခဲ့တာပေါ့..။

အိမ်ရှေ့ရောက်တော့.. စားပွဲပေါ်မှာရှိတဲ့ ပုပုအိုင့်အိုင့် ပစ္စည်းဟာ.. ထမင်းအိုးပဲ ဖြစ်ရမယ်လို့တော့ တန်းသိပါတယ်..။ စားပွဲနောက်ကပ်ရက် နံရံက ပလပ်ပေါက်ရယ်.. ထမင်းပေါင်းအိုးကို ဆက်ထားတဲ့ ၀ါယာကြိုးတွေကို ကြည့်ပြီး အဲဒါဟာ လျှပ်စစ်နဲ့ချက်တဲ့ ထမင်းအိုးဆိုတာ ခန့်မှန်းမိတာပဲ..။ အဲဒါနဲ့.. ကျွန်တော် မရဲတရဲ လက်နဲ့ တို့ကြည့်တယ်..။ ပူလား ပေါ့..။ ဒါပေမယ့် ကျွန်တော် တို့ကြည့်မိတာက ထမင်းပေါင်းအိုး အပြင်အခွံ ( body ) ဆိုတော့ ဘယ်ပူမလဲ..။

အထဲမှာမှ တကယ့်ထမင်းအိုး ရှိနေတာ မသိတော့.. သေချာအောင်နောက်တစ်ကြိမ် အဲဒီ body ကြီးကိုပဲ ထပ်စမ်းကြည့်တယ်..။ လုံးဝမပူတာ သေချာသွားပြီဆိုမှ.. ပေးလိုက်တဲ့ လက်ခုကို ခါးကြားထိုးပြီး ပလပ်ပေါက်က ကြိုးတွေကို ဆွဲဖြုတ်၊ ပေါင်းအိုးကြီးတစ်ခုလုံးကို အခြေကနေ သိမ်းကြုံးမလာခဲ့တယ်..။ စိတ်ထဲမှာလဲ.. ဒီအဘွားကြီး အသက်ကြီးလို့ ယောင်တောင်ကန်းတမ်း နဲ့ မလိုအပ်ဘဲ လက်ခု ပေးလိုက်တယ်.. သူတို့ထမင်းအိုးက ပူမှမပူဘဲ လို့ တွေးရင်းပေါ့..။

အဲဒီမှာ.. အဘွားကြီးက ပစ်ပစ်နှစ်နှစ် “ တောသား၊ လူအ ” လို့ ထမင်းပေါင်းအိုးတစ်ခုလုံး မချလာတဲ့ ကျွန်တော့်မြင်တာနဲ့ ကောင်းချီးပေးတော့တာပဲ..။

အဲဒီတုံးကတော့ ရှက်တဲ့စိတ်နဲ့ ကျွန်တော့်မှာ ထူအမ်းအမ်းကြီး ဖြစ်လို့ပေါ့..။ ဒါပေမယ့်.. နောက်ပိုင်း အတွေ့အကြုံ၊ အတွေ့အမြင်လေးတွေ ရလာတော့.. “ငါ အဲဒီတုံးက တကယ် အ ခဲ့သလား ” လို့ ပြန်စမ်းစစ်ကြည့်မိတော့.. အဲဒါဟာ.. “ အ ” တာမဟုတ်ဘဲ.. lack of experience မျှသာ ဖြစ်တယ်ဆိုတာ.. သိလာရတယ်..။

အဲဒါလေးနဲ့ ဆက်စပ်ပြီး ဒီတစ်ခေါက် တရုတ်ပြည်ကို အတွေ့အကြုံရအောင်ဆိုပြီး ကျွန်တော်တို့အဖွဲ့နဲ့ လိုက်တာတဲ့ တစ်ယောက် အကြောင်းလေး ပြောချင်တာပါ..။ မရည်ရွယ်ဘဲ၊ မထင်မှတ်ဘဲ.. သူရသွားခဲ့တဲ့ တုံးကွမ်ဟိုတယ်က အိုးနင်းခွက်နင်း အဖြစ်သနစ်ပေါ့..။ ကျွန်တော်တို့အဖွဲ့က သူအပါ လေးယောက်ဆိုတော့.. ဟိုတယ်မှာ နှစ်ယောက်ခန်း နှစ်ခန်း ယူရတယ်..။ ရေမြင်းနဲ့ ကျော်သူရက တစ်ခန်း..။ ကျွန်တော်နဲ့ သူနဲ့က တစ်ခန်းနေတယ်..။

ဟိုတယ်က four stars အဆင့်ရှိတဲ့ ဟိုတယ်ဆိုတော့.. အခန်းအပြင်အဆင်.. facility က မဆိုးလှဘူး..။ ရေချိုးခန်းထဲမှာလည်း တကိုယ်ရေသုံး သွားတိုက်တံ၊သွားတိုက်ဆေး၊ ဆပ်ပြာ၊ bath gel ၊ body lotion က အစ.. condom.. sexual lubricant ပါမကျန် ထည့်ပေးထားတယ်..။ တစ်ခုပဲ ရှိတယ်.. ။ condom နဲ့ အဲဒီ lubricant က FOC မဟုတ်ဘဲ.. တစ်ထုပ်ကို ဆယ် ယွမ် ကျတယ်..။

condom ထုပ်က ပြူးတူးပြဲတဲ နဲ့ သိသာပေမယ့်.. lubricant ထုပ်က မြန်မာပြည်မှာ ခေတ်စားနေတဲ့ တစ်ခါသုံး ခေါင်းလျှော်ရည် ထုပ်နဲ့ အရွယ်အစား ထုပ်ပိုးပုံ တထေရာတည်းဆိုတော့ ကျွန်တော့်အခန်းဖော်ဆရာသမားက ခေါင်းလျှော်ရည်အထင်နဲ့ ရေချိုးတုံး စိန်ပြေနပြေ သမပစ်လိုက်တယ်..။ သူရေချိုးပြီးလို့ ကျွန်တော် ရေအိမ်ဝင် သွားတိုက်မျက်နှာသစ်တော့.. bath tap ပေါ်တင်ထားတဲ့ .. lubricant က တစ်ထုပ် လျော့ နေပြီ..။ lubricant က နှစ်ထုပ်ရှိတယ်..။ for woman နဲ့ for man ပေါ့..။

“ ဟာ.. သွားပြီ .. ဒီလူတော့ ခေါင်းလျှော်ရည် အထင်နဲ့ တီးထည့်ပစ်လိုက်ပြီ ထင်တယ် ” လို့ အလန့်တကြား တွေးရင်း .. အမှိုက်ပုံးထဲ ငုံ့ကြည့်မိတော့.. ထင်တဲ့အတိုင်း တစ်ထုပ်က ဖြဲသုံးထားလို့.. အခွံပဲ ကျန်တော့တယ်..။ အဲဒါနဲ့ ကျန်ခဲ့တဲ့တစ်ထုပ်ကို ကောက်ကိုင်ကြည့်တော့.. for man တဲ့..။ သွား ပြီ..။ လွဲတာမှ.. ခေါင်းလျှော်ရည်နဲ့ လွဲရုံမက.. ယောက်ျားမိန်းမပါ လွဲကုန်တော့တာပဲ..။ ကျွန်တော်လည်း သွားတိုက်ရင်း တန်းလန်းနဲ့ ရေချိုးခန်းထဲက ပြန်ထွက်ပြီး “ ဟေ့လူ.. ခင်ဗျား ခေါင်းလျှော်သေးလား ” ဆိုတော့.. “ အင်း လျှော်တယ်.. ဘာဖြစ်လို့လဲ ” တဲ့..။

“ဘာမှမဖြစ်ပါဘူး.. ခေါင်းလျှော်ရည် ဘယ့်နှယ့် နေလဲ ကောင်းလား ” လို့ ကျွန်တော်လည်း မထူးတော့တာမို့ မသိချင်ယောင်ဆောင် ဆက်မေးတော့

“ အတော်ကောင်းသဗျား.. တရုတ်ခေါင်းလျှော်ရည်က.. မွှေးလည်းမွှေးတယ်.. ဦးရေလည်း အေးတယ်.. အမြုပ်တွေလည်း အများကြီးထွက် တယ် ” တဲ့..။

ကျွန်တော့်မှာ.. ပါးစပ်ထဲက သွားတိုက်ဆေးတွေတောင် အပြင် စင်ထွက်ကုန်တယ်..။ ခွီးကနဲ.. ပဲ..။ ဆက်အောင့်မထားနိုင်တော့ဘူး..။ ရယ်လိုက်ရတာ..။ ၀အောင် ရယ်ပြီးမှ.. သူသုံးလိုက်တာ ခေါင်းလျှော်ရည် မဟုတ်ကြောင်း ပြောရတော့တယ်..။ အဲဒါတောင် စပ်ဖြဲဖြဲ နဲ့ မောင်မင်းကြီးသားက အမြုပ်တကယ်ထွက်တာဗျ လို့.. အရှက်ပြေ ပြောနေသေးတယ်..။ အဲဒီနေ့ညနေက.. ကျွန်တော်တို့အဖွဲ့ လမ်းလျှောက်ဈေး သွားကြတော့ တဖွဲ့လုံးက သူ့ကို “ ခင်ဗျားခေါင်းကို တရုတ်တွေ ကွက်ကြည့်ကွက်ကြည့် လုပ်နေတယ်.. ဘာဖြစ်လို့လဲ မသိဘူးနော် ” လို့.. ၀ိုင်းစကြတယ်..။

သူကလည်း လူနောက်ဆိုတော့.. “ ကျုပ်ခေါင်းက အနံ့ရလို့ နေမှာပေါ့ ” တဲ့..။ ပြန်ပြောတယ်..။ တဖွဲ့လုံး အဲဒီနေ့က တ၀ါးဝါး တဟားဟား နဲ့.. အူပေါက်အောင် ရယ်နေခဲ့ကြတယ်..။ ဇာတ်လမ်းက ပြန်ခါနီး ဟိုတယ် check out လုပ်တဲ့အထိ မပြီးချင်သေးဘူး..။ bill ရှင်းတော့.. ကျော်သူရက “ သူငယ်ချင်း မင်းတို့အခန်းမှာ ယောက်ျားနှစ်ယောက် တည်းပြီး.. lubricant တစ်ထုပ် သုံးထားတယ်တဲ့.. အဲဒါ receptionist တွေက.. မသင်္ကာ ဖြစ်နေတယ် ” လို့ နောက်နေသေးတယ်..။

9 comments:

Nay Lin said...

ရီရတယ်ဗျို့

Andrew said...

haha
so funny :D
nice post bro, go on ! we are supporting :)

hnin said...

Is it really? funny!

Nanda said...

ဖွီး သောက်နေတဲ့ ကာဖီရေတွေ သီးပီးဖူးခနဲထွက်ကုန်လို့ မော်နီတာလဲ မော်ညိုတာဖြစ် ကီးဘုတ်လဲအကုန်ပေကုန်ပီ။

Rita said...

bro စာရေးတာတင် မဟုတ်ဘူး လူကပါ သော်တာဆွေနဲ့ တူလာသလိုပဲ။

neking said...

တကယ်ပါပဲ။မှတ်ထားမှပါအကိုရေ..ကျွန်တော်လဲကမ္ဘာပတ်ရဖို့နီးနေပြီ။တော်ကြာမဟုတ်တာတွေဖြစ်ရင်..ဒုက္ခ

Myanmar Good Knowledg Co., Ltd said...

သိပ်ရီရတယ်။ ဒီကိစ္စကို တစ်ယောက်ထဲလမ်းလျှောက်တဲ.အချိန်၊ ဈေးဝယ်ရင်းပစ္စည်းကြည့်တဲ. အချိန်၊ ရထားစီတဲ.အချိန်တွေမှာ သတိမရမိအောင်ကြိုးစားရမယ်။

မေထူးမြတ်မွန် said...

Bro Nanda ပြောသလိုပဲ ဒီမှာအကုန်ထွက်ကုန်ပြီ...coffee သောက်နေတာကိုဒုက္ခပေးတယ်...ဟီး...တကယ်ရယ်ရပါတယ်...

Unknown said...

အဟုတ်ကို အော်ရယ်နေပြီဗျို့ 